Kennari sem sló barn fær milljónir Árni Sæberg skrifar 10. apríl 2024 15:34 Hæstiréttur kvað upp dóm í málinu í dag. Vísir/Vilhelm Hæstiréttur hefur dæmt Dalvíkurbyggð til þess að greiða konu tæpar ellefu milljónir króna í skaða- og miskabætur vegna ólögmætrar uppsagnar. Konan var rekin úr starfi grunnskólakennara fyrir veita þrettán ára stúlku kinnhest. Mál konunnar vakti mikla athygli þegar henni voru dæmdar alls átta milljónir króna í skaða- og miskabætur í héraði vegna ólögmætrar uppsagnar í febrúar í fyrra. Þrátt fyrir að óumdeilt væri að hún hefði löðrungað barnið í íþróttatíma við Dalvíkurskóla studdu bæði Kennarasamband Íslands og Félag grunnskólakennara við bakið á konunni. Þeim dómi Héraðsdóms Norðurlands eystra var snúið í Landsrétti í maí síðastliðnum á þeim grundvelli að konan hefði framið gróft brot í starfi sem heimilaði skólanum að segja henni fyrirvaralaust upp störfum. Ekki réttlætanlegt en þó ekki gróft brot Í dómi Hæstaréttar, sem kveðinn var upp klukkan 14 í dag, er tekið fram að þótt ekki væri réttlætanlegt að kennari veitti nemanda kinnhest yrði við mat á því hvort brot konunnar teldist gróft að skoða háttsemi hennar heildstætt á grundvelli allra atvika. Háttsemin hafi verið óundirbúið viðbragð hennar við kinnhesti sem stúlkan veitti henni eftir að hafa neitað að fylgja fyrirmælum. Í því hefði ekki falist líkamleg refsing eða líkamlegt inngrip í refsingarskyni sem starfsfólki er óheimilt að beita samkvæmt reglugerð um ábyrgð og skyldur aðila skólasamfélagsins í grunnskólum. Í dómi Landsréttar sagði að daginn sem umdeilt atvik átti sér stað hafi kennarinn verið með kennslustund utandyra fyrir drengi sem voru að spila fótbolta. Stúlkunni hefði þá af öðrum kennara verið vísað úr annarri kennslustund, sem fór fram innan dyra fyrir stúlkur, þar sem hún kom ekki með íþróttaföt í skólann. Stúlkan hefði fengið þau fyrirmæli frá þeim kennara að ganga ákveðinn hring í bænum í stað þess að vera viðstödd kennslustundina. Frekar en að gera það hafi nemandinn sest á grasflöt við fótboltavöllinn þar sem konan var að sinna kennslu. Að mati hennar hafi þessi viðvera truflað kennslustundina og hún beðið nemandann því um að fara. Þau samskipti hafi endað með þeim hætti að nemandinn gaf kennaranum kinnhest. Konan hafi svarað í sömu mynt og gefið nemandanum kinnhest. Hún hafi kveðist hafa upplifað ógn af nemandanum og gert ráð fyrir fleiri höggum enda hafi hún talið nemandann vera í „ham.“ Engin rök fyrir því að konan myndi valda skaða Enn fremur bæri að líta til þess að konan hefði strax tilkynnt atvikið til skólastjórnenda og þannig leitast við að koma málinu í réttan farveg innan skólans. Skólastjóri hefði þó ekki gripið til sérstakra aðgerða sem hefði verið rétt við þessar aðstæður. Í ljósi þessara atvika hafi ekki verið fallist á að konan hefði orðið uppvís að grófu broti í starfi. Þá hefði fullyrðing Dalvíkurbyggðar um að áframhaldandi störf konunnar við skólann myndu valda skaða fyrir starfsemi hans með vísan til öryggis nemenda ekki verið studd neinum frekari rökum eða gögnum. Samkvæmt þessu hefðu skilyrði kjarasamningsákvæðis til að víkja konunni fyrirvaralaust úr starfi án undanfarandi áminningar ekki verið uppfyllt og ákvörðun Dalvíkubyggðar því ólögmæt. Dalvíkurbyggð var dæmd til þess að greiða konunni níu milljónir króna í skaðabætur og 1,8 milljónir króna í miskabætur. Þá var Dalvíkurbyggð gert að greiða konunni 3,6 milljónir króna í málskostnað á öllum dómstigum. Dómsmál Dalvíkurbyggð Grunnskólar Skóla - og menntamál Ofbeldi gegn börnum