Herra Hnetu­smjör og Sara selja í­búðina

Um er að ræða mikið endurnýjaða 124 fermetra íbúð með bílskúr í húsi sem var byggt árið 1978. Samtals eru þrjú svefnherbergi og tvö baðherbergi. Stofa og borðstofa er samliggjandi í opnu og björtu rými. Þaðan er útgengt á tólf fermetra viðarklæddar suðursvalir með góðu útsýni. 

Nýlega var bílskúrinn endurnýjaður og útbúinn sem herbergi með salernisaðstöðu. Nánari upplýsingar á fasteignavef Vísis.

Herra Hnetusmjör hefur ekki farið leynt með stolt sitt af því að vera Kópavogsbúi og borið hróður bæjarins víða allt frá því að hann hóf að starfa sem tónlistarmaður árið 2014. Í textum hans er Kópavogur alltaf í forgrunni og hefur verið frá upphafi. Ekki er vitað hvert fjölskyldan er að flytja en miklar líkur eru á því að hann haldi sig innan bæjarins.