Lífið

Á­hrifa­valdar og þing­menn ræddu kær­leikann

Sólrún Dögg Jósefsdóttir skrifar
Þingmenn allra þingflokka sátu í kærleikshring. 
Þingmenn allra þingflokka sátu í kærleikshring.  Eygló Gísla

Alþingismenn og áhrifavaldar tóku þátt í kærleikshringjum í Iðnó með það að markmiði að eiga samtal um samfélagið og hvað sé hægt að gera til að auka samkennd og hafa áhrif til góðs. Verkefninu var ýtt úr vör í kjölfar andláts Bryndísar Klöru sem lést af sárum sínun eftir stunguárás á menningarnótt í fyrra. 

„Kærleikshringurer einlægt hópsamtal sem fer fram án síma og annars utanaðkomandi áreitis. Hverjum þátttakanda er gefið rými til að tjá sig og aðrir þátttakendur hlusta með athygli og virðingu. Leiðbeinandi opnar samtalið og heldur síðan vel utan um rýmið og hópinn,“ segir í fréttatilkynningu. 

Frú Halla Tómasdóttir forseti Íslands kallaði saman fyrsta kærleikshringinn í byrjun september 2024, skömmu eftir hnífaárásina á menningarnótt. Í fyrsta kærleikshringnum komu saman 30 einstaklingar úr ólíkum áttum samfélagsins. 

„Í því samtali var kalli föður Bryndísar Klöru svarað og hreyfingin Riddarar kærleikans varð til.“

Síðan þá hafi fjöldi kærleikshringja verið haldinn í skólum landsins, á Bessastöðum með körlum á ýmsum aldri og nú í Iðnó með alþingismönnum annars vegar og áhrifavöldum hins vegar.

„Umræðuefni allra þessara samtala hefur verið samfélagið sem við búum í, andleg heilsa ungs fólks og hvernig við getum sýnt kærleik í verki.“

Bergþór Ólason þingflokksformaður Miðflokksins tók til máls. Eygló Gísla
Áhrifavaldar úr ýmsum kimum samfélagsins áttu samtal um kærleikann. Eygló Gísla
Nadía Sif Líndal áhrifavaldur tók einnig til máls.Eygló Gísla
Þessir þingmenn eru riddarar kærleikans. Eygló Gísla
Hverjum þátttakanda var gefið rými til að tjá sig. Eygló Gísla
Forseti Íslands Geðheilbrigði Vopnaburður barna og ungmenna Halla Tómasdóttir


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.