Þetta staðfestir Hannes Þór Guðmundsson hjá umferðardeild lögreglu í samtali við fréttastofu, en vegfarandi benti fréttastofu á að umferðin undir Hamraborg í norðurátt að Reykjavík gengi mjög hægt fyrir sig. Lögregla væri mætt á svæðið til að stýra umferð að einhverju leyti.
„Þetta er minni háttar árekstur. Það þarf ekki meira en það,“ segir Hannes um umferðartafirnar, sem muni vara meðan verið sé að ganga frá vettvangi. Engin slys hafi orðið á fólki.
Hann viti ekki nákvæmlega hversu langan tíma það komi til með að taka.
„Það tekur alltaf smá tíma, en þetta varir ekki mjög lengi.“
