Skýrsla eftir tap í Aachen: Svei þér Hendrich! Aron Guðmundsson skrifar 9. apríl 2024 21:32 Diljá Ýr Zomers í baráttunni fyrir íslenska liðið í leik kvöldsins Vísir/Getty Íslenska kvennalandsliðið í fótbolta mátti sætta sig við 3-1 tap gegn Þýskalandi á útivelli í undankeppni EM 2025 í kvöld. Aðstæðurnar í Aachen í kvöld voru á þann veg að maður taldi góðar líkur á góðum úrslitum fyrir Ísland. Veðurfarslega voru aðstæður frábærar og inn á leikvanginum var stemningin meðal þýskra áhorfenda á þá leið að hún getur ekki hafa valdið sviðsskrekk hjá okkar konum. Samt sem áður, þrátt fyrir allt þetta, byrjað leikurinn á versta veg fyrir okkar konur. Lea Schuller, liðsfélagi Glódísar Perlu hjá Bayern Munchen var ein á auðum sjó innan vítateigs Íslands og var boðið upp á frítt færi til þess að koma Þýskalandi yfir. Hún þakkaði pent fyrir það færi og gerði akkúrat það. Atburðarás þvert á það sem maður hafði heyrt frá íslensku leikmönnunum í aðdraganda leiksins um það sem ætti að gerast. Var allt að fara stefna á versta veg? Í staðinn fyrir að láta þessar miður góðu vendingar slá sig út af laginu, spyrntu stelpurnar okkar sér frá botninum. Ógnin sem felst í löngu innköstum Sveindísar Jane. Sú ógn er raunveruleg dömur mínar og herrar. Það í bland við styrk Glódísar Perlu innan teigs til þess að fleyta boltanum áfram lengra inn á hættusvæði. Eitthvað var að lokum undan að láta. Íslenska liðið fékk tvö dauðafæri til þess að jafna leikinn. Fyrst Ingibjörg Sigurðar svo Hildur Antons en inn vildi boltinn ekki. Er þetta einn af þessum dögum þar sem ekkert gengur upp? Nei sagði Hlín Eiríksdóttir sem var eina breytingin á liði Íslands milli leikja hjá Þorsteini landsliðsþjálfara. Hlín hafði verið ógnandi eftir mark Þýskalands og áræðni hennar skilaði sér í jöfnunarmarki Íslands. Loksins! Skömmu eftir íslenska markið urðum við þó fyrir áfalli. Kathrin Hendrich, liðsfélagi Sveindísar Jane, fór í glórulausa tæklingu. Viljandi tæklingu því Sveindís var á leið í afar ákjósanlega stöðu einn á einn! Sveindís féll við og útlitið var strax slæmt. Hún hélt um öxl sína, gerði tilraun til þess að halda leik áfram en sársaukinn var það mikill að hún þurfti að víkja af velli og fór beinustu leið upp á sjúkrahús í myndatöku. Svei þér Hendrich. Maður myndi vilja vera fluga á vegg þegar hún snýr aftur til síns félagsliðs. Forráðamenn Wolfsburg væntanlega ekki ánægðir með framgöngu Hendrich og mætti líkja þessu við að kýla sjálfan sig af fullum þunga í andlitið. Þjóðverjarnir gengu á lagið eftir brotthvarf Sveindísar því skiljanlega hafði það sín áhrif á leikskipulag og sóknarupplegg Íslands. Þýska liðið kom sér aftur yfir. Aftur var það Lea Schuller sem skoraði. Sóknarþungi Þjóðverja var gífurlegur og á versta mögulega tímanum, nokkrum sekúndum fyrir lok fyrri hálfleiks, bætti Lena Oberdorf við þriðja marki liðsins. Úr því sem komið var náði íslenska liðið að halda sjó í seinni hálfleik án þess að skaðinn yrði meiri. Lokatölur 3-1 sigur Þjóðverja sem tylla sér á topp riðilsins. Fyrsti landsleikjaglugginn í undankeppninni endar með einum sigri og einu tapi fyrir Ísland og er liðið með jafnmörg stig og Austurríki í öðru og þriðja sæti. Framundan, í næsta verkefni, eru tveir leikir gegn Austurríki. Leikir sem óhætt er að kalla úrslitaleiki því fjögur til sex stig úr þeim leikjum gætu gert gæfumuninn og jafnvel tryggt EM sæti. Heilt yfir má finna marga jákvæða punkta í leik Íslands í nýafstöðnu verkefni. Nú er að þjappa sér saman og koma af krafti inn í næstu leiki. Landslið kvenna í fótbolta EM í Sviss 2025 Mest lesið Arnar Guðjónsson tekur við Stólunum