Embætti og stöður sem losna eftir kosningar Magnús Jochum Pálsson skrifar 1. desember 2024 17:27 Á næstunni geta áhugasamir sótt um að vera landlæknir, yfirlögregluþjónn í Vestmannaeyjum eða sviðsstjóri Almannavarna. Svo er spurning hver verður yfirmaður miðlægrar rannsóknardeildar. Vísir/Vilhelm/Arnar Mikið hefur verið fjallað um fjölda embættismanna sem voru í framboði til Alþingis í nýafstöðnum kosningum. Þar að auki er fjöldi sveitastjórnarfólks í framboði. Spurningin er hvaða stöður og embætti losna eftir kosningarnar? Löggurnar og læknirinn Stærsta embættið sem losnar er án efa embætti landlæknis sem Alma Möller, oddviti Samfylkingarinnar í Kraganum, hefur sinnt frá 2018. Alma hefur verið í leyfi frá því hún ákvað að bjóða fram krafta sín fyrir Samfylkinguna og hefur Guðrún Aspelund, sóttvarnalæknir, sinnt embættinu í hennar fjarveru. Víðir Reynisson, yfirlögregluþjónn hjá almannavarnasviði og félagi Ölmu úr þríeykinu, náði kjöri í Suðurkjördæmi. Víðir var ekki ráðinn heldur settur í yfirlögregluþjónsstöðuna í upphafi kórónuveirufaraldurs og var síðan endurráðinn í september 2020. Þegar Víðir fór í leyfi vegna framboðsins í október tók Runólfur Þórhallsson, aðstoðaryfirlögregluþjónn hjá greiningardeild ríkislögreglustjóra, við stöðunni og mun væntanlega gegna henni þar til hún verður auglýst. Staðan hefur reyndar gengið undir nafninu sviðsstjóri almannavarna síðustu misseri. Það verða fleiri breytingar í lögreglunni af því Karl Gauti Hjaltason, lögreglustjóri í Vestmannaeyjum og oddviti Miðflokksins í Suðurkjördæmi, er snúinn aftur á þing eftir að hafa dottið út 2021. Hann var skipaður lögreglustjóri 1. apríl 2023 af Guðrúnu Hafsteinsdóttur og hefur því verið frekar stutt í embættinu. Þriðji lögreglumaðurinn sem komst inn í nótt er Grímur Grímsson, yfirlögregluþjónn sem er í þriðja sæti Viðreisnar í Reykjavíkurkjördæmi norður. Hann hefur verið yfirmaður miðlægrar rannsóknardeildar lögreglu síðan í febrúar 2021. Væntanlega verður sú staða ekki auglýst sérstaklega heldur tekur einhver innan lögreglunnar við embættinu. Fyrrverandi borgarstjóri og tveir bæjarstjórar Þó nokkrir sveitastjórnarfulltrúar náðu einnig kjöri og mun brotthvarf þeirra væntanlega hafa þau áhrif að varafulltrúar verða að borgar- og bæjarfulltrúum. Stærsta nafnið þar er Dagur B. Eggertsson, fyrrverandi borgarstjóri og núverandi formaður borgarráðs, sem er í öðru sæti í Reykjavíkurkjördæmi suður fyrir Samfylkinguna. Brotthvarf hans úr borgarpólitíkinni markar töluverð tímamót en hann hefur verið í borgarstjórn frá 2002. Þar af var hann borgarstjóri í rúm tíu ár. Sjá einnig: Dagur hvetur alla Sjálfstæðismenn til að strika sig út Næststærsta nafnið úr sveitastjórnarpólitíkinni er Rósa Guðbjartsdóttir sem var í 4. sæti Sjálfstæðisflokksins í Kraganum. Hún hefur verið í bæjarstjórn Hafnarfjarðar frá 2006 og bæjarstjóri frá 2018. Hins vegar var þegar búið að ákveða að Valdimar Víðisson, oddviti Framsóknarflokks, tæki við sem bæjarstjóri næstu áramót. Annar bæjarstjóri sem komst á þing er Arna Lára