Spyr hvort aka þurfi á barn svo eitthvað verði gert Jón Ísak Ragnarsson skrifar 12. mars 2024 07:01 Móavegur bakdyrameginn. Stutt og greiðfært er til þungrar umferðaræðar, Borgarvegs. Vísir/Vilhelm Nanna Hólm býr í Grafarvoginum á Móavegi 4 á jarðhæð. Þung umferð er við blokkina og öryggisráðstafanir fyrir gangandi vegfarendur eru litlar sem engar. Umferðin er ekki girt af og bílar keyra þar oft vel yfir löglegum hámarkshraða segir Nanna. Sömuleiðis þjóti rafskútur um svæðið á ógnarhraða. Nanna spyr hvort bíða þurfi eftir því að barn verði fyrir bíl svo eitthvað verði gert. Blokk á miðri umferðareyju Á Móavegi 2-12 eru 155 íbúðir í sex blokkum á vegum Bjargs íbúðafélags, húsnæðissjálfseignarstofnunar sem rekin er án hagnaðarsjónarmiða. Blokkirnar eru nýlega byggðar, síðustu íbúðirnar voru fullkláraðar og afhentar 17. janúar 2020. Blokkirnar standa á miðri umferðareyju við Spöngina. Umferðargötur eru alltumlykjandi en aðalumferðaræð Grafarvogs, Borgarvegur, er sunnan megin við blokkirnar. Þar er 50 km hámarkshraði. Blokkirnar við standa milli Móavegs og Borgarvegs.VÍSIR Blokkirnar standa við hlið Spangarinnar, helsta verslunarkjarna hverfisins, og því fylgi mikil umferð. Þar sé Borgarholtsskóli einnig til húsa sem veldur mikilli umferð unglinga um svæðið. Þeir æða um svæðið á vespum og rafskútum á ógnarhraða segir Nanna. Engar öryggisráðstafanir Nanna Hólm býr sem fyrr segir á Móavegi 4 á jarðhæð með tvö ung börn. Hún segir öryggisráðstafanir vegna þungrar umferðar í kringum blokkina vera svo gott sem engar. Í blokkunum búi margt ungt fólk með börn og milli blokkanna sé meira að segja leiksvæði sem ekki er girt af. Hún vakti athygli á þessu í færslu á Facebook í gær. Blokkirnar standi við Borgarveg, mikla umferðaræð í Grafarvogi þar sem hámarkshraði er 50 km á klst. Mjög stutt sé út á götuna frá bakgarðinum. Annars staðar í kring sé 30 km hámarkshraði, en Nanna segir að þar sé jafnvel enn meiri hætta því enginn virði hámarkshraðann þar. Hún segir fráleitt að svæðið sé ekki girt mun betur af en raun ber vitni. Hún vilji að minnsta kosti girða Borgarveginn af, en neðstu hæðir blokkanna snúa beint að honum. Nú séu einungis lágvaxnir runnar sem standa í vegi fyrir trítlandi börnum. Lítið mál sé fyrir þau að komast framhjá þeim. Hún segir að girðing sé við blokk 12 sem er næst strætóstoppistöðinni, en hún nái ekki nógu langt. Hún ætti hiklaust að ná yfir allt svæðið. Móavegur 12.VÍSIR/VILHELM Hún nefnir einnig að göng séu á milli blokka númer 2, 6, og 10 og þar með séu margir vegir færir fyrir börn sem vilja hlaupa út á götu. Þung umferð sé í allar áttir og allir vegir færir fyrir forvitin börn. Einnig sé leiksvæði á svæðinu sem henni finnst að ætti að girða af. Of stutt leið sé frá rennibrautum og gleði yfir í bílaumferð. Leiksvæðið í portinu. Stutt er í bílaumferð í allar áttir.VÍSIR/VILHELM Treysti sér ekki á leiksvæðið þegar hún var ólétt Nanna skrifaði færsluna á Facebook í kjölfar þess að hún missti sjónar í skamma stund á eins og hálfs árs gamalli dóttur sinni. Hún hafi valsað burt og Nönnu hafi brugðið verulega í brún því að óafgirtar umferðargötur