Sniglaráðherrann Þorsteinn Sæmundsson skrifar 4. júní 2024 17:32 Ráðuneyti það er kennt er við matvæli og undirstofnanir þess vinna á hraða snigilsins. Það er helst að frétta úr sniglaráðuneytinu að skýrsla MAST um hvalveiðar síðasta árs sem eyðilagðar voru þá af þáverandi sniglaráðherra mun nú hafa borist ráðuneytinu. Alla leið! Skýrslan er nú væntanlega til hraðlestrar í sniglaráðuneytinu. Eyðilegging hvalveiða á síðasta ári stóðst ekki lög að mati Umboðsmanns Alþingis eins og fram kom í áliti hans. Þáverandi sniglaráðherra er nú skriðinn í annað skjól og nýr hefur verið skipaður. Málflutningur nýja ráðherrans hefur einkum snúið að vanmætti við að taka ákvarðanir vegna stuttrar veru í embætti. Sú vera lengist að vísu hægt og hægt því miður. Nú hefur ráðherrann aukið hrokann ögn og segir að allir hljóti að skilja að ráðherra þurfi sinn tíma til að taka „tímamótaákvörðun“ i hvalveiðimálum. Þrátt fyrir það segist hún skilja að ,,ýmsir" séu orðnir óþolinmóðir yfir því hve ákvörðunin taki langan tíma. Með ,,ýmsum" á ráðherra væntanlega við eigendur Hvals hf sem horfa nú fram á að vera haldið frá veiðum annað árið í röð með geðþóttaákvörðun sem tekin er of seint. Hugsanlega líka þeim hundruðum einstaklinga sem vænst hafa starfa við veiðarnar sveitarstjórnarfólki á starfssvæðum Hvals hf. og kannski líka samstarfsflokkum í ríkisstjórn sem virðist sumum ekki líka að VG snýti sér á stjórnarsáttmálanum. Sniglaráðherrann hefur enda óskað eftir sextán! umsögnum frá ótal aðilum sem utan frá séð hafa ltila sem enga hagsmuni eða aðkomu að hvalveiðum hvað þá vísindaþekkingu nema Hafró sem hefur þegar skilað umsögn. Greinarhöfundur var eiginlega hissa að sjá ekki Samband Skólalúðrasveita í hópi þeirra sem óskað var umsagnar frá með mikilli virðingu fyrir þeim félagsskap. Með umsóknarhringekjunni er sniglaráðherrann að senda Hval hf starfsmönnum þess og sveitarfélögum þar sem fyrirtækið starfar puttann korteri áður en vertíð á að hefjast. Næsta víst er að með því að beita ráðherravaldi með geðþótta er sniglaráðherrann búinn að eyðileggja hvalveiðar þetta árið og verður væntanlega klöppuð upp af þeim þrem prósentum kjósenda sem gangast við því að styðja VG um þessar mundir. Reikningurinn vegna geðþóttans verður sendur landsmönnum líkt og vegna lögleysu fyrrum sniglaráðherra frá síðasta ári. Dýr myndi flokkurinn allur ef svo skyldi hvert prósent. Í lok janúar s.l. lagði Hvalur hf. fram umsókn um leyfi til hvalveiða. Ráðuneyti snigilsins hefur því haft um fjóra mánuði til umþóttunar gagnaöflunar og skýrslugerðar. Hlýtur það að teljast drjúgur tími þrátt fyrir að ráðherra sé enn í starfskynningu og aðlögun. Flestum er ljóst að þar sem veiðar á hval fara fram um hásumar og takmarkast m.a. af birtuskilyrðum er áríðandi að hægt sé að undirbúa vertíð á vormánuðum. Allar helstu mótbárur við hvalveiðum hafa ítrekað verið