Þrír af hverjum fjórum sitja eftir með sárt ennið Kolbeinn Tumi Daðason skrifar 3. júlí 2024 07:31 Frá kennslustund í læknisfræði við Háskóla Íslands. Kristinn Ingvarsson Smiður og frændsystkini voru á meðal þeirra 75 sem tryggðu sér sæti á námsbekk í læknadeild Háskóla Íslands í vetur. Einn af hverjum fjórum próftökum fær pláss. Deildarforseti Læknadeildar vonast til að geta fjölgað læknanemum enn frekar á næstu árum. Rúmlega fjögur hundruð ungmenni sátu sveitt í inntökuprófum dagana 6. og 7. júní síðastliðinn. Það var mikið undir. Pláss í læknanámi, tannlæknanámi og sjúkrafræðinámi var í húfi og ljóst að færri kæmust að en vildu. Það er þrátt fyrir fjölgun plássa, til dæmis í læknadeild. Fyrir fimm árum voru 48 pláss í boði og undanfarin ár hafa sextíu fengið pláss. Nú voru 75 pláss í boði. Smiður meðal þeirra 75 Fjölmargir stúdentar þreyta prófið árlega og eru meirihluti próftaka. Sömuleiðis fólk sem spreytir sig í annað skiptið. Þá eru reglulega eldri kempur eða fólk úr öðru námi sem breytir um stefnu, reynir við prófið og nær stundum mögnuðum árangri. Þannig þekkir Vísir til smiðs nokkurs sem ákvað að venda kvæði sínu í kross, lagðist yfir bækurnar í nokkrar vikur og viti menn. Hann er kominn inn í læknisfræðina. Þá fagnaði fjölskylda nokkur vel og innilega þegar frændsystkini komust bæði inn í deildina. Þekkir þú skemmtilegar sögur af fólki sem þreytti inntökuprófið í læknisfræði? Sendu okkur ábendingu á ritstjorn@visir.is. Þórarinn Guðjónsson, forseti læknadeildar, fagnar því að hafa getað fjölgað um fimmtán pláss á milli ára. Flöskuhálsinn á spítalanum „Þetta er búið að vera mjög mikið prócess. Fólk spyr af hverju við fjölgum ekki meira og meira? Við bregðumst við því ef fjármagn og aðstaða er til staðar,“ segir Þórarinn. Hann segir Landspítalann flöskuhálsinn í fjölgunarferlinu en þar fer yfir 90 prósent klínískrar kennslu fram. „Vonandi getum við fjölgað upp í níutíu á næstu árum. Við vorum með 48 pláss fyrir fimm árum þannig að þetta er talsverð fjölgun,“ segir Þórarinn. Hann útskýrir að nám í læknisfræði sé ekki þannig að kennari standi fyrir framan 75 nemendur og haldi fyrirlestur. „Það er fullt af verklegri kennslu, þetta er dýr kennsla og það þarf að berjast fyrir hverri einustu krónu sem kemur inn í námið. Við erum að reyna að vinna úr þessu eins vel og við getum.“ Þórarinn Guðjónsson er prófessor í vefjafræði við læknadeild Háskóla Íslands og forseti læknadeildar.Kristinn Ingvarsson Það þarf ekki stúdentspróf í stærðfræði til að átta sig á því að fyrst að 75 komust inn og 274 þreyttu prófið þá eru 199 sem sitja eftir með sárt ennið. Þeim er ekki ætlað læknanám á Íslandi næsta vetur. Telja má líklegt að einhverjir þeirra reyni að verða sér úti um pláss í læknisfræði erlendis. Þar hafa Ungverjaland og Slóvakía verði líklegir áfangastaðir. Nemendur við Háskóla Íslands greiða 75 þúsund króna skráningargjald en skólagjöld í Ungverjalandi og Slóvakíu eru himinhá. „Við finnum til með þeim krökkum sem þurfa að punga út tugum milljóna,“ segir Þórarinn. Hann telur fjölda íslenskra læknanema í erlendum skólum líklega á pari við fjöldann hér heima. „Það er örugglega fínasta nám og ekkert út á það að setja, nema það er dýrt. Þeir læknar sem útskrifast þar og koma heim eru alveg á pari við þá sem fara í gengum skólann hjá okkur.