Edwards er mikill skemmtikraftur inn á vellinum og ekki er hann síður skemmtilegur utan hans. Hann lék á alls oddi eftir leikinn sem Minnesota Timberwolves vann.
Troðslan leit dagsins ljós í þriðja leikhluta en Edwards var í miklu stuði í seinni hálfleiknum þar sem hann skoraði 25 af 32 stigum sínum.
ANTHONY EDWARDS ELEVATES FOR THE EMPHATIC POSTER
— NBA (@NBA) March 19, 2024
Timberwolves-Jazz | Live on the NBA App
https://t.co/giqnSGLWqt pic.twitter.com/CcSJsLs2sk
„Ég hélt að ég myndi klikka af því að ég var svo langt frá körfunni en guð kom mér til aðstoðar og ég náði í körfuna,“ sagði Anthony Edwards.
Hann talaði um aðdáun sína á Vince Carter eftir leikinn.
„Ég fæ gæsahúð að hugsa um þetta því ég ætlaði mér alltaf að troða yfir einhvern svona,“ sagði Edwards.
Collins og Edwards meiddist báðir. Putti á Edwards fór úr lið eftir að hann lenti á kinnbeini Collins. Edwards hljóp inn í klefa lét teipa fingurinn og kom síðan aftur inn í leikinn.
Collins spilaði ekki meira í leiknum.
Hér fyrir neðan má sjá Edwards horfa aftur á körfuna í viðtali eftir leikinn.
Not even Anthony Edwards can believe what he did to John Collins tonight
— Barstool Sports (@barstoolsports) March 19, 2024
pic.twitter.com/RXgjEofYMB