eru í allar áttir. Hún hafi svo fundið dóttur sína trítlandi við Borgarveginn í átt að strætó. Sem betur fer hafi verið gott skyggni um miðjan dag og akandi bílar hafi séð hana og hægt á sér. Hún segir að þetta hefði hæglega getað farið verr. Hér sést Nanna ásamt börnum sínum tveimur, þeim Kristbirni Einari 3,5 árs og Filippu Katrínu 1,5 árs í bakgarði íbúðarinnar. Mjög stutt er út á þunga umferðargötu. Margrét Einarsdóttir móðir Nönnu, stendur yfir þeim.Aðsend Þegar Nanna var ólétt af dóttur sinni treysti hún sér ekki til að fara með strákinn sinn, sem þá var rúmlega eins árs á leiksvæði blokkarinnar. Leiksvæðið er ekki girt af og hefði strákurinn tekið upp á því að vappa í átt að götunni hefði hún ekki endilega náð að stöðva hann. Reykjavík vildi ekki girðingu Nanna segist hafa haft samband við Bjarg fyrir meira en ári síðan og gert athugasemdir. Bjarg hafi bent á Reykjavíkurborg og sagt að það væri þeirra að girða svæðið, og borgin hafi ekki viljað það. Ekkert meira hafi heyrst um þetta. Girðingin nær því ennþá bara frá strætóstoppistöðinni að blokk númer 12, en hinar blokkirnar þurfi að sætta sig við lágreista runna. Reykjavík Umferðaröryggi Mest lesið Ráðist á rútubílstjóra og vegfarendur yfirbuguðu árásarmanninn Innlent Formaður og gjaldkeri Vorstjörnunnar kærð fyrir efnahagsbrot Innlent Hættu leit eftir þrjá tíma að þeim sem féll útbyrðis úr Norrænu Erlent Mikil reiði á Þingeyri vegna flutnings fóðurstöðvar Arctic Fish Innlent Árásarmaðurinn ölvaður Íslendingur Innlent Íranir geti aftur byrjað að auðga úran eftir nokkra mánuði Erlent Ný kirkjuhandbók og kaldar kveðjur til ferðaþjónustunnar Innlent „Langflestir Grindvíkingar búa utan Grindavíkurbæjar“ Innlent Metþátttaka í ólöglegri göngu: „Það er mikill hugur í fólki“ Erlent „Ég vorkenni því fólki sem lét narra sig í þessa vegferð“ Innlent Fleiri fréttir Árásarmaðurinn ölvaður Íslendingur Ný kirkjuhandbók og kaldar kveðjur til ferðaþjónustunnar Ráðist á rútubílstjóra og vegfarendur yfirbuguðu árásarmanninn „Langflestir Grindvíkingar búa utan Grindavíkurbæjar“ Formaður og gjaldkeri Vorstjörnunnar kærð fyrir efnahagsbrot Mikil reiði á Þingeyri vegna flutnings fóðurstöðvar Arctic Fish Ráðherra vill tryggja betra eftirlit með Sjúkratryggingum Íslands Segir tölurnar sláandi og vill bregðast við „Ég vorkenni því fólki sem lét narra sig í þessa vegferð“ Sósíalistar deila um peninga og metþátttaka í ólöglegri baráttugöngu Kostnaður vegna kynja- og jafnréttismála sextán milljónir Svifvængjaflugslys við Reynisfjall Handtóku ökumann eftir eftirför á Sæbraut Vonar að Rauði krossinn endurskoði afstöðu sína Segir ásakanir kjaftæði og íhugar meiðyrðamál „Þurfum að huga að forvörnum“ Átök í Sósíalistaflokknum, þinglokaviðræður og síðasti dagur Litlu kaffistofunnar Veiðigjöld ekki á dagskrá þingfundar í dag Gripinn við innbrot og bíl ekið inn í búð Greindi þátt almennings og fjölmiðla í máli „strokufangans“ Mikill viðbúnaður vegna eftirfarar á Sæbraut Sagður hafa tæmt sjóði flokksins og rekur nýja stjórn úr húsnæðinu Halla forseti blandar sér í götuljósaumræðuna Reiða fram rúma milljón fyrir Jakub Tilraun langtímakjarasamninga hafi mistekist Málið rannsakað sem tilraun til manndráps Telja Múmínlundinn klárt brot á höfundarétti Glænýr leikskóli í Mosfellsbæ heitir Sumarhús Verðbólguvonbrigði, hraðakstur og kokkur með keppnisskap Málið týndist í kerfinu og reyndist á endanum fyrnt Sjá meira