“ Inntökuprófin í læknadeild eru að mestu upp úr námsefni framhaldsskólanna eða um sjötíu prósent. Framhaldsskólakennarar sjái sjálfir um að semja þær spurningar. Svo bætist við siðfræði, rökfræði og almenn þekking. Inntökupróf í læknisfræði og sjúkraþjálfun hafa verið við lýði í nokkurn tíma. Báðar greinar glíma við þann vanda að stór hluti námsins er verklegur og því takmörkun á fjölda sem geta komist inn. Alls þreyttu 89 inntökupróf í sjúkraþjálfun og börðust um 35 pláss. „Það stefnir í hrikalegan vanda með sjúkraþjálfara því það eru mikil kynslóðaskipti fram undan í greininni. Með öldrun þjóðar þurfum við meira á sjúkraþjálfun að halda,“ segir Þórarinn sem setið hefur fleiri en einn og fleiri en tvo fundi með stjórnvöldum vegna þessa. Hann er bjartsýnn í máli sínu og hefur fulla trú á að takist áfram að fjölga plássum í greinunum. Tannlæknadeildin hefur ekki verið með inntökupróf en ákvað að tengja sig við fyrrnefndar deildir í ár og boða til prófs. Fyrirkomulagið hefur verið þar að jafnvel hundrað nemendur hafa skráð sig til náms og svo átta komist áfram að lokinni fyrstu önn. „Það er ekki hægt að bjóða upp á þetta. Þú verður að kenna dálítið verklegt strax. Sjá hvort nemendur hafi ekki burði til að vinna með hluti. Þú vilt ekki hafa klaufskan tannlækni,“ segir Þórarinn. Nú sé það þannig að fjörutíu komist áfram úr inntökuprófinu í tannlækninn áður en skorið verði niður um áramótin. Háskólar Heilbrigðismál Mest lesið „Auddi, Steindi og Egill voru í markaðsmálum“ Innlent Vorhret í Vaglaskógi: Gasgrillið í fullum gangi svo að fortjaldið sligist ekki undan snjónum Innlent Fundaði með borginni: „Hef upplifað ýmislegt en aldrei svona grimmd“ Innlent „Ekki hægt að segja annað en fyrirgefið“ Innlent Vaktin: Ekta sumarhret leikur landann grátt Veður Turnarnir svínvirka en fegrunaraðgerðir í farvatninu Innlent „Beðið um leyfi fyrir átta þúsund manns“ Innlent Varð undir bílhræi ofan í járntætara og fær 150 milljónir Innlent Sakar Víði um pólitísk afskipti af máli Oscars Innlent Víðir um mál Oscars: „Réttur okkar þingmanna að hafa skoðun“ Innlent Fleiri fréttir „Þarna er gripið fram fyrir hendurnar á Alþingi“ Gæsluvarðhald framlengt aftur Alveg gáttuð á framgöngu Víðis sem hafi brotið trúnað Landris mælist áfram í Svartsengi Vilja að Aþena fylgi mannréttindastefnu borgarinnar Hefur metnað til að leiða flokkinn þrátt fyrir slæmt gengi „Ekki hægt að segja annað en fyrirgefið“ Reyna að bjarga 100 kindum og lömbum á kafi í snjó Víðir um mál Oscars: „Réttur okkar þingmanna að hafa skoðun“ Notkun rafbyssa í samræmi við markmið Varð undir bílhræi ofan í járntætara og fær 150 milljónir „Auddi, Steindi og Egill voru í markaðsmálum“ Sakar Víði um pólitísk afskipti af máli Oscars Þurfa að gefa út ákæru á morgun ef gæsluvarðhaldið á að vera lengra Vorhret í Vaglaskógi: Gasgrillið í fullum gangi svo að fortjaldið sligist ekki undan snjónum Rafbyssu beitt þrisvar sinnum á fyrsta ársfjórðungi Nóttin róleg hjá björgunarsveitum Turnarnir svínvirka en fegrunaraðgerðir í farvatninu „Norðan óveður á landinu í dag“ Fundaði með borginni: „Hef upplifað ýmislegt en aldrei svona grimmd“ „Beðið um leyfi fyrir átta þúsund manns“ Bendir ríkisstjórn á „byrjendanámskeið í verkefnastjórnun“ Fundað vegna örtraðarinnar í höllinni Minnsta fylgi Framsóknar í 33 ára sögu þjóðarpúlsins Kalla út snjóruðningstæki og bændur koma búfé í skjól Vilja ný og öruggari bílastæði á samningslausu landi gróðrarstöðvar Óveður, yfirlið á tónleikum og málahali Ákváðu að stöðva ekki tónleikana: „Þá fyrst hefði skrattinn hitt ömmu sína“ Hvergi af baki dottinn og fer með áminninguna fyrir Landsrétt Flutt á sjúkrahús eftir bílslys á Háaleitisbraut Sjá meira