Mest lesið Fjöldi fórnarlamba eftir skothríð og íkveikju í kirkju mormóna Erlent Skora á Snorra að gefa kost á sér Innlent Árásir stóðu yfir í rúma tólf tíma Erlent Bíll valt eftir flótta undan lögreglu og þrír slösuðust Innlent Banna dróna yfir Danmörku Erlent Með bílinn fullan af fíkniefnum Innlent Lögreglan með málið til rannsóknar Innlent Rándýr og stórbrotin afmæli hitta ekki í mark hjá krökkunum Innlent Rak frá Bretlandi til Íslands á einum mánuði Innlent Segist hafa hafnað boði til einkaeyju Epsteins Erlent Fleiri fréttir Umfangsmiklar árásir og símengað neysluvatn Báturinn áður sokkið í sömu höfn og án skýringar Drukkinn ökumaður keyrði á þrjá bíla og reyndi að stinga af Um 200 nemendur eru í lögreglunámi á Akureyri Skora á Snorra að gefa kost á sér Bíll valt eftir flótta undan lögreglu og þrír slösuðust Reiknað með afskiptum af öllum samkomum Vítisengla Lögreglan með málið til rannsóknar Áframhaldandi aðgerðir gegn Vítisenglum Geirfinnsmálið, orkuöflun, gjaldeyrishöftin og íslenskan á Sprengisandi Drógu aflvana bát í land í Neskaupstað Með bílinn fullan af fíkniefnum „Það verður boðið fram í nafni VG“ Loka aftur fyrir umferð á slóðum Vítisengla „Þjóðaröryggisráð er ekki upp á punt“ Rak frá Bretlandi til Íslands á einum mánuði Bátur sekkur við Hafnarfjarðarhöfn Ellilífeyrisþegar sá hópur sem hafi það einna best Rándýr og stórbrotin afmæli hitta ekki í mark hjá krökkunum Þór sækist eftir endurkjöri Furðar sig á þjóðaröryggisráði og rándýr barnaafmæli Aftur flagnar Vesturbæjarlaug: „Eins og hún sé með skallablett“ Þyrlan kölluð út vegna vélsleðaslyss á Langjökli „Gervigreind er líka fyrir heimilið“ Hringvegurinn opnaður á ný klukkan 17 Snæfellsnes orðið að vistvangi UNESCO „Stór húsnæðis- og efnahagspakki“ á leiðinni Afplána líklegast í fjögur til fimm ár á Litla Hrauni Þungir dómar ekki óvæntir og fyrsti vistvangur landsins Ferðamaður réðst á leiðsögukonu: „Ísland hefur brugðist mér“ Sjá meira
Mál konunnar vakti mikla athygli þegar henni voru dæmdar alls átta milljónir króna í skaða- og miskabætur í héraði vegna ólögmætrar uppsagnar í febrúar í fyrra. Þrátt fyrir að óumdeilt væri að hún hefði löðrungað barnið í íþróttatíma við Dalvíkurskóla studdu bæði Kennarasamband Íslands og Félag grunnskólakennara við bakið á konunni. Þeim dómi Héraðsdóms Norðurlands eystra var snúið í Landsrétti í maí síðastliðnum á þeim grundvelli að konan hefði framið gróft brot í starfi sem heimilaði skólanum að segja henni fyrirvaralaust upp störfum. Ekki réttlætanlegt en þó ekki gróft brot Í dómi Hæstaréttar, sem kveðinn var upp klukkan 14 í dag, er tekið fram að þótt ekki væri réttlætanlegt að kennari veitti nemanda kinnhest yrði við mat á því hvort brot konunnar teldist gróft að skoða háttsemi hennar heildstætt á grundvelli allra atvika. Háttsemin hafi verið óundirbúið viðbragð hennar við kinnhesti sem stúlkan veitti henni eftir að hafa neitað að fylgja fyrirmælum. Í því hefði ekki falist líkamleg refsing eða líkamlegt inngrip í refsingarskyni sem starfsfólki er óheimilt að beita samkvæmt reglugerð um ábyrgð og skyldur aðila skólasamfélagsins í grunnskólum. Í dómi Landsréttar sagði að daginn sem umdeilt atvik átti sér stað hafi kennarinn verið með kennslustund utandyra fyrir drengi sem voru að spila fótbolta. Stúlkunni hefði þá af öðrum kennara verið vísað úr annarri kennslustund, sem fór fram innan dyra fyrir stúlkur, þar sem hún kom ekki með íþróttaföt í skólann. Stúlkan hefði fengið þau fyrirmæli frá þeim kennara að ganga ákveðinn hring í bænum í stað þess að vera viðstödd kennslustundina. Frekar en að gera það hafi nemandinn sest á grasflöt við fótboltavöllinn þar sem konan var að sinna kennslu. Að mati hennar hafi þessi viðvera truflað kennslustundina og hún beðið nemandann því um að fara. Þau samskipti hafi endað með þeim hætti að nemandinn gaf kennaranum kinnhest. Konan hafi svarað í sömu mynt og gefið nemandanum kinnhest. Hún hafi kveðist hafa upplifað ógn af nemandanum og gert ráð fyrir fleiri höggum enda hafi hún talið nemandann vera í „ham.