Blokk á miðri umferðareyju Á Móavegi 2-12 eru 155 íbúðir í sex blokkum á vegum Bjargs íbúðafélags, húsnæðissjálfseignarstofnunar sem rekin er án hagnaðarsjónarmiða. Blokkirnar eru nýlega byggðar, síðustu íbúðirnar voru fullkláraðar og afhentar 17. janúar 2020. Blokkirnar standa á miðri umferðareyju við Spöngina. Umferðargötur eru alltumlykjandi en aðalumferðaræð Grafarvogs, Borgarvegur, er sunnan megin við blokkirnar. Þar er 50 km hámarkshraði. Blokkirnar við standa milli Móavegs og Borgarvegs.VÍSIR Blokkirnar standa við hlið Spangarinnar, helsta verslunarkjarna hverfisins, og því fylgi mikil umferð. Þar sé Borgarholtsskóli einnig til húsa sem veldur mikilli umferð unglinga um svæðið. Þeir æða um svæðið á vespum og rafskútum á ógnarhraða segir Nanna. Engar öryggisráðstafanir Nanna Hólm býr sem fyrr segir á Móavegi 4 á jarðhæð með tvö ung börn. Hún segir öryggisráðstafanir vegna þungrar umferðar í kringum blokkina vera svo gott sem engar. Í blokkunum búi margt ungt fólk með börn og milli blokkanna sé meira að segja leiksvæði sem ekki er girt af. Hún vakti athygli á þessu í færslu á Facebook í gær. Blokkirnar standi við Borgarveg, mikla umferðaræð í Grafarvogi þar sem hámarkshraði er 50 km á klst. Mjög stutt sé út á götuna frá bakgarðinum. Annars staðar í kring sé 30 km hámarkshraði, en Nanna segir að þar sé jafnvel enn meiri hætta því enginn virði hámarkshraðann þar. Hún segir fráleitt að svæðið sé ekki girt mun betur af en raun ber vitni. Hún vilji að minnsta kosti girða Borgarveginn af, en neðstu hæðir blokkanna snúa beint að honum. Nú séu einungis lágvaxnir runnar sem standa í vegi fyrir trítlandi börnum. Lítið mál sé fyrir þau að komast framhjá þeim. Hún segir að girðing sé við blokk 12 sem er næst strætóstoppistöðinni, en hún nái ekki nógu langt. Hún ætti hiklaust að ná yfir allt svæðið. Móavegur 12.VÍSIR/VILHELM Hún nefnir einnig að göng séu á milli blokka númer 2, 6, og 10 og þar með séu margir vegir færir fyrir börn sem vilja hlaupa út á götu. Þung umferð sé í allar áttir og allir vegir færir fyrir forvitin börn. Einnig sé leiksvæði á svæðinu sem henni finnst að ætti að girða af. Of stutt leið sé frá rennibrautum og gleði yfir í bílaumferð. Leiksvæðið í portinu. Stutt er í bílaumferð í allar áttir.VÍSIR/VILHELM Treysti sér ekki á leiksvæðið þegar hún var ólétt Nanna skrifaði færsluna á Facebook í kjölfar þess að hún missti sjónar í skamma stund á eins og hálfs árs gamalli dóttur sinni. Hún hafi valsað burt og Nönnu hafi brugðið verulega í brún því að óafgirtar umferðargötur eru í allar áttir. Hún hafi svo fundið dóttur sína trítlandi við Borgarveginn í átt að strætó. Sem betur fer hafi verið gott skyggni um miðjan dag og akandi bílar hafi séð hana og hægt á sér. Hún segir að þetta hefði hæglega getað farið verr. Hér sést Nanna ásamt börnum sínum tveimur, þeim