Jónsdóttir sem hefur verið bæjarstjóri Ísafjarðar frá því sumarið 2022. Hún hefur verið bæjarfulltrúi Í-listans frá 2006 og býr því einnig yfir mikilli reynslu af sveitastjórnarmálum. Dagur, Rósa og Arna Lára eru reyndir sveitastjórnarfulltrúar en það kemur maður í manns stað. Aðrir sveitastjórnarfulltrúar Dagur er ekki eini borgarfulltrúi Samfylkingarinnar sem náði kjöri, læknirinn Ragna Sigurðardóttir, sem er í öðru sæti í hinu Reykjavíkurkjördæminu, gerði það líka. Hún var í tíunda sæti á framboðslista Samfylkingarinnar í borgarstjórnarkosningum 2022 og hefur komið inn sem varamaður. Aðrir sveitastjórnarfulltrúar Samfylkingarinnar sem komust inn á þing eru Guðmundur Ari Sigurjónsson, sem hefur verið oddviti Samfylkingarinnar á Seltjarnarnesi frá 2018, og Ása Berglind Hjálmarsdóttir, verkefnastjóri dagskrárgerðar í Hörpu sem hefur verið bæjarfulltrúi í Ölfusi frá 2022 Kolbrún Baldursdóttir sem hefur verið í minnihluta í borginni fyrir Flokk fólksins frá 2018 komst líka á þing. Hún var í 2. sæti í Reykjavíkurkjördæmi norður og komst inn sem jöfnunarþingmaður. Borgarstjórn mun án efa finna fyrir brotthvarfi hennar. Þá hefur Pawel Bartoszek verið varaborgarfulltrúi Viðreisnar frá 2022 en kemur nú inn á þingið sem 2. þingmaður Viðreisnar í Reykjavíkurkjördæmi norður. Ragna og Kolbrún hafa verið saman í borgarstjórn og úti á Nesi hefur Guðmundur barist við að koma Sjálfstæðisflokknum frá völdum. Skólameistari og aðstoðarskólastjóri Loks má nefna tvo nýja þingmenn sem koma úr menntakerfinu. Annars vegar Eydís Ásbjörnsdóttir, fráfarandi skólameistari Verkmenntaskólans á Austurlandi, sem skipaði 2. sæti Samfylkingarinnar í Norðausturkjördæmi og hins Jón Pétur Zimsen, aðstoðarskólastjóri Réttarholtsskóla, sem skipaði 3. sæti Sjálfstæðisflokksins í Reykjavíkurkjördæmi suður og komst inn sem jöfnunarþingmaður. Jón og Eydís koma inn á þing úr menntakerfin. VA er ekki eini verkmenntaskólinn sem hefur komið við sögu í kosningunum. Eins og frægt er lenti Sigmundur Davíð Gunnlaugsson, formaður Miðflokksins, upp á kant við Sigríði Huld Jónsdóttur, skólameistara VMA, þegar hann hafði verið með fíflalæti í skólanum. Sigmundur uppnefndi Sigríði svo Samfylkingaraktívista í kjölfarið vegna þess að hún hafði verið í 22. sæti á framboðslista flokksins 2022. Uppfært: Upphaflega stóð í fréttinni að Eydís Ásbjörnsdóttir hefði verið skólameistari VMA en ekki VA og að búið væri að ráða í stöðu skólameistara VA. Það hefur verið leiðrétt. Samfylkingin Viðreisn Alþingiskosningar 2024 Reykjavík Hafnarfjörður Ísafjarðarbær Seltjarnarnes Mest lesið Sérsveitin vaktaði heimili Snorra og fjölskyldu í nótt Innlent Guðrún Björk Kristmundsdóttir hjá Bæjarins beztu er látin Innlent „Þú þaggar ekki í okkur, Dagur“ Innlent „Okkur er ekkert mannlegt óviðkomandi“ Innlent Þjóðarsorg lýst yfir í Portgúal Erlent „Ætlar þú að græða á spilafíklum? Bara svo Excel og bankinn líti vel út?