Pottur víða brotinn og börnin borgi brúsann Valur Páll Eiríksson skrifar 15. ágúst 2024 09:10 Þórhildur Garðarsdóttir, formaður KR, segir stöðuna grafalvarlega, enda eini æfingavöllur félagsins níu mánuði ársins ónýtur. Vísir/Ívar Gervigras KR í Vesturbæ Reykjavíkur er ónýtt og hefur verið lokað vegna slysahættu aðeins einu og hálfu ári eftir lagningu nýs grass. Formaður félagsins gagnrýnir vinnubrögð verktaka og viðbragðsleysi Reykjavíkurborgar. Grasinu var skellt í lás á þriðjudagsmorgun og var unnið að því að girða völlinn af þegar íþróttadeild bar að garði eftir hádegið í gær. Knattspyrnufélag Vesturbæjar átti að spila á vellinum um helgina en sá leikur færður af vellinum sökum meiðslahættu. „Það er ekki hægt að bjóða neinum upp á þetta og þetta er slysahætta. Við eða Reykjavíkurborg erum ábyrgðaraðilar ef eitthvað kemur hérna fyrir og það hafa orðið hérna slys. Það var tekin sú ákvörðun að loka grasinu alveg,“ segir Þórhildur Garðarsdóttir, formaður KR, í Sportpakkanum á Stöð 2. Hafa kvartað undan grasinu í eitt og hálft ár Gervigrasið er ekki ónýtt vegna aldurs eða mikillar notkunar. Aðeins eitt og hálft ár er síðan nýtt gras var lagt og hefur það verið til vandræða frá byrjun. Starfsfólk KR kvartaði ítrekað yfir grasinu, bæði á meðan það var lagt og eftir að verki lauk, við litlar undirtektir. „Þá létum við Reykjavíkurborg strax vita að þetta væri ekki í lagi. Saumarnir væru lausir, það væru bönd hérna út um allt, það væru hólar á vellinum og slíkt. Þeir sendu eftirlitsaðila, sem er sami aðili og lagði grasið. Þeir sögðu hafa saumað hérna aðeins betur en við fundum ekki mikinn mun,“ „Við létum Reykjavíkurborg strax vita af því þá að þetta væri eins. Síðan í sjálfu sér gerðist ekki neitt,“ segir Þórhildur. Sá sami sem framkvæmir og gerir úttektina Líkt og Þórhildur nefndi að ofan er framkvæmdaraðili verksins sama fyrirtæki og gerir úttekt á því hvort betur hafi mátt fara þegar krafa var gerð um slíka úttekt af hálfu Reykjavíkurborgar. Bagalegt sé að verktakinn hafi þannig eftirlit með sjálfum sér, sér í lagi þegar viðbrögðin við umkvörtunum séu ekki meiri en raun ber vitni. Flatir á grasinu eru lausar líkt og sjá má. Rákir milli flatanna, sem eru um 2-3 cm að breidd, eru yfir völlinn endilangann. Á einhverjum stöðum eru flatirnar slitnar í sundur líkt og sjá má hér.Vísir/Ívar „Maður hefur alveg heyrt um það að þetta sé oft gert. En þegar við sjáum þau vinnubrögð að þeir komi hérna í úttekt eftir kvörtun og það er ekki brugðist betur við en þetta, þá slær það mig mjög illa,“ segir Þórhildur. Viðbragðsleysi Reykjavíkurborgar komi á óvart, sér í lagi þar sem völlurinn eigi að vera í ábyrgð og eigi lagning nýs grass því ekki að kosta borgina. Enda aðeins eitt og hálft ár síðan gallað gras var lagt vestur í bæ. Grasið er tætt og liggur við heyskap vesturfrá.Vísir/Ívar „Það er bara ömurlegt, og bara mjög leiðinlegt. Þetta er ekki verk sem ætti að kosta borgina af því að þetta er í ábyrgð ennþá. Manni hefði fundist að borgin setti alla sína krafta í það að reyna fá þetta í lag á meðan ábyrgðin er inni. Það er ekki hægt að kenna því um að ekki sé til peningur,“ segir Þórhildur. Ungir iðkendur borgi brúsann Allar æfingar yngri iðkenda í félaginu hafa verið færðar á Flyðrugrandavöll, sem liggur við hliðina á gervigrasinu, og æfingavöll KR við Starhaga. Báðir eru grasvellir og ljóst að þeir endast ekki í mikið meira en mánuð, sér í lagi vegna mikillar notkunar sem er fyrirséð. Vítapunkturinn öðru megin er