Kynna út­tekt á stöðu drengja í mennta­kerfinu

Í fréttatilkynningu um fundinn segir að lakari frammistaða og aukið brottfall drengja úr námi hafa verið í umræðunni á undanförnum árum og þróunin neikvæð. Á fundinum verði kynnt viðamikil úttekt á stöðunni út frá nýjum og fyrirliggjandi gögnum þar sem rýnt er í áhrifaþætti og sóknarfæri.

Úttektin hafi verið unnin að beiðni mennta- og barnamálaráðherra. Hún hafi staðið yfir síðustu 18 mánuði og niðurstöðurnar byggi á ítarlegri tölfræðigreiningu og viðtölum við yfir 100 aðila í menntakerfinu. Skýrsla um niðurstöðurnar og tillögur til úrbóta verði birt í kjölfar kynningarfundar.

Dagskrá fundarins er eftirfarandi:

• 13:30 Ávarp – Ásmundur Einar Daðason, mennta- og barnamálaráðherra
• 13:35 Staða drengja í menntakerfinu – Tryggvi Hjaltason, skýrsluhöfundur
• 14:00 Ávarp – Áslaug Arna Sigurbjörnsdóttir, háskóla-, iðnaðar- og nýsköpunarráðherra
• 14:05 Ný stofnun – hlutverk og framtíðarsýn – Þórdís Jóna Sigurðardóttir, forstjóri Miðstöðvar menntunar og skólaþjónustu
• 14:10 Lokaorð

Fundinn má sjá í spilaranum hér að neðan: