Hefur þrisvar komið að 13 ára syni sínum meðvitundarlausum Margrét Helga Erlingsdóttir skrifar 26. september 2024 19:51 Móðir kveðst ráðþrota vegna úrræðaleysis sem blasir við henni og þrettán ára syni hennar. Vísir/Einar Móðir þrettán ára drengs, sem er með ADHD og fíknivanda, stendur bæði ráðþrota og örmagna frammi fyrir kerfinu. Hún segir óskiljanlegt að ekki sé aldursskipt úrræði í boði hjá Stuðlum. Þar hafi sonur hennar vingast við eldri stráka í mun verri málum. Móðirin vill ekki koma fram undir nafni til að vernda friðhelgi sonar síns en hún finnur sig knúna til að varpa ljósi á þær aðstæður sem mæðginin eru föst í. Drengurinn er með ADHD en hann fann sína fjöl í íþróttum, var í landsliðinu og var sannkallað undrabarn á sínu sviði. Móðirin lýsir drengnum sem ljúflingi með stórt hjarta. Hann sé einstaklega hæfileikaríkur og listrænn. Hún segir að nokkur atvik í lífi sonarins hafi komið upp með stuttu millibili sem urðu til þess að halla fór undan fæti hjá honum og sköpuðu að hennar sögn „hinn fullkomna storm.“ Í fyrra þurfti hann að taka sér hlé í íþróttinni sinni því hann sýndi öll einkenni ofþjálfunar en nokkrum dögum fyrir mót var honum kippt úr liðinu og við það fékk hann mikla höfnunartilfinningu og hætti að mæta á æfingar. „Svo verður einhver uppákoma upp í skóla. Það verða einhver slagsmál sem barnið mitt kemur ekkert nálægt. Einn deildarstjórinn ákveður að búa til hóp, eins konar „terrorist watch group,“ eins og maður getur orðað það.“ Móðirin lýsir því að deildarstjórinn hafi ætlað sér að einangra hópinn sem kom að slagsmálunum en af því að sonur hennar hafði, daginn eftir hópslagsmálin, setið við hliðina á einum sem tók þátt í þeim, hafi hann verið settur í sama hóp og þeir sem tóku þátt í slagsmálunum. „Hún [deildarstjórinn] ætlaði bara að einangra þennan hóp en einangrar hann með.“ Og þar með var hann kominn í slæman félagsskap og þá fer virkilega að halla undan fæti. Hann hætti að ástunda íþrótt sína, hætti að mæta í skólann og fór að sýna mikla áhættuhegðun. „Svo er hann nefnilega ótrúlega viðkvæmur og það sem gerist þegar þú ert svona viðkvæmur og ert særður svona mikið þá ferðu í vörn. Við gerum það fullorðna fólkið.“ Var meðvitundarlaus í sólarhring eftir töflur Drengurinn byrjaði síðan að drekka áfengi og fikta með efni. „Ég kem að honum tvisvar sinnum meðvitundarlausum út af áfengi, í annað skiptið var barnið komið með 35 komma eitthvað í líkamshita þegar ég hringi á sjúkrabíl og svo í síðasta skiptið hafði hann keypt töflur af einhverjum í þessum hópi og var meðvitundarlaus í sólarhring eftir það á spítala.“ Hvernig tilfinning er það að koma að barninu sínu meðvitundarlausu? „Þetta er bara áfall sko, sem enginn á að þurfa að upplifa.“ Í fjögur skipti hefur þurft að neyðarvista drenginn á Stuðlum. „Þú ert með ungan einstakling, það er engin aldursskipting inni á Stuðlum og það sem gerist er að þú setur þrettán ára einstakling í viðkvæmri stöðu með einstaklingum sem eru kannski sautján ára í gæsluvarðhaldi fyrir eitthvað alvarlegt.“ Tveir starfsmenn barnaverndar líflínan hennar Móðirin segir að það sé hennar mat og reynsla að starfsfólkið í kerfinu sé allt af vilja gert en að það hafi ekki tólin. Hún lýsir tveimur starfsmönnum barnaverndar sem sinni líflínu sem hafi barist eins og ljón fyrir hagsmunum drengsins. „Þetta eru klárlega einstaklingar sem vinna af hugsjón. Ég öfunda ekki þetta fólk fyrir að vera að vinna í þessum aðstæðum. Þú hlýtur að vera bjargarlaus þegar þú ert að reyna að gera eitthvað en færð ekki tæki og tól.