Fyrirtækið er frumkvöðull í sumaríshellaferðum Kolbeinn Tumi Daðason skrifar 26. ágúst 2024 17:57 Úr kynningarefni Ice Pic Journeys. https://icepicjourneys.is Fyrirtækið sem var með 23 ferðamenn í íshellaferð við Breiðamerkurjökul í gær heitir Ice Pic Journeys samkvæmt heimildum fréttastofu. Það hefur sérhæft sig í ævintýralegum jöklaferðum á svæðinu og verið frumkvöðull í sumarferðum á jökulinn. Fyrirtækið þjónustar meðal annars ferðaþjónusturisann Guide to Iceland. Fjallað var um leitina og slysið í fréttum Stöðvar 2 í kvöld. Fréttina má sjá að neðan. Seinni partinn í dag kom í ljós að tveir ferðamenn sem björgunarsveitarfólk hefur leitað að í sólarhring undir ís við Breiðamerkurjökul voru ekki undir ísnum. Ice Pic Journeys hafði tilkynnt lögreglu að 25 hefðu verið í ferðinni en síðdegis í dag uppgötvaðist að ferðamennirnir hefðu verið 23. Þeirra tveggja sem var saknað höfðu ekki mætt í ferðina. Bandarískur karlmaður lést þegar hann varð fyrir ísfargi í gær. Kona hans slasaðist alvarlega en er ekki í lífshættu samkvæmt upplýsingum frá Lögreglunni á Suðurlandi. Heimsóknir í íshella hafa verið vinsælar hjá ferðamönnum undanfarin ár en slíkar ferðir hafa þó að mestu verið bundnar við veturinn. Það hefur þó breyst meðal annars með tilkomu Ice Pic Journeys. „Sumar þýðir ekki að það séu ekki íshellar á Íslandi. Þvert á móti. Við erum eitt fárra fyrirtækja sem leitar sífellt uppi nýtilkomna hella og gerum út skoðunarferðir utan vetrartímabilsins þar sem fyllsta öryggis er gætt,“ segir á heimasíðu Ice Pic Journeys þar sem talað er til verðandi viðskiptavina. „Það besta er að við höfum íshellana að stórum hluta út af fyrir okkur sem gerir reynsluna þeim mun persónulegri fyrir ykkur.“ Íshellaferðirnar eru gerðar út frá Jökulsárlóni þaðan sem ekið er að Breiðamerkurjökli. Sérstakar reglur gilda um börn í ferðum fyrirtækisins. Undir átján ára þurfa að vera í fylgd með fullorðnum. Börn undir fimm ára aldri þurfa að vera í einhvers konar bakpoka með foreldrum sínum. Hefðbundnu ferðirnar kosta á bilinu 30 til 40 þúsund krónur og njóta mikilla vinsælda ef marka má skrif gesta á samfélagsmiðla og heimasíðu fyrirtækisins. Þá er einnig boðið upp á Zip-line ferðir á sama stað en þær kosta margfalt meira. Á Instagram-síðu fyrirtækisins segir að á Íslandi séu jöklarnir leikvellir. View this post on Instagram A post shared by Ice Pic Journeys (@icepicjourneys) Saga fyrirtækisins er rakin að litlu leyti á heimasíðu þess. Þar segir að Mike Reid, stofnandi Ice Pic Journeys ásamt Ryan Newburn, hafi fundist leiðinlegt að það væru ekki íshellaferðir allan ársins hring í Vatnajökulsþjóðgarði. Hann hefði því grafið holu í þakið á stað sem var valinn með tilliti til öryggis. Þannig hafi hann getað komið ferðamönnum gegnum þykkt íslagið og inn í sumaríshellinn. Félag fjallaleiðsögumanna sagðist í tilkynningu síðdegis harma slysið hörmulega. Mikilvægt væri að bíða eftir niðurstöðu rannsóknar lögreglu á tildrögum þess áður en of víðtækar ályktanir væru dregnar um orsakir þess. „Mikilvægt er að fá skýra mynd af atburðarásinni til að ganga úr skugga um hvaða lærdóm megi draga af aðdraganda slyssins og lágmarka hættu á frekari slysum á fólki á ferð um jökla og fjallendi Íslands.