Kristbirni Einari 3,5 árs og Filippu Katrínu 1,5 árs í bakgarði íbúðarinnar. Mjög stutt er út á þunga umferðargötu. Margrét Einarsdóttir móðir Nönnu, stendur yfir þeim.Aðsend Þegar Nanna var ólétt af dóttur sinni treysti hún sér ekki til að fara með strákinn sinn, sem þá var rúmlega eins árs á leiksvæði blokkarinnar. Leiksvæðið er ekki girt af og hefði strákurinn tekið upp á því að vappa í átt að götunni hefði hún ekki endilega náð að stöðva hann. Reykjavík vildi ekki girðingu Nanna segist hafa haft samband við Bjarg fyrir meira en ári síðan og gert athugasemdir. Bjarg hafi bent á Reykjavíkurborg og sagt að það væri þeirra að girða svæðið, og borgin hafi ekki viljað það. Ekkert meira hafi heyrst um þetta. Girðingin nær því ennþá bara frá strætóstoppistöðinni að blokk númer 12, en hinar blokkirnar þurfi að sætta sig við lágreista runna.
Reykjavík Umferðaröryggi Mest lesið Ráðist á rútubílstjóra og vegfarendur yfirbuguðu árásarmanninn Innlent Formaður og gjaldkeri Vorstjörnunnar kærð fyrir efnahagsbrot Innlent Hættu leit eftir þrjá tíma að þeim sem féll útbyrðis úr Norrænu Erlent Mikil reiði á Þingeyri vegna flutnings fóðurstöðvar Arctic Fish Innlent Árásarmaðurinn ölvaður Íslendingur Innlent Íranir geti aftur byrjað að auðga úran eftir nokkra mánuði Erlent Ný kirkjuhandbók og kaldar kveðjur til ferðaþjónustunnar Innlent „Langflestir Grindvíkingar búa utan Grindavíkurbæjar“ Innlent Metþátttaka í ólöglegri göngu: „Það er mikill hugur í fólki“ Erlent „Ég vorkenni því fólki sem lét narra sig í þessa vegferð“ Innlent Fleiri fréttir Árásarmaðurinn ölvaður Íslendingur Ný kirkjuhandbók og kaldar kveðjur til ferðaþjónustunnar Ráðist á rútubílstjóra og vegfarendur yfirbuguðu árásarmanninn „Langflestir Grindvíkingar búa utan Grindavíkurbæjar“ Formaður og gjaldkeri Vorstjörnunnar kærð fyrir efnahagsbrot Mikil reiði á Þingeyri vegna flutnings fóðurstöðvar Arctic Fish Ráðherra vill tryggja betra eftirlit með Sjúkratryggingum Íslands Segir tölurnar sláandi og vill bregðast við „Ég vorkenni því fólki sem lét narra sig í þessa vegferð“ Sósíalistar deila um peninga og metþátttaka í ólöglegri baráttugöngu Kostnaður vegna kynja- og jafnréttismála sextán milljónir Svifvængjaflugslys við Reynisfjall Handtóku ökumann eftir eftirför á Sæbraut Vonar að Rauði krossinn endurskoði afstöðu sína Segir ásakanir kjaftæði og íhugar meiðyrðamál „Þurfum að huga að forvörnum“ Átök í Sósíalistaflokknum, þinglokaviðræður og síðasti dagur Litlu kaffistofunnar Veiðigjöld ekki á dagskrá þingfundar í dag Gripinn við innbrot og bíl ekið inn í búð Greindi þátt almennings og fjölmiðla í máli „strokufangans“ Mikill viðbúnaður vegna eftirfarar á Sæbraut Sagður hafa tæmt sjóði flokksins og rekur nýja stjórn úr húsnæðinu Halla forseti blandar sér í götuljósaumræðuna Reiða fram rúma milljón fyrir Jakub Tilraun langtímakjarasamninga hafi mistekist Málið rannsakað sem tilraun til manndráps Telja Múmínlundinn klárt brot á höfundarétti Glænýr leikskóli í Mosfellsbæ heitir Sumarhús Verðbólguvonbrigði, hraðakstur og kokkur með keppnisskap Málið týndist í kerfinu og reyndist á endanum fyrnt Sjá meira