léttvægar fundnar. Gildir þá einu hvort um er að ræða verndunarsjónarmið, áhrif á ferðaþjónustu eða flökkusöguna um að enginn markaður sé fyrir kjöt sem selt var fyrir þrjá milljarða eftir síðustu heilu vertíð. Þögn Sjálfstæðisflokksins við nýjustu tafaleikjum sniglaráðherra VG er ærandi og reyndar er langlundargeð flokksins eða geðleysi með ólíkindum. Kannski ætlar flokkurinn ekki að bjóða fram í norðvesturkjördæmi. Rétt er að tilgreina hér 9. gr. Stjórnsýslulaga no. 39/1993 þar sem segir: „9. gr. Málshraði. Ákvarðanir í málum skulu teknar svo fljótt sem unnt er. Þar sem leitað er umsagnar skal það gert við fyrstu hentugleika. Ef leita þarf eftir fleiri en einni umsögn skal það gert samtímis þar sem því verður við komið. Stjórnvald skal tiltaka fyrir hvaða tíma óskað er eftir að umsagnaraðili láti í té umsögn sína. Þegar fyrirsjáanlegt er að afgreiðsla máls muni tefjast ber að skýra aðila máls frá því. Skal þá upplýsa um ástæður tafanna og hvenær ákvörðunar sé að vænta. Dragist afgreiðsla máls óhæfilega er heimilt að kæra það til þess stjórnvalds sem ákvörðun í málinu verður kærð til.“ Höfundur er um sinn fyrrum þingmaður Miðflokksins og situr í stjórn flokksins. Viltu birta grein á Vísi? Sendu okkur póst. Senda grein Þorsteinn Sæmundsson Hvalveiðar Matvælaframleiðsla Mest lesið Sjö staðreyndir í útlendingamálum Þorbjörg S. Gunnlaugsdóttir Skoðun Sjálfstæðisstefnan og frelsið Helgi Áss Grétarsson Skoðun Svargrein: Ísland á víst að íhuga aðild að ESB Ágúst Ólafur Ágústsson Skoðun Sumarorlofið fór í baráttuna fyrir barni - er það sanngjarnt? Sigríður Auðunsdóttir Skoðun Sumarfríinu aflýst Sigurður Helgi Pálmason Skoðun „Er allt í lagi?“ Olga Björt Þórðardóttir Skoðun Um mýkt, menntun og von Sigurður Árni Reynisson Skoðun Einmanaleiki: Skortir þig tengsl við þig eða aðra? Sigrún Þóra Sveinsdóttir Skoðun Gerir háskólanám þig að grunnskólakennara? Davíð Már Sigurðsson Skoðun Úr skotgröfum í netkerfin: Netárásir á innviði Vesturlanda Ýmir Vigfússon Skoðun Skoðun Skoðun Sumarorlofið fór í baráttuna fyrir barni - er það sanngjarnt? Sigríður Auðunsdóttir skrifar Skoðun Sjálfstæðisstefnan og frelsið Helgi Áss Grétarsson skrifar Skoðun Sjö staðreyndir í útlendingamálum Þorbjörg S. Gunnlaugsdóttir skrifar Skoðun Þegar fjölbreytileikinn verður ógn: Afneitun, andstaða og ótti við hið mannlega Haukur Logi Jóhannsson skrifar Skoðun Einmanaleiki: Skortir þig tengsl við þig eða aðra? Sigrún Þóra Sveinsdóttir skrifar Skoðun Svargrein: Ísland á víst að íhuga aðild að ESB Ágúst Ólafur Ágústsson skrifar Skoðun Fjölbreytni í endurhæfingu skiptir máli Hólmfríður Einarsdóttir skrifar Skoðun Sumarfríinu aflýst Sigurður Helgi Pálmason skrifar Skoðun Úr skotgröfum í netkerfin: Netárásir á innviði Vesturlanda Ýmir Vigfússon skrifar Skoðun Fordómar gagnvart hinsegin fólki – Reynslusaga Geir Gunnar Markússon skrifar Skoðun „Er allt í lagi?