hola. Ein af mörgum holum sem sjá má á vellinum.Mynd/KR Ljóst er því að ungir iðkendur í Vesturbæ borga brúsann á meðan ekki er brugðist við. Gervigrasið sé eini æfingavöllur stórs félags meirihluta ársins, enda eini gervigrasvöllur félagsins. „[Börn í Vesturbæ borga brúsann] Með æfingaleysi og bara mjög slæmri aðstöðu. Níu mánuði á ári er þetta eini völlurinn fyrir sjö til átta hundruð krakka og þrjá meistaraflokka. Þetta er eini völlurinn sem við höfum. Þannig að við verðum að fá þessa hluti í lag og það verður að hlusta á okkur,“ segir Þórhildur. Íþróttadeild bíður svara við fyrirspurn vegna málsins sem send var á umhverfis- og skipulagssvið Reykjavíkurborgar á sunnudag. Viðtalið og myndefni Ívars Fannars Arnarssonar, tökumanns, af svæðinu má sjá í spilaranum að ofan. KR Reykjavík Mest lesið „Þá leið mér frekar illa eftir leik“ Fótbolti Kaupa Delap og eru í viðræðum við Sancho Enski boltinn Sér á eftir Earps en vill ekki ræða hvað fór þeirra á milli Fótbolti Fyrrum leikmaður Liverpool að ganga í raðir Stjörnunnar Íslenski boltinn Þeir bestu (1. sæti): Afrekaði allt Íslenski boltinn Palestína gæti komist á HM þrátt fyrir að vera ekki viðurkennt fullvalda ríki Fótbolti Dagskráin í dag: Formúla 1 og golf Sport „Eitthvað sem er í vinnslu og gerist kannski“ Fótbolti Eitt Íslandsmet og þrjú gullverðlaun Sport Uppgjörið: Stjarnan - KR 4-2 | Frábær byrjun Stjörnunnar skildi KR-inga eftir í reyk Íslenski boltinn Fleiri fréttir Uppgjörið: Stjarnan - KR 4-2 | Frábær byrjun Stjörnunnar skildi KR-inga eftir í reyk „Ef menn leggja sig fram og standa sig vel þá er alltaf stutt í byrjunarliðið” „Það má ekki fagna of mikið“ Fyrrum leikmaður Liverpool að ganga í raðir Stjörnunnar Uppgjörið: Breiðablik - ÍA 1-4 | Skagamenn völtuðu yfir Blika „Fannst Víkingarnir ekki eiga skilið neitt út úr þessum leik“ „Unnum klárlega baráttuna í leiknum“ Uppgjörið: Afturelding - Valur 0-2 | Engin vandræði á Val í Mosfellsbæ Uppgjörið: Fram - KA 1-2 | Færeyingurinn hetjan í Úlfarsárdal Uppgjörið: ÍBV - FH 2-1 | Dramatískt sigurmark í Eyjum Uppgjörið: Vestri - Víkingur | Víkingur vann toppslaginn fyrir vestan Þeir bestu (1. sæti): Afrekaði allt KR kaupir ungan og efnilegan leikmann Njarðvíkur „Við sjáum okkur ekki sem körfuboltinn á móti fótboltanum“ Þeir bestu (2. sæti): Hæglæti en heljarinnar ferill Návígi með Gulla Jóns: Aukaefni úr A&B og meira til „Ég set spurningarmerki við þennan tímapunkt“ Damir þakkar fyrir sig eftir stutta dvöl í Asíu Þeir bestu (3. sæti): Sannkallaður Benjamin Button Bestu kaupin, nýyrði í boltanum og hver verður markakóngur? Þróttur geti klárlega landað titlinum: „Mér finnst þetta stórkostlegt lið“ Hreifst af Stíg: „Finnst þarna komið þetta Víkings-element“ Þeir bestu (4. sæti): Sigurvegarinn „Uppleggið hjá Rúnari fannst mér heppnast fullkomlega“ Sjáðu mörkin sem „Halli og Laddi“ skoruðu Þeir bestu (5. sæti): Glasið alltaf hálffullt Uppgjörið: FH - Breiðablik 2-0 | Kraftmiklir Hafnfirðingar kafsigldu Blika Uppgjörið: FHL - Þróttur 0-4 | Þróttarar á toppinn eftir stórsigur fyrir austan Sjáðu mörkin úr endurkomu Vestra og þrumufleyg Hallgríms „Ég hefði getað sett þrjú“ Sjá meira
