Innlent

Boða sprengingar við Hvamms­virkjun í allt sumar

Jón Ísak Ragnarsson skrifar
Tölvugerð mynd af Hvammsvirkjun.
Tölvugerð mynd af Hvammsvirkjun. Skeiða- og gnúpverjahreppur

Búast má við því að sprengingar verði flesta daga í sumar vegna jarðvegsvinnu við undirbúning Hvammsvirkjunar.

Gert er ráð fyrir því að verktakar á svæðinu þurfi að sprengja töluvert berg.

Reiknað er með því að einhverjar sprengingar verði flesta daga í sumar, og þær verði á bilinu frá kl 8. á morgnana til 19. á daginn.

Þetta kemur fram í tilkynningu frá sveitarstjórn Skeiða- og gnúpverjahrepps.

Fram kemur að sprengingar um helgar verði takmarkaðar eins og unnt er.

„Við biðjumst velvirðingar á því ónæði sem þessar óhjákvæmilegu sprengingar geta valdið og munum kappkosta að láta íbúa í nágrenni framkvæmdanna vita af þeim fyrirfram, eftir því sem kostur er,“ segir í tilkynningunni.




Fleiri fréttir

Sjá meira


×