Erlent

Ís­lenskur skurð­læknir hlúir að fólki í Magdeburg

Tómas Arnar Þorláksson skrifar
Henning Busk starfar við háskólasjúkrahúsið í Magdeburg.
Henning Busk starfar við háskólasjúkrahúsið í Magdeburg. Skjáskot/AP

Hinn þýsk-íslenski Henning Busk sem starfar við háskólasjúkrahúsið í Magdeburg sem hjarta- og brjóstholsskurðlæknir segir í samtali við Vísi að fjölmargir særðir liggi inni á sjúkrahúsinu eftir að maður frá Sádí Arabíu ók bifreið sinni á hóp fólks á jólamarkaði í Magdeburg í Þýskalandi í gærkvöld.

Hann gat ekki rætt við fréttastofu í löngu máli þar sem hann var staddur í vinnunni og var önnum kafinn við að hlúa að fólki. Eins og greint hefur verið frá eru minnst fimm látnir og 200 slasaðir eftir atvikið í gær sem stjórnvöld í Þýskalandi telja að hafi verið árás. 

„Það er mjög erfitt fyrir alla að ræða þessi mál. Ég var ekki í bænum og get ekki mikið sagt um það. Nóttin var hræðileg,“ segir Henning.

Hann tekur fram að engum hafi dottið í hug að slíkt gæti gerst í Magdeburg. Fólk í borginni sé í áfalli.

„Jólamarkaðurinn hér er vinsæll og mjög fallegur en það verður erfitt að ganga um hann í framtíðinni fyrir marga. Hér ríkir mikil sorg. Í allri borginni er angist, sorg, reiði, hatur. Enginn veit hvernig eða hvaða skaði myndast hér í þjóðfélaginu, í borginni.“ 

Þýskaland Íslendingar erlendis Ekið á gesti jólamarkaðar í Magdeburg

Mest lesið


Fleiri fréttir

Sjá meira


×

Mest lesið