Fara fram á tveggja vikna gæslu­varð­hald yfir stjúpsyninum

Samkvæmt heimildum VG átti meint nauðgun sér stað á pálmasunnudag, þann 24. mars síðastliðinn, í íbúð í miðborg Óslór, þar sem brotaþoli var með skráð lögheimili. Miðillinn hefur eftir lögreglu að rannsókn á öðru nauðgunarmáli hafi hafist í gærkvöldi. 

Greint var frá því í gær að Høiby hefði verið handtekinn á mánudagskvöld og vistaður í fangageymslu vegna gruns um nauðgun. 

Sjá einnig: Stjúp­sonur norska krón­prinsins aftur hand­tekinn

Jafnframt hafi verið gerð húsleit í tengslum við málið. Í umfjöllun Dagbladet kom fram að Høiby sé grunaður um að hafa nauðgað konu þegar hún var meðvitundarlaus eða gat ekki af öðrum ástæðum veitt mótstöðu. Høiby er að auki grunaður um að hafa beitt konu ofbeldi í íbúð í ágúst síðastliðnum.