“ Olga Björt Þórðardóttir skrifar Skoðun Göngum í Haag hópinn Þórhildur Sunna Ævarsdóttir skrifar Skoðun Kirkjuklukkur hringja Bjarni Karlsson skrifar Skoðun Gerir háskólanám þig að grunnskólakennara? Davíð Már Sigurðsson skrifar Skoðun Stríð skapar ekki frið Sanna Magdalena Mörtudóttir skrifar Skoðun Íslenska stóðhryssan og Evrópa Hallgerður Ljósynja Hauksdóttir skrifar Skoðun Hvammsvirkjun – Skyldur ráðherra og réttur samfélagsins Eggert Valur Guðmundsson skrifar Skoðun Norska leiðin er fasismi Jón Frímann Jónsson skrifar Skoðun Um mýkt, menntun og von Sigurður Árni Reynisson skrifar Skoðun Höfum alla burði til þess Hjörtur J. Guðmundsson skrifar Skoðun Tímabær rannsókn dómsmálaráðuneytisins Sigmundur Davíð Gunnlaugsson skrifar Skoðun Umsókn krefst ákvörðunar – ekki ákalls Erna Bjarnadóttir skrifar Skoðun Hjálp, barnið mitt spilar Roblox! Kristín Magnúsdóttir skrifar Skoðun Líkindi með guðstrú og djöflatrú Gunnar Björgvinsson skrifar Skoðun Ævinlega þakkláti flóttamaðurinn Zeljka Kristín Klobucar skrifar Skoðun Vér vesalingar Ingólfur Sverrisson skrifar Skoðun Leikrit Landsvirkjunar Snæbjörn Guðmundsson skrifar Skoðun Við þurfum ekki að loka landinu – við þurfum að opna augun Þorbjörg Sigríður Gunnlaugsdóttir skrifar Skoðun Svona eða hinsegin, hvert okkar verður næst? Unnar Geir Unnarsson skrifar Skoðun Reynisfjara og mannréttindasáttmáli Evrópu Róbert R. Spanó skrifar Sjá meira
Ráðuneyti það er kennt er við matvæli og undirstofnanir þess vinna á hraða snigilsins. Það er helst að frétta úr sniglaráðuneytinu að skýrsla MAST um hvalveiðar síðasta árs sem eyðilagðar voru þá af þáverandi sniglaráðherra mun nú hafa borist ráðuneytinu. Alla leið! Skýrslan er nú væntanlega til hraðlestrar í sniglaráðuneytinu. Eyðilegging hvalveiða á síðasta ári stóðst ekki lög að mati Umboðsmanns Alþingis eins og fram kom í áliti hans. Þáverandi sniglaráðherra er nú skriðinn í annað skjól og nýr hefur verið skipaður. Málflutningur nýja ráðherrans hefur einkum snúið að vanmætti við að taka ákvarðanir vegna stuttrar veru í embætti. Sú vera lengist að vísu hægt og hægt því miður. Nú hefur ráðherrann aukið hrokann ögn og segir að allir hljóti að skilja að ráðherra þurfi sinn tíma til að taka „tímamótaákvörðun“ i hvalveiðimálum. Þrátt fyrir það segist hún skilja að ,,ýmsir" séu orðnir óþolinmóðir yfir því hve ákvörðunin taki langan tíma. Með ,,ýmsum" á ráðherra væntanlega við eigendur Hvals hf sem horfa nú fram á að vera haldið frá veiðum annað árið í röð með geðþóttaákvörðun sem tekin er of seint. Hugsanlega líka þeim hundruðum einstaklinga sem vænst hafa starfa við veiðarnar sveitarstjórnarfólki á starfssvæðum Hvals hf. og kannski líka samstarfsflokkum í ríkisstjórn sem virðist sumum ekki líka að VG snýti sér á stjórnarsáttmálanum. Sniglaráðherrann hefur enda óskað eftir sextán! umsögnum frá ótal aðilum sem utan frá