Innlent

Bein út­sending: Heil­brigðis­starfs­fólk grillar fram­bjóð­endur

Kolbeinn Tumi Daðason skrifar
Fundurinn hefst klukkan tólf og verður í beinu streymi hér að neðan.
Fundurinn hefst klukkan tólf og verður í beinu streymi hér að neðan. Vísir/Vilhelm

Breiðfylking heilbrigðisstarfsfólks á Íslandi stendur fyrir opnum fundi í hádeginu í dag um málefni heilbrigðisþjónustunnar. Öll framboð sem bjóða fram lista á landsvísu í komandi þingkosningum munu senda fulltrúa. Fundurinn hefst kl. 12:00 og verður haldinn í sal Sjúkraliðafélags Íslands á Grensásvegi 16. Fundinum er streymt hér að neðan. Fundarstjóri er Eyrún Magnúsdóttir.

Breiðfylkingin samanstendur af Læknafélagi Íslands, Félagi íslenskra hjúkrunarfræðinga, Sjúkraliðafélagi Íslands, Félag sjúkraþjálfara, Sálfræðingafélag Íslands, Félag lífeindafræðinga, FÍN, Félagsráðgjafafélag Íslands, Iðjuþjálfafélag Íslands, Ljóðsmæðrafélag Íslands, Þroskaþjálfafélag Íslands, Tannlæknafélag Íslands, Viska, Félagi geislafræðinga á Íslandi og Lyfjafræðingafélag Íslands.

Á fundinn verða til svara Alma Möller frá Samfylkingunni, Arnar Þór Jónsson frá Lýðræðisflokknum, Áslaug Arna Sigurbjörnsdóttir frá Sjálfstæðisflokknum, Guðmundur Ingi Guðbrandsson frá Vinstri grænum, Hanna Katrín Friðriksson frá Viðreisn, Jón Ívar Einarsson frá Miðflokknum, Kolbrún Baldursdóttir frá Flokki fólksins, Sanna Magdalena Mörtudóttir frá Sósíalistaflokknum, Willum Þór Þórsson frá Framsóknarflokknum og Þórhildur Sunna Ævarsdóttir frá Pírötum.

Markmið fundarins er að stuðla að upplýstri umræðu um heilbrigðismál til að afstaða allra framboða til þessa stóra málaflokks liggi fyrir og hvernig þau munu koma sínum stefnumálum í framkvæmd.

Alþingiskosningar 2024 Landspítalinn Heilbrigðismál

Mest lesið


Fleiri fréttir

Sjá meira


×

Mest lesið