Körfubolti Robertson vildi ekki ræða Liverpool Fótbolti Reiddist Guðjóni og hætti í landsliðinu: „Þér er ekki fyrirgefið fyrir svona“ Fótbolti Leyndu því að yfir hundrað íþróttamenn höfðu fallið á lyfjaprófi Sport Hlakkar til að mæta syni Eiðs Smára Fótbolti Arnar sá Souness slást við leikmenn sína: „Voru allir skíthræddir við hann“ Fótbolti Rekinn frá Tottenham Enski boltinn „Menn eru búnir að læra“ Fótbolti Sara Björk sá vel um sínar og Ísland mætir Norður-Írlandi í umspili Fótbolti Þarf að velja á milli Ólympíuleika og Onlyfans Sport Fleiri fréttir Albert gaf orðrómi um Everton undir fótinn Rekinn frá Tottenham Caroline kveður Þrótt og heldur heim til Bandaríkjanna Robertson um Íslendinga: „Augljóslega ósáttir eins og við“ Sjáðu fimm flottustu mörk maímánaðar Arnar sá Souness slást við leikmenn sína: „Voru allir skíthræddir við hann“ Sara Björk sá vel um sínar og Ísland mætir Norður-Írlandi í umspili Í bann fyrir að hylja skilaboð gegn hommafælni „Menn eru búnir að læra“ Robertson vildi ekki ræða Liverpool Hlakkar til að mæta syni Eiðs Smára Földu sig inn á klósetti í 27 klukkutíma og sáu úrslitaleikinn fritt „Spenntur að spila á móti svona stórum gæjum“ Úsbekistan á HM í fótbolta í fyrsta sinn Undrabarnið í aðalhlutverki í sýningu Spánverja Segir nýja Brassann hjá Chelsea geta orðið eins góður og Lamine Yamal Gerðu markalaust jafntefli við Brasilíumenn Dómari í enska boltanum segist hata VAR Undrabarnið nú verðmætasti knattspyrnumaður heims Liverpool byrjar undirbúningstímabilið á móti Stefáni Teiti Hættur eftir að hafa spilað með 42 liðum Kerkez spilar ekki með Ungverjum: Sagður á leið til Liverpool að skrifa undir Allt snýst um McTominay í Skotlandi: „Reif Serie A í sig“ Reiddist Guðjóni og hætti í landsliðinu: „Þér er ekki fyrirgefið fyrir svona“ Forseti Como leyfir Inter ekki að tala við Fàbregas Jóhann Berg meiddist á Hampden Park Leikur Íslands og Brasilíu ekki í beinni á Stöð 2 Sport Liverpool hafnaði tilboði Barcelona Sonur Bruno Fernandes mætti á æfingu hjá FH Sjáðu Ronaldo skjóta Portúgal áfram í úrslitaleikinn Sjá meira
Samt sem áður, þrátt fyrir allt þetta, byrjað leikurinn á versta veg fyrir okkar konur. Lea Schuller, liðsfélagi Glódísar Perlu hjá Bayern Munchen var ein á auðum sjó innan vítateigs Íslands og var boðið upp á frítt færi til þess að koma Þýskalandi yfir. Hún þakkaði pent fyrir það færi og gerði akkúrat það. Atburðarás þvert á það sem maður hafði heyrt frá íslensku leikmönnunum í aðdraganda leiksins um það sem ætti að gerast. Var allt að fara stefna á versta veg? Í staðinn fyrir að láta þessar miður góðu vendingar slá sig út af laginu, spyrntu stelpurnar okkar sér frá botninum. Ógnin sem felst í löngu innköstum Sveindísar Jane. Sú ógn er raunveruleg dömur mínar og herrar. Það í bland við styrk Glódísar Perlu innan teigs til þess að fleyta boltanum áfram lengra inn á hættusvæði. Eitthvað var að lokum undan að láta. Íslenska liðið fékk tvö dauðafæri til þess að jafna leikinn. Fyrst Ingibjörg Sigurðar svo Hildur Antons en inn vildi boltinn ekki. Er þetta einn af þessum dögum þar sem ekkert gengur upp? Nei sagði Hlín Eiríksdóttir sem var eina breytingin á liði Íslands milli leikja hjá Þorsteini landsliðsþjálfara. Hlín hafði verið ógnandi eftir mark Þýskalands og áræðni hennar skilaði sér í jöfnunarmarki Íslands. Loksins! Skömmu eftir íslenska markið urðum við þó fyrir áfalli. Kathrin Hendrich, liðsfélagi Sveindísar Jane, fór í glórulausa tæklingu. Viljandi tæklingu því Sveindís var á leið í afar ákjósanlega stöðu einn á einn! Sveindís féll við og útlitið var strax slæmt. Hún hélt um öxl