Meiri­hlutinn á Ísa­firði fallinn

Bæjarins besta greinir frá þessu, en Þorbjörn staðfestir tíðindin við miðilinn.

„Eftir mikla yfirsetu og hugsun, og vegna framkomu sumra Í lista samstarfsmanna við mig sem hefur verið þannig , að ég hef ákveðið að hætta frá og með deginum í dag, að styðja þennan meirihluta, Í listann í bæjarstjórn, en kem til með að styðja áfram góð málefni,“ segir hann í tilkynningu sem var send á Bæjarins besta.

Í samtali við Vísi segir Þorbjörn að hann vilji ekki tjá sig frekar um þessa meintu framkomu samstarfsmanna hans í hans garð að svo stöddu. Hann segir að það muni allt koma fram síðar.

Þess má geta að Þorbjörn tók sæti sem aðalmaður í bæjarstjórninni þegar Arna Lára Jónsdóttir, þáverandi bæjarstjóri, tók sæti á þingi fyrir Samfylkinguna eftir þingkosningarnar í lok nóvemver. Hún sagði af sér sem bæjarfulltrúi í byrjun febrúar. 

Þorbjörn hefur því verið í meirihlutanum í einungis rúma þrjá mánuði.

Fréttin hefur verið uppfærð.