“ Hún segir að barnið sitt eigi mun frekar heima inni á lokaðri deild á BUGL, þar sem hann gæti stundað skóla og fengi að hitta viðeigandi fagaðila en það eina sem standi drengnum til boða vegna aldurs sé neyðarvistun inni á Stuðlum. Börn í vanda geti ekki beðið eftir hjálp Þrátt fyrir að móðirin telji ýmislegt ábótavant á Stuðlum sé það eina úrræðið sem standi til boða en hún sótti um þjónustu meðferðardeildar Stuðla fyrir drenginn í júlí og blöskrar að barnið þurfi að bíða eftir þjónustu á svo afdrifaríku tímabili í hans lífi. „Og fær hann það kannski samþykkt og hvað, þarf ég þá að bíða í þrjá mánuði? Ég lifi ekki af í þrjá mánuði lengur af þessu. Það er bara svoleiðis.“ Líður þér eins og þú sért á það slæmum stað? „Ég er bara gjörsamlega örmagna, alveg gjörsamlega örmagna. Ef ég væri ekki svona þrjósk. En hvað gerir maður ekki fyrir börnin sín?“ Móðirin lýsir síðustu mánuðum sem ótrúlegum raunum. Hún hefur lítið sem ekkert sofið vegna ótta og áhyggna um að drengurinn laumist út að nóttu til og fari sér að voða. „Ég sef bara með annað augað opið.“ Fíkn Geðheilbrigði Börn og uppeldi Íþróttir barna Ofbeldi barna Barnavernd Skóla- og menntamál Réttindi barna Málefni Stuðla Tengdar fréttir „Við getum ekki treyst Hagkaup í Skeifunni fyrir unglingunum“ Foreldrar barna í hverfum 104, 105 og 108 kalla eftir því að opnunartími félagsmiðstöðva og sundlauga verði rýmkaður. Þá vilja þau að starf félagsmiðstöðva sé eflt. Fjölmennur foreldrafundur fór fram í kvöld í Safamýri. Þar kom einnig fram vilji til að efla foreldrarölt og foreldrasamstarf. 24. september 2024 21:07 Mest lesið Simmi lýsir áralöngu umsáturseinelti: Sat um hann í bílakjallara Innlent Styttan tekin niður eftir harðar deilur um klúran barm Erlent Gefur sig fram fimmtíu árum eftir bankarán í Kópavogi Innlent Gufunesmálið: „Þetta átti aldrei að fara svona“ Innlent Íslendingur grunaður um heimilisofbeldi handtekinn í Grikklandi Innlent Hvarf fyrir tæpum þrjátíu árum og fannst í hopandi jökli Erlent Sálfræðingar rukka hátt í 26 þúsund krónur Innlent Fjarlægði nöfnin strax: „Ætlumst ekki til neins af þessu fólki“ Innlent Skjálfti fannst á höfuðborgarsvæðinu Innlent Öryggismyndavélar í svefnherberginu og fyrsta útgáfa af Lolitu á skrifstofunni Erlent Fleiri fréttir Skjálfti fannst á höfuðborgarsvæðinu Finna áhugann dvína á meðan vinir berjast og deyja á vígvellinum „Það fer enginn lífvörður út í“ Reyndi að kaupa glás af nammi og kom upp um tíu ára bankaræningja Gufunesmálið: „Þetta átti aldrei að fara svona“ Lygilegar tilraunir til að hafa áhrif á sakborning, Reynisfjara og tollar Trumps Olíuleit á teikniborðinu og býst við tíðindum í vetur Smokkamaðurinn enn ófundinn Sjúkrabíllinn bilaður og kemst ekki með sjúkling úr Þakgili Þrír á þaki jeppa á kafi í Jökulsá í Lóni Gefur sig fram fimmtíu árum eftir bankarán í Kópavogi Alvarlegt vinnuslys í Skagafirði Undirbúa steypuvinnu fyrir nýju Ölfusárbrúna Þungar áhyggjur af „síversnandi stöðu Íslands“ „Yfirgangur gyðingahataranna er algerlega óþolandi“ Af hættustigi á óvissustig vegna eldgoss Sálfræðingar rukka hátt í 26 þúsund krónur Tollar, höfundarréttur og þögn lögreglu í kynferðisbrotamálum Engin málaferli vegna slyss á Breiðamerkurjökli Tveir skjálftar um 3,3 að stærð Fundur hafinn í utanríkismálanefnd Mat á skólastarfi „algjört fúsk“: Eins og fyrirtæki sem „vona að þau endi ekki í blöðunum“ Ráðin nýr forstöðumaður Háskólaseturs Vestfjarða Íslendingur grunaður um heimilisofbeldi handtekinn í Grikklandi „Norska leiðin“ sé leið Sjálfstæðisflokksins Eigandi bíls fullur af bensínbrúsum handtekinn Tollarnir tilefni til hvorra tveggja örvæntingar og léttis Simmi lýsir áralöngu umsáturseinelti: Sat um hann í bílakjallara Tveir fluttir með þyrlunni og fjórir með sjúkrabíl Vörðuóðir ferðamenn fremji náttúruspjöll Sjá meira
