Á­tján Íslandsmeistaratitlar á Hlíðar­enda á átta árum

Karl- og kvennalið Vals í körfubolta, handbolta og fótbolta hafa nefnilega unnið hvern Íslandsmeistaratitilinn á fætur öðrum frá árinu 2017.

Á þessum átta árum hefur félagið eignast átján Íslandsmeistara í þessum þremur stærstu boltagreinum landsins.

Skiptingin er líka svo til jöfn hjá kynjunum. Karlaliðin hafa unnið átta Íslandsmeistaratitla og kvennaliðin hafa unnið tíu Íslandsmeistaratitla.

Skiptingin er líka tiltölulega jöfn á milli þessara þriggja íþróttagreina. Þetta var fimmti Íslandsmeistaratitil körfuboltaliðanna en fyrr í vetur höfðu handboltastelpurnar í Val unnið sjötta Íslandsmeistaratitil handboltans frá 2017.

Fótboltastelpurnar eru líka ríkjandi Íslandsmeistarar og hafa unnið fjóra af sjö Íslandsmeistaratitlum knattspyrnuliðanna á síðustu átta árum.

Inni í þessu er líka árið 2020 þegar engir Íslandsmeistaratitlar fóru á loft í bæði handbolta og körfubolta vegna kórónuveirufaraldursins. Mörg Valslið voru líkleg til afreka það vorið.