séð hafa ltila sem enga hagsmuni eða aðkomu að hvalveiðum hvað þá vísindaþekkingu nema Hafró sem hefur þegar skilað umsögn. Greinarhöfundur var eiginlega hissa að sjá ekki Samband Skólalúðrasveita í hópi þeirra sem óskað var umsagnar frá með mikilli virðingu fyrir þeim félagsskap. Með umsóknarhringekjunni er sniglaráðherrann að senda Hval hf starfsmönnum þess og sveitarfélögum þar sem fyrirtækið starfar puttann korteri áður en vertíð á að hefjast. Næsta víst er að með því að beita ráðherravaldi með geðþótta er sniglaráðherrann búinn að eyðileggja hvalveiðar þetta árið og verður væntanlega klöppuð upp af þeim þrem prósentum kjósenda sem gangast við því að styðja VG um þessar mundir. Reikningurinn vegna geðþóttans verður sendur landsmönnum líkt og vegna lögleysu fyrrum sniglaráðherra frá síðasta ári. Dýr myndi flokkurinn allur ef svo skyldi hvert prósent. Í lok janúar s.l. lagði Hvalur hf. fram umsókn um leyfi til hvalveiða. Ráðuneyti snigilsins hefur því haft um fjóra mánuði til umþóttunar gagnaöflunar og skýrslugerðar. Hlýtur það að teljast drjúgur tími þrátt fyrir að ráðherra sé enn í starfskynningu og aðlögun. Flestum er ljóst að þar sem veiðar á hval fara fram um hásumar og takmarkast m.a. af birtuskilyrðum er áríðandi að hægt sé að undirbúa vertíð á vormánuðum. Allar helstu mótbárur við hvalveiðum hafa ítrekað verið léttvægar fundnar. Gildir þá einu hvort um er að ræða verndunarsjónarmið, áhrif á ferðaþjónustu eða flökkusöguna um að enginn markaður sé fyrir kjöt sem selt var fyrir þrjá milljarða eftir síðustu heilu vertíð. Þögn Sjálfstæðisflokksins við nýjustu tafaleikjum sniglaráðherra VG er ærandi og reyndar er langlundargeð flokksins eða geðleysi með ólíkindum. Kannski ætlar flokkurinn ekki að bjóða fram í norðvesturkjördæmi. Rétt er að tilgreina hér 9. gr. Stjórnsýslulaga no. 39/1993 þar sem segir: „9. gr. Málshraði. Ákvarðanir í málum skulu teknar svo fljótt sem unnt er. Þar sem leitað er umsagnar skal það gert við fyrstu hentugleika. Ef leita þarf eftir fleiri en einni umsögn skal það gert samtímis þar sem því verður við komið. Stjórnvald skal tiltaka fyrir hvaða tíma óskað er eftir að umsagnaraðili láti í té umsögn sína. Þegar fyrirsjáanlegt er að afgreiðsla máls muni tefjast ber að skýra aðila máls frá því. Skal þá upplýsa um ástæður tafanna og hvenær ákvörðunar sé að vænta. Dragist afgreiðsla máls óhæfilega er heimilt að kæra það til þess stjórnvalds sem ákvörðun í málinu verður kærð til.“ Höfundur er um sinn fyrrum þingmaður Miðflokksins og situr í stjórn flokksins.
Skoðun Sumarorlofið fór í baráttuna fyrir barni - er það sanngjarnt? Sigríður Auðunsdóttir skrifar
Skoðun Þegar fjölbreytileikinn verður ógn: Afneitun, andstaða og ótti við hið mannlega Haukur Logi Jóhannsson skrifar
Skoðun Við þurfum ekki að loka landinu – við þurfum að opna augun Þorbjörg Sigríður Gunnlaugsdóttir skrifar