sína, gerði tilraun til þess að halda leik áfram en sársaukinn var það mikill að hún þurfti að víkja af velli og fór beinustu leið upp á sjúkrahús í myndatöku. Svei þér Hendrich. Maður myndi vilja vera fluga á vegg þegar hún snýr aftur til síns félagsliðs. Forráðamenn Wolfsburg væntanlega ekki ánægðir með framgöngu Hendrich og mætti líkja þessu við að kýla sjálfan sig af fullum þunga í andlitið. Þjóðverjarnir gengu á lagið eftir brotthvarf Sveindísar því skiljanlega hafði það sín áhrif á leikskipulag og sóknarupplegg Íslands. Þýska liðið kom sér aftur yfir. Aftur var það Lea Schuller sem skoraði. Sóknarþungi Þjóðverja var gífurlegur og á versta mögulega tímanum, nokkrum sekúndum fyrir lok fyrri hálfleiks, bætti Lena Oberdorf við þriðja marki liðsins. Úr því sem komið var náði íslenska liðið að halda sjó í seinni hálfleik án þess að skaðinn yrði meiri. Lokatölur 3-1 sigur Þjóðverja sem tylla sér á topp riðilsins. Fyrsti landsleikjaglugginn í undankeppninni endar með einum sigri og einu tapi fyrir Ísland og er liðið með jafnmörg stig og Austurríki í öðru og þriðja sæti. Framundan, í næsta verkefni, eru tveir leikir gegn Austurríki. Leikir sem óhætt er að kalla úrslitaleiki því fjögur til sex stig úr þeim leikjum gætu gert gæfumuninn og jafnvel tryggt EM sæti. Heilt yfir má finna marga jákvæða punkta í leik Íslands í nýafstöðnu verkefni. Nú er að þjappa sér saman og koma af krafti inn í næstu leiki.
Landslið kvenna í fótbolta EM í Sviss 2025 Mest lesið Arnar Guðjónsson tekur við Stólunum Körfubolti Robertson vildi ekki ræða Liverpool Fótbolti Reiddist Guðjóni og hætti í landsliðinu: „Þér er ekki fyrirgefið fyrir svona“ Fótbolti Leyndu því að yfir hundrað íþróttamenn höfðu fallið á lyfjaprófi Sport Hlakkar til að mæta syni Eiðs Smára Fótbolti Arnar sá Souness slást við leikmenn sína: „Voru allir skíthræddir við hann“ Fótbolti Rekinn frá Tottenham Enski boltinn „Menn eru búnir að læra“ Fótbolti Sara Björk sá vel um sínar og Ísland mætir Norður-Írlandi í umspili Fótbolti Þarf að velja á milli Ólympíuleika og Onlyfans Sport Fleiri fréttir Albert gaf orðrómi um Everton undir fótinn Rekinn frá Tottenham Caroline kveður Þrótt og heldur heim til Bandaríkjanna Robertson um Íslendinga: „Augljóslega ósáttir eins og við“ Sjáðu fimm flottustu mörk maímánaðar Arnar sá Souness slást við leikmenn sína: „Voru allir skíthræddir við hann“ Sara Björk sá vel um sínar og Ísland mætir Norður-Írlandi í umspili Í bann fyrir að hylja skilaboð gegn hommafælni „Menn eru búnir að læra“ Robertson vildi ekki ræða Liverpool Hlakkar til að mæta syni Eiðs Smára Földu sig inn á klósetti í 27 klukkutíma og sáu úrslitaleikinn fritt „Spenntur að spila á móti svona stórum gæjum“ Úsbekistan á HM í fótbolta í fyrsta sinn Undrabarnið í aðalhlutverki í sýningu Spánverja Segir nýja Brassann hjá Chelsea geta orðið eins góður og Lamine Yamal Gerðu markalaust jafntefli við Brasilíumenn Dómari í enska boltanum segist hata VAR Undrabarnið nú verðmætasti knattspyrnumaður heims Liverpool byrjar undirbúningstímabilið á móti Stefáni Teiti Hættur eftir að hafa spilað með 42 liðum Kerkez spilar ekki með Ungverjum: Sagður á leið til Liverpool að skrifa undir Allt snýst um McTominay í Skotlandi: „Reif Serie A í sig“ Reiddist Guðjóni og hætti í landsliðinu: „Þér er ekki fyrirgefið fyrir svona“ Forseti Como leyfir Inter ekki að tala við Fàbregas Jóhann Berg meiddist á Hampden Park Leikur Íslands og Brasilíu ekki í beinni á Stöð 2 Sport Liverpool hafnaði tilboði Barcelona Sonur Bruno Fernandes mætti á æfingu hjá FH Sjáðu Ronaldo skjóta Portúgal áfram í úrslitaleikinn Sjá meira