“ Tekið er sérstaklega fram að umræddur hópur ferðamanna og leiðsögufólk hafi ekki verið á vegum félagsins. Fyrrnefndur Mike Reid, stofnandi Ice Pic Journeys, er skráður ritari Félags fjallaleiðsögumanna á heimasíðu félagsins. Fréttastofa hefur gert ítrekaðar tilraunir til að ná tali af forsvarsmönnum Ice Pic Journeys í dag en án árangurs. Þá hefur fréttastofa sömuleiðis sent skriflega fyrirspurn á Guide to Iceland sem hefur ekki verið svarað. Ferðamennska á Íslandi Slys á Breiðamerkurjökli Vatnajökulsþjóðgarður Mest lesið Stytta þurfi sumarfrí barna um að lágmarki tvær vikur Innlent Leysti út lögmannsréttindin: Fer í sjálfstæðan rekstur en heldur eftirlaununum Innlent Sá blóðugan mann hlaupa út og árásarmanninn á eftir honum Innlent Hafði ritað „Breivik“ og „Drepið Trump“ á skotvopnin Erlent Játning á borðinu í umfangsmestu þjófnuðum seinni tíma Innlent Vinstribeygja inn á Bústaðaveg gæti heyrt sögunni til Innlent Rýnt í stöðuna í Úkraínu: Friður enn fjarlægur og Trump missir móðinn Erlent Þvættuðu milljarða af illa fenginni rafmynt á Íslandi Innlent Lögreglan vill ná tali af þremur mönnum Innlent Mögulega þúsundir glæpamanna nýtt þjónustuna: „Ísland er misnotað í svona málum“ Innlent Fleiri fréttir Lögreglan vill ná tali af þremur mönnum Ragna og Rögnvaldur ráðin aðstoðarrektorar Gefur ekkert upp um breytta forgangsröðun jarðgangna Vinstribeygja inn á Bústaðaveg gæti heyrt sögunni til „Augljóst að bæst hefur við íbúa“ Mögulega þúsundir glæpamanna nýtt þjónustuna: „Ísland er misnotað í svona málum“ Alþjóðlegt peningaþvætti á Íslandi, hitakosningar og í beinni frá EM Stytta þurfi sumarfrí barna um að lágmarki tvær vikur Sá blóðugan mann hlaupa út og árásarmanninn á eftir honum Boðar fyrstu samgönguáætlunina í fimm ár á haustþingi Bein útsending: Innviðaþing 2025 - Sterkir innviðir – sterkt samfélag Leysti út lögmannsréttindin: Fer í sjálfstæðan rekstur en heldur eftirlaununum Komu göngumanni til bjargar við Lakagíga Þvættuðu milljarða af illa fenginni rafmynt á Íslandi Játning á borðinu í umfangsmestu þjófnuðum seinni tíma Innbrot og menn til ama á útivistarsvæði Sé hægt að gera byltingu í íslensku heilbrigðiskerfi Skólamál í Kópavogi: Bókun eftir bókun á fundi bæjarstjórnar Hafna „órökstuddum fullyrðingum“ Sigurðar Inga Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Sjá meira
Fjallað var um leitina og slysið í fréttum Stöðvar 2 í kvöld. Fréttina má sjá að neðan. Seinni partinn í dag kom í ljós að tveir ferðamenn sem björgunarsveitarfólk hefur leitað að í sólarhring undir ís við Breiðamerkurjökul voru ekki undir ísnum. Ice Pic Journeys hafði tilkynnt lögreglu að 25 hefðu verið í ferðinni en síðdegis í dag uppgötvaðist að ferðamennirnir hefðu verið 23. Þeirra tveggja sem var saknað höfðu ekki mætt í ferðina. Bandarískur karlmaður lést þegar hann varð fyrir ísfargi í gær. Kona hans slasaðist alvarlega en er ekki í lífshættu samkvæmt upplýsingum frá Lögreglunni á Suðurlandi. Heimsóknir í íshella hafa verið vinsælar hjá ferðamönnum undanfarin ár en slíkar ferðir hafa þó að mestu verið bundnar við veturinn. Það hefur þó breyst meðal annars með tilkomu Ice Pic Journeys. „Sumar þýðir ekki að það séu ekki íshellar á Íslandi. Þvert á móti. Við erum eitt fárra fyrirtækja sem leitar sífellt uppi nýtilkomna hella og gerum út skoðunarferðir utan vetrartímabilsins þar sem fyllsta öryggis er gætt,“ segir á heimasíðu Ice Pic Journeys þar sem talað er til verðandi viðskiptavina. „Það besta er að við höfum íshellana að stórum hluta út af fyrir okkur sem gerir reynsluna þeim mun persónulegri fyrir ykkur.