“ Innlent Spinna samsæriskenningar vegna óvenjumargra andláta frambjóðenda Erlent Lögregla tók hús á Skorrdælingum sem fjölgar í aðdraganda kosninga Innlent Vinna að lista yfir vini og samstarfsmenn Epstein Erlent „Furðuutanríkisstefna“ Trump hafi rekið Indland í fangið á Kínverjum Erlent Fleiri fréttir Snorri rýfur þögnina: Viðbrögðin staðfesti áhyggjur af þöggun „Fáum enn á borð til okkar atriði sem maður missir hökuna yfir“ Stjórn Samtakanna ´78 fordæmir hótanir í garð Snorra og fjölskyldu Feðgar alsælir með fyrsta rafmagnsvörubílinn Segir ómögulegt að spá fyrir um kostnað vegna starfslokanna Jarðskjálfti að stærð 3,7 í norðvestanverðri öskju Bárðarbungu Vildi enga „lobbýista“ í nýskipað atvinnustefnuráð „Ætlar þú að græða á spilafíklum? Bara svo Excel og bankinn líti vel út?“ „Við viljum að fjölskyldan fari saman heim“ Innkalla Ashwagandha vegna mögulegs jarðhnetusmits Forsætisráðherra segir tíma stórframkvæmda runninn upp Sérsveitin vaktaði heimili Snorra og fjölskyldu í nótt Engan sakaði þegar eldur kviknaði í bát út af Tjörnesi „Þú þaggar ekki í okkur, Dagur“ Bein útsending: Brunavarnir og öryggi til framtíðar Bein útsending: Mótun nýrrar atvinnustefnu og vaxtarplan til 2035 „Okkur er ekkert mannlegt óviðkomandi“ Hitamet féll á Egilsstöðum í ágúst Guðrún Björk Kristmundsdóttir hjá Bæjarins beztu er látin Lögregla tók hús á Skorrdælingum sem fjölgar í aðdraganda kosninga Gætu fengið að kjósa í sínu gamla sveitarfélagi „Við hvað ertu hræddur?“ Nálgunarbannið of torsótt og máttlaust án ökklabands Trump tilnefnir sendiherrann nýja SHÍ gagnrýnir fækkun heilbrigðiseftirlita Samstaða hinsegin samfélagsins, skiptar skoðanir Grindvíkinga og Labubu-æði Reyndust hafa þýfi úr fleiri innbrotum í fórum sínum „Það skiptir máli að vera í réttu bandalagi“ Svikahrappurinn gripinn glóðvolgur og grunaður um fleiri svik Eitt kynferðisbrot tilkynnt til lögreglu eftir Þjóðhátíð Sjá meira
Löggurnar og læknirinn Stærsta embættið sem losnar er án efa embætti landlæknis sem Alma Möller, oddviti Samfylkingarinnar í Kraganum, hefur sinnt frá 2018. Alma hefur verið í leyfi frá því hún ákvað að bjóða fram krafta sín fyrir Samfylkinguna og hefur Guðrún Aspelund, sóttvarnalæknir, sinnt embættinu í hennar fjarveru. Víðir Reynisson, yfirlögregluþjónn hjá almannavarnasviði og félagi Ölmu úr þríeykinu, náði kjöri í Suðurkjördæmi. Víðir var ekki ráðinn heldur settur í yfirlögregluþjónsstöðuna í upphafi kórónuveirufaraldurs og var síðan endurráðinn í september 2020. Þegar Víðir fór í leyfi vegna framboðsins í október tók Runólfur Þórhallsson, aðstoðaryfirlögregluþjónn hjá greiningardeild ríkislögreglustjóra, við stöðunni og mun væntanlega gegna henni þar til hún verður auglýst. Staðan hefur reyndar gengið undir nafninu sviðsstjóri almannavarna síðustu misseri. Það verða fleiri breytingar í lögreglunni af því Karl Gauti Hjaltason, lögreglustjóri í Vestmannaeyjum og oddviti Miðflokksins í Suðurkjördæmi, er snúinn aftur á þing eftir að hafa dottið út 2021. Hann var skipaður lögreglustjóri 1. apríl 2023 af Guðrúnu Hafsteinsdóttur og hefur því verið frekar stutt í embættinu. Þriðji lögreglumaðurinn sem komst inn í nótt er Grímur