Sesselía yfir­gefur Voda­fone

„Sesselía hefur á undangengnum árum starfað ötullega með teymi sínu að sölu-, þjónustu og markaðsmálum fjarskiptareksturs Sýnar hf. Hún verður félaginu áfram innan handar þar til eftirmaður hennar verður ráðinn. Við þökkum Sesselíu fyrir mikilvægt framlag í þágu félagsins og óskum henni velfarnaðar,“ segir Herdís Dröfn Fjeldsted, forstjóri Sýnar, í tilkynningunni.

Áður hjá Högum og Íslandspósti

Sesselía var áður hjá smásölurisanum Högum þar sem hún starfaði sem forstöðumaður nýsköpunar- og markaðsmála. Hún hefur einnig starfað sem framkvæmdastjóri þjónustu- og markaða hjá Íslandspósti og sem forstöðumaður stafrænna miðla og markaðsmála hjá Advania. 

Þar áður rak hún fyrirtækið Red Apple Apartments í Svíþjóð. Sesselía segist stolt af þeim árangri sem hafi náðst á síðustu árum en hún var upphaflega ráðin sem framkvæmdastjóri sölu-, þjónustu- og markaðsmála Vodafone. 

„Sýn er frábært félag og hef ég leitt ákveðnar breytingar innan Vodafone fjarskipta síðustu ár með því góða fólki sem þar starfar. Ég er mjög stolt af þeim árangri sem að náðst hefur á því tímabili og þeirri mikilvægu þjónustu sem fyrirtækið veitir viðskiptavinum sínum bæði í fjarskiptum og fjölmiðlun á degi hverjum. Ég óska félaginu alls hins besta og þakka samstarfið“ segir Sesselía Birgisdóttir í tilkynningu.

Vodafone og Vísir eru bæði í eigu Sýnar hf.

Fréttin hefur verið uppfærð.