Móðirin vill ekki koma fram undir nafni til að vernda friðhelgi sonar síns en hún finnur sig knúna til að varpa ljósi á þær aðstæður sem mæðginin eru föst í. Drengurinn er með ADHD en hann fann sína fjöl í íþróttum, var í landsliðinu og var sannkallað undrabarn á sínu sviði. Móðirin lýsir drengnum sem ljúflingi með stórt hjarta. Hann sé einstaklega hæfileikaríkur og listrænn. Hún segir að nokkur atvik í lífi sonarins hafi komið upp með stuttu millibili sem urðu til þess að halla fór undan fæti hjá honum og sköpuðu að hennar sögn „hinn fullkomna storm.“ Í fyrra þurfti hann að taka sér hlé í íþróttinni sinni því hann sýndi öll einkenni ofþjálfunar en nokkrum dögum fyrir mót var honum kippt úr liðinu og við það fékk hann mikla höfnunartilfinningu og hætti að mæta á æfingar. „Svo verður einhver uppákoma upp í skóla. Það verða einhver slagsmál sem barnið mitt kemur ekkert nálægt. Einn deildarstjórinn ákveður að búa til hóp, eins konar „terrorist watch group,“ eins og maður getur orðað það.“ Móðirin lýsir því að deildarstjórinn hafi ætlað sér að einangra hópinn sem kom að slagsmálunum en af því að sonur hennar hafði, daginn eftir hópslagsmálin, setið við hliðina á einum sem tók þátt í þeim, hafi hann verið settur í sama hóp og þeir sem tóku þátt í slagsmálunum. „Hún [deildarstjórinn] ætlaði bara að einangra þennan hóp en einangrar hann með.“ Og þar með var hann kominn í slæman félagsskap og þá fer virkilega að halla undan fæti. Hann hætti að ástunda íþrótt sína, hætti að mæta í skólann og fór að sýna mikla áhættuhegðun. „Svo er hann nefnilega ótrúlega viðkvæmur og það sem gerist þegar þú ert svona viðkvæmur og ert særður svona mikið þá ferðu í vörn. Við gerum það fullorðna fólkið.“ Var meðvitundarlaus í sólarhring eftir töflur Drengurinn byrjaði síðan að drekka áfengi og fikta með efni. „Ég kem að honum tvisvar sinnum meðvitundarlausum út af áfengi, í annað skiptið var barnið komið með 35 komma eitthvað í líkamshita þegar ég hringi á sjúkrabíl og svo í síðasta skiptið hafði hann keypt töflur af einhverjum í þessum hópi og var meðvitundarlaus í sólarhring eftir það á spítala.“ Hvernig tilfinning er það að koma að barninu sínu meðvitundarlausu? „Þetta er bara áfall sko, sem enginn á að þurfa að upplifa.“ Í fjögur skipti hefur þurft að neyðarvista drenginn á Stuðlum. „Þú ert með ungan einstakling, það er engin aldursskipting inni á Stuðlum og það sem gerist er að þú setur þrettán ára einstakling í viðkvæmri stöðu með einstaklingum sem eru kannski sautján ára í gæsluvarðhaldi fyrir eitthvað alvarlegt.“ Tveir starfsmenn barnaverndar líflínan hennar Móðirin segir að það sé hennar mat og reynsla að starfsfólkið í kerfinu sé allt af vilja gert en að það hafi ekki tólin. Hún lýsir tveimur starfsmönnum barnaverndar sem sinni líflínu sem hafi barist eins og ljón fyrir hagsmunum drengsins. „Þetta eru klárlega einstaklingar sem vinna af hugsjón. Ég öfunda ekki þetta fólk fyrir að vera að vinna í þessum aðstæðum. Þú hlýtur að vera bjargarlaus þegar þú ert að reyna að gera eitthvað en færð ekki tæki og tól.“ Hún segir að barnið sitt eigi mun frekar heima inni á lokaðri deild á BUGL, þar sem hann gæti stundað skóla og fengi að hitta viðeigandi fagaðila en það eina sem standi drengnum til boða vegna aldurs sé neyðarvistun inni á Stuðlum. Börn í vanda geti ekki beðið eftir hjálp Þrátt fyrir að móðirin telji ýmislegt ábótavant á Stuðlum sé það eina úrræðið sem standi til boða en hún sótti um þjónustu meðferðardeildar Stuðla fyrir drenginn í júlí og blöskrar að barnið þurfi að bíða eftir þjónustu á svo afdrifaríku tímabili í hans lífi. „Og fær hann það kannski samþykkt og hvað, þarf ég þá að bíða í þrjá mánuði? Ég lifi ekki af í þrjá mánuði lengur af þessu. Það er bara svoleiðis.“ Líður þér eins og þú sért á það slæmum stað? „Ég er bara gjörsamlega örmagna, alveg gjörsamlega örmagna. Ef ég væri ekki svona þrjósk. En hvað gerir maður ekki fyrir börnin sín?“ Móðirin lýsir síðustu mánuðum sem ótrúlegum raunum. Hún hefur lítið sem ekkert sofið vegna ótta og áhyggna um að drengurinn laumist út að nóttu til og fari sér að voða. „Ég sef bara með annað augað opið.“