Grímsson, yfirlögregluþjónn sem er í þriðja sæti Viðreisnar í Reykjavíkurkjördæmi norður. Hann hefur verið yfirmaður miðlægrar rannsóknardeildar lögreglu síðan í febrúar 2021. Væntanlega verður sú staða ekki auglýst sérstaklega heldur tekur einhver innan lögreglunnar við embættinu. Fyrrverandi borgarstjóri og tveir bæjarstjórar Þó nokkrir sveitastjórnarfulltrúar náðu einnig kjöri og mun brotthvarf þeirra væntanlega hafa þau áhrif að varafulltrúar verða að borgar- og bæjarfulltrúum. Stærsta nafnið þar er Dagur B. Eggertsson, fyrrverandi borgarstjóri og núverandi formaður borgarráðs, sem er í öðru sæti í Reykjavíkurkjördæmi suður fyrir Samfylkinguna. Brotthvarf hans úr borgarpólitíkinni markar töluverð tímamót en hann hefur verið í borgarstjórn frá 2002. Þar af var hann borgarstjóri í rúm tíu ár. Sjá einnig: Dagur hvetur alla Sjálfstæðismenn til að strika sig út Næststærsta nafnið úr sveitastjórnarpólitíkinni er Rósa Guðbjartsdóttir sem var í 4. sæti Sjálfstæðisflokksins í Kraganum. Hún hefur verið í bæjarstjórn Hafnarfjarðar frá 2006 og bæjarstjóri frá 2018. Hins vegar var þegar búið að ákveða að Valdimar Víðisson, oddviti Framsóknarflokks, tæki við sem bæjarstjóri næstu áramót. Annar bæjarstjóri sem komst á þing er Arna Lára Jónsdóttir sem hefur verið bæjarstjóri Ísafjarðar frá því sumarið 2022. Hún hefur verið bæjarfulltrúi Í-listans frá 2006 og býr því einnig yfir mikilli reynslu af sveitastjórnarmálum. Dagur, Rósa og Arna Lára eru reyndir sveitastjórnarfulltrúar en það kemur maður í manns stað. Aðrir sveitastjórnarfulltrúar Dagur er ekki eini borgarfulltrúi Samfylkingarinnar sem náði kjöri, læknirinn Ragna Sigurðardóttir, sem er í öðru sæti í hinu Reykjavíkurkjördæminu, gerði það líka. Hún var í tíunda sæti á framboðslista Samfylkingarinnar í borgarstjórnarkosningum 2022 og hefur komið inn sem varamaður. Aðrir sveitastjórnarfulltrúar Samfylkingarinnar sem komust inn á þing eru Guðmundur Ari Sigurjónsson, sem hefur verið oddviti Samfylkingarinnar á Seltjarnarnesi frá 2018, og Ása Berglind Hjálmarsdóttir, verkefnastjóri dagskrárgerðar í Hörpu sem hefur verið bæjarfulltrúi í Ölfusi frá 2022 Kolbrún Baldursdóttir sem hefur verið í minnihluta í borginni fyrir Flokk fólksins frá 2018 komst líka á þing. Hún var í 2. sæti í Reykjavíkurkjördæmi norður og komst inn sem jöfnunarþingmaður. Borgarstjórn mun án efa finna fyrir brotthvarfi hennar. Þá hefur Pawel Bartoszek verið varaborgarfulltrúi Viðreisnar frá 2022 en kemur nú inn á þingið sem 2. þingmaður Viðreisnar í Reykjavíkurkjördæmi norður. Ragna og Kolbrún hafa verið saman í borgarstjórn og úti á Nesi hefur Guðmundur barist við að koma Sjálfstæðisflokknum frá völdum. Skólameistari og aðstoðarskólastjóri Loks má nefna tvo nýja þingmenn sem koma úr menntakerfinu. Annars vegar Eydís Ásbjörnsdóttir, fráfarandi skólameistari Verkmenntaskólans á Austurlandi, sem skipaði 2. sæti Samfylkingarinnar í Norðausturkjördæmi og hins Jón Pétur Zimsen, aðstoðarskólastjóri Réttarholtsskóla, sem skipaði 3. sæti Sjálfstæðisflokksins í