Rúmlega fjögur hundruð ungmenni sátu sveitt í inntökuprófum dagana 6. og 7. júní síðastliðinn. Það var mikið undir. Pláss í læknanámi, tannlæknanámi og sjúkrafræðinámi var í húfi og ljóst að færri kæmust að en vildu. Það er þrátt fyrir fjölgun plássa, til dæmis í læknadeild. Fyrir fimm árum voru 48 pláss í boði og undanfarin ár hafa sextíu fengið pláss. Nú voru 75 pláss í boði. Smiður meðal þeirra 75 Fjölmargir stúdentar þreyta prófið árlega og eru meirihluti próftaka. Sömuleiðis fólk sem spreytir sig í annað skiptið. Þá eru reglulega eldri kempur eða fólk úr öðru námi sem breytir um stefnu, reynir við prófið og nær stundum mögnuðum árangri. Þannig þekkir Vísir til smiðs nokkurs sem ákvað að venda kvæði sínu í kross, lagðist yfir bækurnar í nokkrar vikur og viti menn. Hann er kominn inn í læknisfræðina. Þá fagnaði fjölskylda nokkur vel og innilega þegar frændsystkini komust bæði inn í deildina. Þekkir þú skemmtilegar sögur af fólki sem þreytti inntökuprófið í læknisfræði? Sendu okkur ábendingu á ritstjorn@visir.is. Þórarinn Guðjónsson, forseti læknadeildar, fagnar því að hafa getað fjölgað um fimmtán pláss á milli ára. Flöskuhálsinn á spítalanum „Þetta er búið að vera mjög mikið prócess. Fólk spyr af hverju við fjölgum ekki meira og meira? Við bregðumst við því ef fjármagn og aðstaða er til staðar,“ segir Þórarinn. Hann segir Landspítalann flöskuhálsinn í fjölgunarferlinu en þar fer yfir 90 prósent klínískrar kennslu fram. „Vonandi getum við fjölgað upp í níutíu á næstu árum. Við vorum með 48 pláss fyrir fimm árum þannig að þetta er talsverð fjölgun,“ segir Þórarinn. Hann útskýrir að nám í læknisfræði sé ekki þannig að kennari standi fyrir framan 75 nemendur og haldi fyrirlestur. „Það er fullt af verklegri kennslu, þetta er dýr kennsla og það þarf að berjast fyrir hverri einustu krónu sem kemur inn í námið. Við erum að reyna að vinna úr þessu eins vel og við getum.“ Þórarinn Guðjónsson er prófessor í vefjafræði við læknadeild Háskóla Íslands og forseti læknadeildar.Kristinn Ingvarsson Það þarf ekki stúdentspróf í stærðfræði til að átta sig á því að fyrst að 75 komust inn og 274 þreyttu prófið þá eru 199 sem sitja eftir með sárt ennið. Þeim er ekki ætlað læknanám á Íslandi næsta vetur. Telja má líklegt að einhverjir þeirra reyni að verða sér úti um pláss í læknisfræði erlendis. Þar hafa Ungverjaland og Slóvakía verði líklegir áfangastaðir. Nemendur við Háskóla Íslands greiða 75 þúsund króna skráningargjald en skólagjöld í Ungverjalandi og Slóvakíu eru himinhá. „Við finnum til með þeim krökkum sem þurfa að punga út tugum milljóna,“ segir Þórarinn. Hann telur fjölda íslenskra læknanema í erlendum skólum líklega á pari við fjöldann hér heima. „Það er örugglega fínasta nám og ekkert út á það að setja, nema það er dýrt. Þeir læknar sem útskrifast þar og koma heim eru alveg á pari við þá sem fara í gengum skólann hjá okkur.“ Inntökuprófin í læknadeild eru að mestu upp úr námsefni framhaldsskólanna eða um sjötíu prósent. Framhaldsskólakennarar sjái sjálfir um að semja þær spurningar. Svo bætist við siðfræði, rökfræði og almenn þekking. Inntökupróf í læknisfræði og sjúkraþjálfun hafa verið við lýði í nokkurn tíma. Báðar greinar glíma við þann vanda að stór hluti námsins er verklegur og því takmörkun á fjölda sem geta komist inn. Alls þreyttu 89 inntökupróf í sjúkraþjálfun og börðust um 35 pláss. „Það stefnir í hrikalegan vanda með sjúkraþjálfara því það eru mikil kynslóðaskipti fram undan í greininni. Með öldrun þjóðar þurfum við meira á sjúkraþjálfun að halda,“ segir Þórarinn sem setið hefur fleiri en einn og fleiri en tvo fundi með stjórnvöldum vegna þessa. Hann er bjartsýnn í máli sínu og hefur fulla trú á að takist áfram að fjölga plássum í greinunum. Tannlæknadeildin hefur ekki verið með inntökupróf en ákvað að tengja sig við fyrrnefndar deildir í ár og boða til prófs. Fyrirkomulagið hefur verið þar að jafnvel hundrað nemendur hafa skráð sig til náms og svo átta komist áfram að lokinni fyrstu önn. „Það er ekki hægt að bjóða upp á þetta. Þú verður að kenna dálítið verklegt strax. Sjá hvort nemendur hafi ekki burði til að vinna með hluti. Þú vilt ekki hafa klaufskan tannlækni,“ segir Þórarinn. Nú sé það þannig að fjörutíu komist áfram úr inntökuprófinu í tannlækninn áður en skorið verði niður um áramótin.