Fíkn Geðheilbrigði Börn og uppeldi Íþróttir barna Ofbeldi barna Barnavernd Skóla- og menntamál Réttindi barna Málefni Stuðla Tengdar fréttir „Við getum ekki treyst Hagkaup í Skeifunni fyrir unglingunum“ Foreldrar barna í hverfum 104, 105 og 108 kalla eftir því að opnunartími félagsmiðstöðva og sundlauga verði rýmkaður. Þá vilja þau að starf félagsmiðstöðva sé eflt. Fjölmennur foreldrafundur fór fram í kvöld í Safamýri. Þar kom einnig fram vilji til að efla foreldrarölt og foreldrasamstarf. 24. september 2024 21:07 Mest lesið Simmi lýsir áralöngu umsáturseinelti: Sat um hann í bílakjallara Innlent Styttan tekin niður eftir harðar deilur um klúran barm Erlent Gefur sig fram fimmtíu árum eftir bankarán í Kópavogi Innlent Gufunesmálið: „Þetta átti aldrei að fara svona“ Innlent Íslendingur grunaður um heimilisofbeldi handtekinn í Grikklandi Innlent Hvarf fyrir tæpum þrjátíu árum og fannst í hopandi jökli Erlent Sálfræðingar rukka hátt í 26 þúsund krónur Innlent Fjarlægði nöfnin strax: „Ætlumst ekki til neins af þessu fólki“ Innlent Skjálfti fannst á höfuðborgarsvæðinu Innlent Öryggismyndavélar í svefnherberginu og fyrsta útgáfa af Lolitu á skrifstofunni Erlent Fleiri fréttir Skjálfti fannst á höfuðborgarsvæðinu Finna áhugann dvína á meðan vinir berjast og deyja á vígvellinum „Það fer enginn lífvörður út í“ Reyndi að kaupa glás af nammi og kom upp um tíu ára bankaræningja Gufunesmálið: „Þetta átti aldrei að fara svona“ Lygilegar tilraunir til að hafa áhrif á sakborning, Reynisfjara og tollar Trumps Olíuleit á teikniborðinu og býst við tíðindum í vetur Smokkamaðurinn enn ófundinn Sjúkrabíllinn bilaður og kemst ekki með sjúkling úr Þakgili Þrír á þaki jeppa á kafi í Jökulsá í Lóni Gefur sig fram fimmtíu árum eftir bankarán í Kópavogi Alvarlegt vinnuslys í Skagafirði Undirbúa steypuvinnu fyrir nýju Ölfusárbrúna Þungar áhyggjur af „síversnandi stöðu Íslands“ „Yfirgangur gyðingahataranna er algerlega óþolandi“ Af hættustigi á óvissustig vegna eldgoss Sálfræðingar rukka hátt í 26 þúsund krónur Tollar, höfundarréttur og þögn lögreglu í kynferðisbrotamálum Engin málaferli vegna slyss á Breiðamerkurjökli Tveir skjálftar um 3,3 að stærð Fundur hafinn í utanríkismálanefnd Mat á skólastarfi „algjört fúsk“: Eins og fyrirtæki sem „vona að þau endi ekki í blöðunum“ Ráðin nýr forstöðumaður Háskólaseturs Vestfjarða Íslendingur grunaður um heimilisofbeldi handtekinn í Grikklandi „Norska leiðin“ sé leið Sjálfstæðisflokksins Eigandi bíls fullur af bensínbrúsum handtekinn Tollarnir tilefni til hvorra tveggja örvæntingar og léttis Simmi lýsir áralöngu umsáturseinelti: Sat um hann í bílakjallara Tveir fluttir með þyrlunni og fjórir með sjúkrabíl Vörðuóðir ferðamenn fremji náttúruspjöll Sjá meira
„Við getum ekki treyst Hagkaup í Skeifunni fyrir unglingunum“ Foreldrar barna í hverfum 104, 105 og 108 kalla eftir því að opnunartími félagsmiðstöðva og sundlauga verði rýmkaður. Þá vilja þau að starf félagsmiðstöðva sé eflt. Fjölmennur foreldrafundur fór fram í kvöld í Safamýri. Þar kom einnig fram vilji til að efla foreldrarölt og foreldrasamstarf. 24. september 2024 21:07