Þetta kemur fram í tilkynningu frá almannavörnum. Hættustig Almannavarna gildir frá og með 15:00 í dag og gildir þar til veðrið gengur niður á morgun, fimmtudaginn 6. febrúar.
„Veðrið gengur yfir landið á mismunandi tíma með mismiklum áhrifum og er fólk hvatt til að fylgjast með á vef Veðurstofunnar http://www.vedur.is. Auk þess er hægt að fylgjast með færð á vegum á vef Vegagerðarinnar http://www.umferdin.is.
Veðrinu sem er spáð getur valdið miklum samfélagslegum áhrifum og getur valdið tjóni. Einnig getur það haft mikil áhrif á þjónustu, innviði og samgöngur á landi og lofti,“ segir í tilkynningunni.
