Jokic var valinn mikilvægasti leikmaður NBA deildarinnar á síðasta tímabili og var að vinna þau verðlaun í þriðja sinn á fjórum árum. Stórkostlegur leikmaður sem gerir Denver Nuggets að einu besta liði NBA.
Það er líka óhætt að segja að hann sé mikilvægur fyrir serbneska körfuboltaliðið.
Serbía tapaði fyrsta leiknum á móti stórliði Bandaríkjanna 110-84. Stórt tap en það segir ekki alla söguna.
Það var þó ekki hægt að kvarta yfir framlagi Jokic sem var með 20 stig, 8 stoðsendingar, 5 fráköst og 4 stolna bolta í leiknum.
Án hans þá mátti serbneska liðið sín lítils á móti bandarísku stórstjörnunum.
Jokic hvíldi aðeins í níu mínútur og fimmtán sekúndur í leiknum en það var of mikið því þær fóru mjög illa. Serbarnir töpuðu þeim með 26 stigum eða 29-3.
Með Jokic inn á vellinum þá var staðan 81-81.
Serbarnir skoruðu því aðeins samtals þrjú stig á níu mínútum þegar Jokic sat á bekknum.
