Innlent

Liggur þungt haldinn eftir stór­fellda líkams­á­rás í Hlíðunum

Silja Rún Sigurbjörnsdóttir skrifar
Einn einstaklingur er grunaður um árásina og hefur hann verið handtekinn. Myndin er úr safni.
Einn einstaklingur er grunaður um árásina og hefur hann verið handtekinn. Myndin er úr safni. Vísir/Vilhelm

Lögreglunni á höfðuborgarsvæðinu barst tilkynning um stórfellda líkamsárás. Maðurinn sem varð fyrir árásinni var fluttur á sjúkrahús og er sagður liggja þungt haldinn á bráðamóttöku. Einn einstaklingur hefur verið handtekinn.

Þetta kemur fram í dagbók Lögreglu á höfuðborgarsvæðinu. Atvikið átti sér stað í Hlíðunum í Reykjavík rétt fyrir hádegi í dag.

Einn aðili er grunaður um árásina. Hann hefur verið handtekinn og vistaður í fangageymslu.

„Eins og staðan er núna erum við með einn í haldi og verið að fara yfir málið,“ segir Agnes Eide Kristínardóttir, yfirlögregluþjónn.

Hún gat ekki sagt til um líðan einstaklingsins en líkt og áður kom fram liggur hann þungt haldinn á bráðamóttöku.

Fréttin hefur verið uppfærð.

Lögreglumál

Mest lesið


Fleiri fréttir

Sjá meira


×

Mest lesið