Keppnin fór loksins fram í gær þar sem karlarnir kepptu strax á eftir konunum.
Það finnst örugglega ekki mörgum mjög spennandi að þurfa að synda í á sem aðeins sólarhring áður mældist með alltof mikið magn af E. Coli bakteríum.
Keppendurnir stungu sér þó allir til sunds í gær og buðu upp á harða keppni.
Rigningar síðustu daga juku ekki aðeins óhreinindin í ánni heldur einnig strauminn sem gerði sundið enn erfiðara.
Manitoba’s Tyler Mislawchuk 🇨🇦 truly gave it his all in the men’s triathlon.
— Marley Dickinson (@marleydickinson) July 31, 2024
Ninth overall.
“I didn’t come here to come top 10 but I gave it everything I had. I went for it, I have no regrets—vomited 10 times.”
📸: @NickIwanyshyn / @TriMagCan pic.twitter.com/3xuQpixWL4
Það reynir auðvitað mikið á þríþrautarfólkið sem þurfti að synda í 1,5 kílómetra, hjóla í 40 kílómetra og hlaupa 10 kílómetra.
Ældi hraustlega í beinni
Kanadamaðurinn Tyler Mislawchuk fór einkar illa út öllu saman. Hann sagði frá því að hann hafi ælt tíu sinnum í þríþrautarkeppninni. Hann sást meðal annars æla hraustlega í beinni sjónvarpsútsendingu.
Hinn 29 ára gamli Mislawchuk tókst samt sem áður að klára í níunda sæti. Það er betri árangur en á ÓL 2016 og ÓL 2021 þar sem hann varð fimmtándi í bæði skiptin.
„Ég kom ekki hingað til að ná inn á topp tíu. Ég er stoltari af framlaginu mínu miklu frekar en í hvaða sæti ég endaði. Ég gaf allt mitt í þetta og sé ekki eftir neinu. Ég ældi tíu sinnum ,“ sagði Mislawchuk.
„Þetta var mikil barátta við náttúruna og það komu allar áskoranir sem hægt er að hugsa sér,“ sagði Mislawchuk en það var sterkur straumur í Signu og mikill hiti eftir að sólin fór að skína.
☝🏻🤨 Boire la tasse ( définition ) :
— 🇫🇷REPLICATOR🇫🇷 (@REPLICATOR17) July 31, 2024
Avaler involontairement de l'eau en se baignant ; avaler de l'eau quand on nage
Le triathlète canadien Tyler Mislawchuk quelques heures après son épreuve dans la #Seine de ce matin !#JeuxOlympiques2024 #Paris2024Olympic #ParisOlympics2024👇🏻 pic.twitter.com/fVEj3AFt2Y