Reykjavíkurkjördæmi suður og komst inn sem jöfnunarþingmaður. Jón og Eydís koma inn á þing úr menntakerfin. VA er ekki eini verkmenntaskólinn sem hefur komið við sögu í kosningunum. Eins og frægt er lenti Sigmundur Davíð Gunnlaugsson, formaður Miðflokksins, upp á kant við Sigríði Huld Jónsdóttur, skólameistara VMA, þegar hann hafði verið með fíflalæti í skólanum. Sigmundur uppnefndi Sigríði svo Samfylkingaraktívista í kjölfarið vegna þess að hún hafði verið í 22. sæti á framboðslista flokksins 2022. Uppfært: Upphaflega stóð í fréttinni að Eydís Ásbjörnsdóttir hefði verið skólameistari VMA en ekki VA og að búið væri að ráða í stöðu skólameistara VA. Það hefur verið leiðrétt.
Samfylkingin Viðreisn Alþingiskosningar 2024 Reykjavík Hafnarfjörður Ísafjarðarbær Seltjarnarnes Mest lesið Sérsveitin vaktaði heimili Snorra og fjölskyldu í nótt Innlent Guðrún Björk Kristmundsdóttir hjá Bæjarins beztu er látin Innlent „Þú þaggar ekki í okkur, Dagur“ Innlent „Okkur er ekkert mannlegt óviðkomandi“ Innlent Þjóðarsorg lýst yfir í Portgúal Erlent „Ætlar þú að græða á spilafíklum? Bara svo Excel og bankinn líti vel út?“ Innlent Spinna samsæriskenningar vegna óvenjumargra andláta frambjóðenda Erlent Lögregla tók hús á Skorrdælingum sem fjölgar í aðdraganda kosninga Innlent Vinna að lista yfir vini og samstarfsmenn Epstein Erlent „Furðuutanríkisstefna“ Trump hafi rekið Indland í fangið á Kínverjum Erlent Fleiri fréttir Snorri rýfur þögnina: Viðbrögðin staðfesti áhyggjur af þöggun „Fáum enn á borð til okkar atriði sem maður missir hökuna yfir“ Stjórn Samtakanna ´78 fordæmir hótanir í garð Snorra og fjölskyldu Feðgar alsælir með fyrsta rafmagnsvörubílinn Segir ómögulegt að spá fyrir um kostnað vegna starfslokanna Jarðskjálfti að stærð 3,7 í norðvestanverðri öskju Bárðarbungu Vildi enga „lobbýista“ í nýskipað atvinnustefnuráð „Ætlar þú að græða á spilafíklum? Bara svo Excel og bankinn líti vel út?“ „Við viljum að fjölskyldan fari saman heim“ Innkalla Ashwagandha vegna mögulegs jarðhnetusmits Forsætisráðherra segir tíma stórframkvæmda runninn upp Sérsveitin vaktaði heimili Snorra og fjölskyldu í nótt Engan sakaði þegar eldur kviknaði í bát út af Tjörnesi „Þú þaggar ekki í okkur, Dagur“ Bein útsending: Brunavarnir og öryggi til framtíðar Bein útsending: Mótun nýrrar atvinnustefnu og vaxtarplan til 2035 „Okkur er ekkert mannlegt óviðkomandi“ Hitamet féll á Egilsstöðum í ágúst Guðrún Björk Kristmundsdóttir hjá Bæjarins beztu er látin Lögregla tók hús á Skorrdælingum sem fjölgar í aðdraganda kosninga Gætu fengið að kjósa í sínu gamla sveitarfélagi „Við hvað ertu hræddur?“ Nálgunarbannið of torsótt og máttlaust án ökklabands Trump tilnefnir sendiherrann nýja SHÍ gagnrýnir fækkun heilbrigðiseftirlita Samstaða hinsegin samfélagsins, skiptar skoðanir Grindvíkinga og Labubu-æði Reyndust hafa þýfi úr fleiri innbrotum í fórum sínum „Það skiptir máli að vera í réttu bandalagi“ Svikahrappurinn gripinn glóðvolgur og grunaður um fleiri svik Eitt kynferðisbrot tilkynnt til lögreglu eftir Þjóðhátíð Sjá meira