Grasinu var skellt í lás á þriðjudagsmorgun og var unnið að því að girða völlinn af þegar íþróttadeild bar að garði eftir hádegið í gær. Knattspyrnufélag Vesturbæjar átti að spila á vellinum um helgina en sá leikur færður af vellinum sökum meiðslahættu. „Það er ekki hægt að bjóða neinum upp á þetta og þetta er slysahætta. Við eða Reykjavíkurborg erum ábyrgðaraðilar ef eitthvað kemur hérna fyrir og það hafa orðið hérna slys. Það var tekin sú ákvörðun að loka grasinu alveg,“ segir Þórhildur Garðarsdóttir, formaður KR, í Sportpakkanum á Stöð 2. Hafa kvartað undan grasinu í eitt og hálft ár Gervigrasið er ekki ónýtt vegna aldurs eða mikillar notkunar. Aðeins eitt og hálft ár er síðan nýtt gras var lagt og hefur það verið til vandræða frá byrjun. Starfsfólk KR kvartaði ítrekað yfir grasinu, bæði á meðan það var lagt og eftir að verki lauk, við litlar undirtektir. „Þá létum við Reykjavíkurborg strax vita að þetta væri ekki í lagi. Saumarnir væru lausir, það væru bönd hérna út um allt, það væru hólar á vellinum og slíkt. Þeir sendu eftirlitsaðila, sem er sami aðili og lagði grasið. Þeir sögðu hafa saumað hérna aðeins betur en við fundum ekki mikinn mun,“ „Við létum Reykjavíkurborg strax vita af því þá að þetta væri eins. Síðan í sjálfu sér gerðist ekki neitt,“ segir Þórhildur. Sá sami sem framkvæmir og gerir úttektina Líkt og Þórhildur nefndi að ofan er framkvæmdaraðili verksins sama fyrirtæki og gerir úttekt á því hvort betur hafi mátt fara þegar krafa var gerð um slíka úttekt af hálfu Reykjavíkurborgar. Bagalegt sé að verktakinn hafi þannig eftirlit með sjálfum sér, sér í lagi þegar viðbrögðin við umkvörtunum séu ekki meiri en raun ber vitni. Flatir á grasinu eru lausar líkt og sjá má. Rákir milli flatanna, sem eru um 2-3 cm að breidd, eru yfir völlinn endilangann. Á einhverjum stöðum eru flatirnar slitnar í sundur líkt og sjá má hér.Vísir/Ívar „Maður hefur alveg heyrt um það að þetta sé oft gert. En þegar við sjáum þau vinnubrögð að þeir komi hérna í úttekt eftir kvörtun og það er ekki brugðist betur við en þetta, þá slær það mig mjög illa,“ segir Þórhildur. Viðbragðsleysi Reykjavíkurborgar komi á óvart, sér í lagi þar sem völlurinn eigi að vera í ábyrgð og eigi lagning nýs grass því ekki að kosta borgina. Enda aðeins eitt og hálft ár síðan gallað gras var lagt vestur í bæ. Grasið er tætt og liggur við heyskap vesturfrá.Vísir/Ívar „Það er bara ömurlegt, og bara mjög leiðinlegt. Þetta er ekki verk sem ætti að kosta borgina af því að þetta er í ábyrgð ennþá. Manni hefði fundist að borgin setti alla sína krafta í það að reyna fá þetta í lag á meðan ábyrgðin er inni. Það er ekki hægt að kenna því um að ekki sé til peningur,“ segir Þórhildur. Ungir iðkendur borgi brúsann Allar æfingar yngri iðkenda í félaginu hafa verið færðar á Flyðrugrandavöll, sem liggur við hliðina á gervigrasinu, og æfingavöll KR við Starhaga. Báðir eru grasvellir og ljóst að þeir endast ekki í mikið meira en mánuð, sér í lagi vegna mikillar notkunar sem er fyrirséð. Vítapunkturinn öðru megin er hola. Ein af mörgum holum sem sjá má á vellinum.Mynd/KR Ljóst er því að ungir iðkendur í Vesturbæ borga brúsann á meðan ekki er brugðist við. Gervigrasið sé eini æfingavöllur stórs félags meirihluta ársins, enda eini gervigrasvöllur félagsins. „[Börn í Vesturbæ borga brúsann] Með æfingaleysi og bara mjög slæmri aðstöðu. Níu mánuði á ári er þetta eini völlurinn fyrir sjö til átta hundruð krakka og þrjá meistaraflokka. Þetta er eini völlurinn sem við höfum. Þannig að við verðum að fá þessa hluti í lag og það verður að hlusta á okkur,“ segir Þórhildur. Íþróttadeild bíður svara við fyrirspurn vegna málsins sem send var á umhverfis- og skipulagssvið Reykjavíkurborgar á sunnudag. Viðtalið og myndefni Ívars Fannars Arnarssonar, tökumanns, af svæðinu má sjá í spilaranum að ofan.