Þekkir þú skemmtilegar sögur af fólki sem þreytti inntökuprófið í læknisfræði? Sendu okkur ábendingu á ritstjorn@visir.is.
Háskólar Heilbrigðismál Mest lesið „Auddi, Steindi og Egill voru í markaðsmálum“ Innlent Vorhret í Vaglaskógi: Gasgrillið í fullum gangi svo að fortjaldið sligist ekki undan snjónum Innlent Fundaði með borginni: „Hef upplifað ýmislegt en aldrei svona grimmd“ Innlent „Ekki hægt að segja annað en fyrirgefið“ Innlent Vaktin: Ekta sumarhret leikur landann grátt Veður Turnarnir svínvirka en fegrunaraðgerðir í farvatninu Innlent „Beðið um leyfi fyrir átta þúsund manns“ Innlent Varð undir bílhræi ofan í járntætara og fær 150 milljónir Innlent Sakar Víði um pólitísk afskipti af máli Oscars Innlent Víðir um mál Oscars: „Réttur okkar þingmanna að hafa skoðun“ Innlent Fleiri fréttir „Þarna er gripið fram fyrir hendurnar á Alþingi“ Gæsluvarðhald framlengt aftur Alveg gáttuð á framgöngu Víðis sem hafi brotið trúnað Landris mælist áfram í Svartsengi Vilja að Aþena fylgi mannréttindastefnu borgarinnar Hefur metnað til að leiða flokkinn þrátt fyrir slæmt gengi „Ekki hægt að segja annað en fyrirgefið“ Reyna að bjarga 100 kindum og lömbum á kafi í snjó Víðir um mál Oscars: „Réttur okkar þingmanna að hafa skoðun“ Notkun rafbyssa í samræmi við markmið Varð undir bílhræi ofan í járntætara og fær 150 milljónir „Auddi, Steindi og Egill voru í markaðsmálum“ Sakar Víði um pólitísk afskipti af máli Oscars Þurfa að gefa út ákæru á morgun ef gæsluvarðhaldið á að vera lengra Vorhret í Vaglaskógi: Gasgrillið í fullum gangi svo að fortjaldið sligist ekki undan snjónum Rafbyssu beitt þrisvar sinnum á fyrsta ársfjórðungi Nóttin róleg hjá björgunarsveitum Turnarnir svínvirka en fegrunaraðgerðir í farvatninu „Norðan óveður á landinu í dag“ Fundaði með borginni: „Hef upplifað ýmislegt en aldrei svona grimmd“ „Beðið um leyfi fyrir átta þúsund manns“ Bendir ríkisstjórn á „byrjendanámskeið í verkefnastjórnun“ Fundað vegna örtraðarinnar í höllinni Minnsta fylgi Framsóknar í 33 ára sögu þjóðarpúlsins Kalla út snjóruðningstæki og bændur koma búfé í skjól Vilja ný og öruggari bílastæði á samningslausu landi gróðrarstöðvar Óveður, yfirlið á tónleikum og málahali Ákváðu að stöðva ekki tónleikana: „Þá fyrst hefði skrattinn hitt ömmu sína“ Hvergi af baki dottinn og fer með áminninguna fyrir Landsrétt Flutt á sjúkrahús eftir bílslys á Háaleitisbraut Sjá meira
Vorhret í Vaglaskógi: Gasgrillið í fullum gangi svo að fortjaldið sligist ekki undan snjónum Innlent
Vorhret í Vaglaskógi: Gasgrillið í fullum gangi svo að fortjaldið sligist ekki undan snjónum Innlent