Innlent

Bein út­sending: HÍ og heims­mark­miðin – Hag­vöxtur og hag­sæld á tímum um­breytinga

Atli Ísleifsson skrifar
Viðburðaröðin er haldin í samstarfi við forsætisráðuneytið og stendur milli 12 og 13:30.
Viðburðaröðin er haldin í samstarfi við forsætisráðuneytið og stendur milli 12 og 13:30. Vísir/Vilhelm

„Hagvöxtur og hagsæld á tímum umbreytinga“ er yfirskrift næsta viðburðar í viðburðaröð Háskóla Íslands um um heimsmarkmið Sameinuðu þjóðanna. Þar verður fjallað um brýnustu verkefni og áskoranir sem þjóðir heims standa frammi fyrir.

Viðburðaröðin er haldin í samvinnu við ,Sjálfbærnistofnun HÍ og samstarfi við forsætisráðuneytið og stendur milli 12 og 13:30. Hægt er að fylgjast með viðburðinum í beinu streymi í spilaranum að neðan.

„Í þetta sinn er sjónum beint að heimsmarkmiði 8 um góða atvinnu og hagvöxt sem fjallar m.a. um hvernig hægt sé að stuðla að viðvarandi sjálfbærum hagvexti og arðbærum og mannsæmandi atvinnutækifærum fyrir alla,“ segir í tilkynningunni.

Dagskrá:

  • Jón Atli Benediktsson, rektor Háskóla Íslands, opnar viðburðinn.
  • Tinna Laufey Ásgeirsdóttir, prófessor í hagfræði, flytur erindið „Hagsæld og hagvöxtur - hvernig mælum við velferð?“

Pallborð:

  • Arndís Vilhjálmsdóttir, teymisstjóri notendaþjónustu hjá Hagstofunni
  • Ásgeir Brynjar Torfason, ritstjóri Vísbendingar
  • Gylfi Magnússon, prófessor í hagfræði við HÍ
  • Tinna Laufey Ásgeirsdóttir, prófessor við hagfræði við HÍ

Viðburðinum lýkur með samtali Kristrúnar Frostadóttur forsætisráðherra og Hafdísar Hönnu Ægisdóttur forstöðumanni Sjálfbærnistofnunar HÍ.

Fundarstjóri er Hafdís Hanna Ægisdóttir, forstöðumaður Sjálfbærnistofnunar HÍ.


Um viðburðarröðina

Öll aðildarríki Sameinuðu þjóðanna hafa samþykkt að innleiða sautján heimsmarkmið sem takast á við stærstu verkefni samtímans. Mikilvægt er að sérfræðiþekking og rannsóknir nýtist til lausnar á þeim viðamiklu verkefnum sem heimsmarkmiðin lýsa og einfaldi samfélögum að takast á við víðtækar áskoranir.

Eitt heimsmarkmið verður tekið fyrir í hverri viðburðalotu þar sem öflugum fræðimönnum, frá öllum fræðasviðum Háskóla Íslands, verður teflt fram til að kryfja og ræða markmiðin, vandamálin og áskoranirnar sem þeim tengjast frá sem flestum hliðum. Háskóli Íslands einsetur sér að þekkingarsköpun og rannsóknir við skólann hafi víðtæk áhrif.

Heimsmarkmið Sameinuðu þjóðanna um sjálfbæra þróun eru samþætt og órjúfanleg og mynda jafnvægi milli þriggja stoða sjálfbærrar þróunar; hinnar efnahagslegu, félagslegu og umhverfislegu. Þau fela í sér fimm meginþemu sem eru mannkynið, jörðin, hagsæld, friður og samstarf.




Fleiri fréttir

Sjá meira


×