KR Reykjavík Mest lesið „Þá leið mér frekar illa eftir leik“ Fótbolti Kaupa Delap og eru í viðræðum við Sancho Enski boltinn Sér á eftir Earps en vill ekki ræða hvað fór þeirra á milli Fótbolti Fyrrum leikmaður Liverpool að ganga í raðir Stjörnunnar Íslenski boltinn Þeir bestu (1. sæti): Afrekaði allt Íslenski boltinn Palestína gæti komist á HM þrátt fyrir að vera ekki viðurkennt fullvalda ríki Fótbolti Dagskráin í dag: Formúla 1 og golf Sport „Eitthvað sem er í vinnslu og gerist kannski“ Fótbolti Eitt Íslandsmet og þrjú gullverðlaun Sport Uppgjörið: Stjarnan - KR 4-2 | Frábær byrjun Stjörnunnar skildi KR-inga eftir í reyk Íslenski boltinn Fleiri fréttir Uppgjörið: Stjarnan - KR 4-2 | Frábær byrjun Stjörnunnar skildi KR-inga eftir í reyk „Ef menn leggja sig fram og standa sig vel þá er alltaf stutt í byrjunarliðið” „Það má ekki fagna of mikið“ Fyrrum leikmaður Liverpool að ganga í raðir Stjörnunnar Uppgjörið: Breiðablik - ÍA 1-4 | Skagamenn völtuðu yfir Blika „Fannst Víkingarnir ekki eiga skilið neitt út úr þessum leik“ „Unnum klárlega baráttuna í leiknum“ Uppgjörið: Afturelding - Valur 0-2 | Engin vandræði á Val í Mosfellsbæ Uppgjörið: Fram - KA 1-2 | Færeyingurinn hetjan í Úlfarsárdal Uppgjörið: ÍBV - FH 2-1 | Dramatískt sigurmark í Eyjum Uppgjörið: Vestri - Víkingur | Víkingur vann toppslaginn fyrir vestan Þeir bestu (1. sæti): Afrekaði allt KR kaupir ungan og efnilegan leikmann Njarðvíkur „Við sjáum okkur ekki sem körfuboltinn á móti fótboltanum“ Þeir bestu (2. sæti): Hæglæti en heljarinnar ferill Návígi með Gulla Jóns: Aukaefni úr A&B og meira til „Ég set spurningarmerki við þennan tímapunkt“ Damir þakkar fyrir sig eftir stutta dvöl í Asíu Þeir bestu (3. sæti): Sannkallaður Benjamin Button Bestu kaupin, nýyrði í boltanum og hver verður markakóngur? Þróttur geti klárlega landað titlinum: „Mér finnst þetta stórkostlegt lið“ Hreifst af Stíg: „Finnst þarna komið þetta Víkings-element“ Þeir bestu (4. sæti): Sigurvegarinn „Uppleggið hjá Rúnari fannst mér heppnast fullkomlega“ Sjáðu mörkin sem „Halli og Laddi“ skoruðu Þeir bestu (5. sæti): Glasið alltaf hálffullt Uppgjörið: FH - Breiðablik 2-0 | Kraftmiklir Hafnfirðingar kafsigldu Blika Uppgjörið: FHL - Þróttur 0-4 | Þróttarar á toppinn eftir stórsigur fyrir austan Sjáðu mörkin úr endurkomu Vestra og þrumufleyg Hallgríms „Ég hefði getað sett þrjú“ Sjá meira
Uppgjörið: Stjarnan - KR 4-2 | Frábær byrjun Stjörnunnar skildi KR-inga eftir í reyk Íslenski boltinn
Uppgjörið: Stjarnan - KR 4-2 | Frábær byrjun Stjörnunnar skildi KR-inga eftir í reyk Íslenski boltinn