Svan­hildur selur 500 fer­metra höll í Akrahverfinu

Húsið er hannað af Björg­vini Snæ­björns­syni arki­tekt og endurhannaði Rut Kára­dótt­ir inn­an­húss­arki­tekt húsið að inn­an á ár­un­um 2016 og 2017. 

Eignin einkennist af miklum glæsileika þar sem sérsmíðaðar innréttingar,, aukin lofthæð og vönduð húsgögn eru í aðalhlutverki. Í stofunni má sjá veglegan arin með stálklæðningu og marmaraklædda veggi sem setja fágaðan svip á heildarmynd hússins.

Hlýleg litapalletta og náttúrulegur efniviður er gegnumgangandi í húsinu og skapar notalega stemningu á heimilið.

Nánari upplýsingar á fasteignavef Vísis.

Svanhildur og eiginmaður hennar, Grímur Garðars­son eig­andi Best­sell­er á Íslandi, festu kaup á rúmlega fimm hundruð fermetra einbýlishúsi við Túngötu í Reykjavík í fyrra. Hjónin greiddu 575 millj­ón­ir fyr­ir húsið. Svanhildur og Grímur eru bæði til lögheimilis að Votakri.

Þau gengu í hjónaband á Mallorca í fyrra og fór athöfnin fram á herragarðinum La Fortaleza, einum fallegasta stað eyjunnar sem minnir einna helst á kastala frá miðöldum.