Barn fórst í Hvít­á í gær

Þetta kemur fram í tilkynningu frá lögreglunni á Suðurlandi. Drengurinn, sem hét Víglundur Þorsteinsson og var fæddur árið 2015, var ökumaður dráttarvélarinnar. Hann fannst skömmu eftir slysið og var úrskurðaður látinn. 

Víglundur bjó í Haukholtum ásamt foreldrum sínum og þremur systkinum. Slysið varð skammt frá bænum, sem liggur við Hvítá. 

Nú er unnið að því að ná dráttarvélinni upp úr ánni en aðstæður á vettvangi eru sagðar erfiðar. 

„Lögreglan vill koma á framfæri þökkum til allra þeirra viðbragðsaðila sem komu að björgunaraðgerðum í gær sem og þeim aðilum sem hafa unnið að því að ná dráttarvélinni upp í dag. Lögreglan á Suðurlandi fer með rannsókn á tildrögum slyssins, en sú vinna er á frumstigum.“

Þá segir að bænastund verði haldin í Hrunakirkju í kvöld klukkan átta.