Sverrir Ingi Ingason var ekki í leikmannahópi Midtjylland í dag á meðan Orri Steinn Óskarsson kom inn af bekknum hjá FCK. Rúnar Alex Rúnarsson sat jafnframt á bekknum.
Gestirnir frá Kaupmannahöfn komust yfir á 11. mínútu en heimamenn svöruðu með tveimur mörkum og staðan 2-1 í hálfleik. Þar var svo í uppbótartíma sem FCK fékk vítaspyrnu. Úr henni skoraði Kevin Diks og lokatölur 2-2. Orri Steinn kom inn af bekknum á 63. mínútu.
Et vigtigt point #fcklive #sldk pic.twitter.com/7Z1yrFy1w5
— F.C. København (@FCKobenhavn) April 14, 2024
Bröndby er á toppi deildarinnar með 52 stig, líkt og Midtjylland. FCK kemur þar á eftir með 46 stig þegar það eru 7 leikir eftir af tímabilinu.
Á meðan danska deildin er að klárast er sú norska að fara af stað. Þriðja umferðin fór fram í dag og þar vann Haugesund 1-0 sigur á Tromsö. Anton Logi Lúðvíksson lék allan leikinn á miðju Haugesund og nældi sér í gult spjald. Þa´kom Hlynur Freyr Karlsson inn af bekknum á 67. mínútu.
Så ska det låta! pic.twitter.com/Tu9rTI7vRl
— FK Haugesund (@FKHaugesund) April 14, 2024
Lærisveinar Óskars Hrafns Þorvaldssonar eru með tvo sigra og eitt tap í fyrstu þremur leikjunum.