“ Engin rök fyrir því að konan myndi valda skaða Enn fremur bæri að líta til þess að konan hefði strax tilkynnt atvikið til skólastjórnenda og þannig leitast við að koma málinu í réttan farveg innan skólans. Skólastjóri hefði þó ekki gripið til sérstakra aðgerða sem hefði verið rétt við þessar aðstæður. Í ljósi þessara atvika hafi ekki verið fallist á að konan hefði orðið uppvís að grófu broti í starfi. Þá hefði fullyrðing Dalvíkurbyggðar um að áframhaldandi störf konunnar við skólann myndu valda skaða fyrir starfsemi hans með vísan til öryggis nemenda ekki verið studd neinum frekari rökum eða gögnum. Samkvæmt þessu hefðu skilyrði kjarasamningsákvæðis til að víkja konunni fyrirvaralaust úr starfi án undanfarandi áminningar ekki verið uppfyllt og ákvörðun Dalvíkubyggðar því ólögmæt. Dalvíkurbyggð var dæmd til þess að greiða konunni níu milljónir króna í skaðabætur og 1,8 milljónir króna í miskabætur. Þá var Dalvíkurbyggð gert að greiða konunni 3,6 milljónir króna í málskostnað á öllum dómstigum.
Dómsmál Dalvíkurbyggð Grunnskólar Skóla - og menntamál Ofbeldi gegn börnum Mest lesið Fjöldi fórnarlamba eftir skothríð og íkveikju í kirkju mormóna Erlent Skora á Snorra að gefa kost á sér Innlent Árásir stóðu yfir í rúma tólf tíma Erlent Bíll valt eftir flótta undan lögreglu og þrír slösuðust Innlent Banna dróna yfir Danmörku Erlent Með bílinn fullan af fíkniefnum Innlent Lögreglan með málið til rannsóknar Innlent Rándýr og stórbrotin afmæli hitta ekki í mark hjá krökkunum Innlent Rak frá Bretlandi til Íslands á einum mánuði Innlent Segist hafa hafnað boði til einkaeyju Epsteins Erlent Fleiri fréttir Umfangsmiklar árásir og símengað neysluvatn Báturinn áður sokkið í sömu höfn og án skýringar Drukkinn ökumaður keyrði á þrjá bíla og reyndi að stinga af Um 200 nemendur eru í lögreglunámi á Akureyri Skora á Snorra að gefa kost á sér Bíll valt eftir flótta undan lögreglu og þrír slösuðust Reiknað með afskiptum af öllum samkomum Vítisengla Lögreglan með málið til rannsóknar Áframhaldandi aðgerðir gegn Vítisenglum Geirfinnsmálið, orkuöflun, gjaldeyrishöftin og íslenskan á Sprengisandi Drógu aflvana bát í land í Neskaupstað Með bílinn fullan af fíkniefnum „Það verður boðið fram í nafni VG“ Loka aftur fyrir umferð á slóðum Vítisengla „Þjóðaröryggisráð er ekki upp á punt“ Rak frá Bretlandi til Íslands á einum mánuði Bátur sekkur við Hafnarfjarðarhöfn Ellilífeyrisþegar sá hópur sem hafi það einna best Rándýr og stórbrotin afmæli hitta ekki í mark hjá krökkunum Þór sækist eftir endurkjöri Furðar sig á þjóðaröryggisráði og rándýr barnaafmæli Aftur flagnar Vesturbæjarlaug: „Eins og hún sé með skallablett“ Þyrlan kölluð út vegna vélsleðaslyss á Langjökli „Gervigreind er líka fyrir heimilið“ Hringvegurinn opnaður á ný klukkan 17 Snæfellsnes orðið að vistvangi UNESCO „Stór húsnæðis- og efnahagspakki“ á leiðinni Afplána líklegast í fjögur til fimm ár á Litla Hrauni Þungir dómar ekki óvæntir og fyrsti vistvangur landsins Ferðamaður réðst á leiðsögukonu: „Ísland hefur brugðist mér“ Sjá meira