“ Íshellaferðirnar eru gerðar út frá Jökulsárlóni þaðan sem ekið er að Breiðamerkurjökli. Sérstakar reglur gilda um börn í ferðum fyrirtækisins. Undir átján ára þurfa að vera í fylgd með fullorðnum. Börn undir fimm ára aldri þurfa að vera í einhvers konar bakpoka með foreldrum sínum. Hefðbundnu ferðirnar kosta á bilinu 30 til 40 þúsund krónur og njóta mikilla vinsælda ef marka má skrif gesta á samfélagsmiðla og heimasíðu fyrirtækisins. Þá er einnig boðið upp á Zip-line ferðir á sama stað en þær kosta margfalt meira. Á Instagram-síðu fyrirtækisins segir að á Íslandi séu jöklarnir leikvellir. View this post on Instagram A post shared by Ice Pic Journeys (@icepicjourneys) Saga fyrirtækisins er rakin að litlu leyti á heimasíðu þess. Þar segir að Mike Reid, stofnandi Ice Pic Journeys ásamt Ryan Newburn, hafi fundist leiðinlegt að það væru ekki íshellaferðir allan ársins hring í Vatnajökulsþjóðgarði. Hann hefði því grafið holu í þakið á stað sem var valinn með tilliti til öryggis. Þannig hafi hann getað komið ferðamönnum gegnum þykkt íslagið og inn í sumaríshellinn. Félag fjallaleiðsögumanna sagðist í tilkynningu síðdegis harma slysið hörmulega. Mikilvægt væri að bíða eftir niðurstöðu rannsóknar lögreglu á tildrögum þess áður en of víðtækar ályktanir væru dregnar um orsakir þess. „Mikilvægt er að fá skýra mynd af atburðarásinni til að ganga úr skugga um hvaða lærdóm megi draga af aðdraganda slyssins og lágmarka hættu á frekari slysum á fólki á ferð um jökla og fjallendi Íslands.“ Tekið er sérstaklega fram að umræddur hópur ferðamanna og leiðsögufólk hafi ekki verið á vegum félagsins. Fyrrnefndur Mike Reid, stofnandi Ice Pic Journeys, er skráður ritari Félags fjallaleiðsögumanna á heimasíðu félagsins. Fréttastofa hefur gert ítrekaðar tilraunir til að ná tali af forsvarsmönnum Ice Pic Journeys í dag en án árangurs. Þá hefur fréttastofa sömuleiðis sent skriflega fyrirspurn á Guide to Iceland sem hefur ekki verið svarað.
Ferðamennska á Íslandi Slys á Breiðamerkurjökli Vatnajökulsþjóðgarður Mest lesið Stytta þurfi sumarfrí barna um að lágmarki tvær vikur Innlent Leysti út lögmannsréttindin: Fer í sjálfstæðan rekstur en heldur eftirlaununum Innlent Sá blóðugan mann hlaupa út og árásarmanninn á eftir honum Innlent Hafði ritað „Breivik“ og „Drepið Trump“ á skotvopnin Erlent Játning á borðinu í umfangsmestu þjófnuðum seinni tíma Innlent Vinstribeygja inn á Bústaðaveg gæti heyrt sögunni til Innlent Rýnt í stöðuna í Úkraínu: Friður enn fjarlægur og Trump missir móðinn Erlent Þvættuðu milljarða af illa fenginni rafmynt á Íslandi Innlent Lögreglan vill ná tali af þremur mönnum Innlent Mögulega þúsundir glæpamanna nýtt þjónustuna: „Ísland er misnotað í svona málum“ Innlent Fleiri fréttir Lögreglan vill ná tali af þremur mönnum Ragna og Rögnvaldur ráðin aðstoðarrektorar Gefur ekkert upp um breytta forgangsröðun jarðgangna Vinstribeygja inn á Bústaðaveg gæti heyrt sögunni til „Augljóst að bæst hefur við íbúa“ Mögulega þúsundir glæpamanna nýtt þjónustuna: „Ísland er misnotað í svona málum“ Alþjóðlegt peningaþvætti á Íslandi, hitakosningar og í beinni frá EM Stytta þurfi sumarfrí barna um að lágmarki tvær vikur Sá blóðugan mann hlaupa út og árásarmanninn á eftir honum Boðar fyrstu samgönguáætlunina í fimm ár á haustþingi Bein útsending: Innviðaþing 2025 - Sterkir innviðir – sterkt samfélag Leysti út lögmannsréttindin: Fer í sjálfstæðan rekstur en heldur eftirlaununum Komu göngumanni til bjargar við Lakagíga Þvættuðu milljarða af illa fenginni rafmynt á Íslandi Játning á borðinu í umfangsmestu þjófnuðum seinni tíma Innbrot og menn til ama á útivistarsvæði Sé hægt að gera byltingu í íslensku heilbrigðiskerfi Skólamál í Kópavogi: Bókun eftir bókun á fundi bæjarstjórnar Hafna „órökstuddum fullyrðingum“ Sigurðar Inga Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Sjá meira