Fengu grænt ljós á flutning 72 dvalarleyfishafa frá Gasa Atli Ísleifsson skrifar 5. mars 2024 08:39 Bjarni Benediktsson utanríkisráðherra ræddi við utanríkisráðherra Ísraels á dögunum til að greiða fyrir afgreiðslu málsins. Vísir/Einar Sjötíu og tveir einstaklingar frá Gasa, sem eru með dvalarleyfi á Íslandi á grundvelli fjölskyldusameiningar, komu til Kaíró í Egyptalandi seint í gærkvöldi og halda í kjölfarið til Íslands. Þetta gerist eftir að ísraelsk stjórnvöld afgreiddu fyrirliggjandi nafnalista íslenskra stjórnvalda um helgina. Þetta kemur fram á vef utanríkisráðuneytisins. Þar segir að Bjarni Benediktsson utanríkisráðherra hafi átt símafund með Israel Katz, utanríkisráðherra Ísraels, síðastliðinn þriðjudag til að greiða fyrir afgreiðslu málsins. „Sendinefnd utanríkisráðuneytisins hefur undanfarnar vikur unnið að því að greiða fyrir för fólksins og átt í virkum samskiptum við fulltrúa egypskra og ísraelskra stjórnvalda auk fulltrúa annarra ríkja á svæðinu. Sú vinna hefur nú borið tilætlaðan árangur. Í þessum samskiptum kom fram að listi Íslands væri einstakur þar sem þar eru einungis dvalarleyfishafar, en engir íslenskir ríkisborgarar. Önnur ríki hafa þannig í mestum mæli veitt eigin ríkisborgurum og fjölskyldum þeirra liðsinni í þessum efnum. Framgangur málsins hefur því verið háður afgreiðsluhraða og afstöðu stjórnvalda á svæðinu, en sendinefnd Íslands getur aðeins starfað eftir þeim löglegu diplómatísku ferlum sem ísraelsk og egypsk stjórnvöld hafa sett um framkvæmd slíkra mála. Þegar einstaklingar fá dvalarleyfi á grundvelli fjölskyldusameiningar er það á þeirra ábyrgð að komast til Íslands fyrir eigin rammleik. Engin almenn skylda hvílir þannig á íslenskum stjórnvöldum til að greiða för þeirra. Í ljósi þeirra einstöku aðstæðna sem uppi eru á svæðinu var þó ákveðið að leggja í sérstakt verkefni hvað þetta varðar,“ segir í tilkynningunni frá utanríkisráðuneytinu. Taka vel á móti þessum einstaklingum Haft er eftir Bjarna að íslensk stjórnvöld muni nú leggja sig fram við að taka vel á móti þessum einstaklingum, sem hafi lifað hörmungar að undanförnu. „Heildarsýn stjórnvalda í útlendingamálum var kynnt nýlega, en þær breytingar skipta ekki síst máli til að tryggja að þessi fordæmalausa aðgerð skapi ekki umframþrýsting á íslensk kerfi,“ segir Bjarni. Guðmundur Ingi Guðbrandsson félags- og vinnumarkaðsráðherra.Vísir/Vilhelm Í samvinnu við sveitarfélög þar sem fjölskyldur búi Á vef félags- og vinnumarkaðsráðuneytisins segir að undirbúningur fyrir komu þessa hóps hafi staðið yfir síðustu misseri. Vinnumálastofnun vinni að móttöku fólksins hér á landi í samráði við þau sveitarfélög þar sem fjölskylda þeirra hér á landi búi. Flestir dvalarleyfishafar frá Gaza gangi inn í svokallaða samræmda móttöku flóttafólks í því sveitarfélagi þar sem fjölskyldumeðlimir þeirra hér á landi eigi heima. „Félags- og vinnumarkaðsráðuneytið er með samning við Alþjóðlegu fólksflutningastofnunina, IOM, og hefur Vinnumálastofnun undanfarnar vikur og mánuði átt í samskiptum við IOM vegna fólksins. Vinnumálastofnun hefur óskað eftir því að IOM muni flytja fólkið til Íslands og er nú unnið að skipulagningu þess verkefnis. IOM veitir fólkinu einnig aðstoð í Kaíró og felst aðstoðin meðal annars í heilsufarsskoðun og gistingu fram að ferðalaginu til Íslands,“ segir í tilkynningunni. Fagnar því að fólkið sé á leið til landsins Þá er haft eftir Guðmundi Inga Guðbrandssyni, félags- og vinnumarkaðsráðherra, að margt fólk hafi lagt á sig ómælda vinnu við að koma dvalarleysishöfum í öruggt skjól á Íslandi og eigi miklar þakkir skildar. „Ég fagna því innilega að fólkið sé nú á leið til landsins og sameinist hér fjölskyldum sínum.“ Þá segist ráðherrann hafa fundað með fulltrúum IOM þar sem við til umræðu var aðkoma stofnunarinnar að þessu máli og samstarf íslenskra stjórnvalda við hana. „Ég kom á framfæri þökkum til þeirra fyrir frábært samstarf við erfiðar aðstæður,“ segir Guðmundur Ingi. Ríkisstjórn Katrínar Jakobsdóttur Átök í Ísrael og Palestínu Ísrael Palestína Utanríkismál Flóttafólk á Íslandi Tengdar fréttir Hverjir hafa verið að koma og hverjir eiga að fá að vera? Umsóknum um alþjóðlega vernd á Íslandi fjölgaði gríðarlega árin 2022 og 2023, ekki síst vegna umsókna einstaklinga frá Úkraínu og Venesúela. Ef þessi tvö ár eru tekin út fyrir sviga hafa hins vegar litlar breytingar orðið á fjölda umsókna síðustu ár. 5. mars 2024 07:17 Bjarni ræddi við Israel Katz og bíður eftir grænu ljósi Bjarni Benediktsson utanríkisráðherra ræddi við Israel Katz, utanríkisráðherra Ísraels, símleiðis síðdegis í dag. Þar óskaði Bjarni liðsinnis um afgreðislu á lista yfir dvalarleyfishafa á Gaza. Erindinu hafi verið vel tekið af hálfu ísraelska ráðherrans en þó alls óvíst hvenær grænt ljós fáist. 28. febrúar 2024 16:31 Mest lesið Þrír fluttir á bráðamóttökuna af tónleikum FM95BLÖ Innlent Kosti tugi milljóna að hirða yfirgefin húsgögn Innlent Tveir löðrungar og fall líklega ekki orsök andlátsins Innlent Sagðist ekki hafa orðið var við átök: „Ég var eins og pabbi þeirra“ Innlent „Við erum engir rasistar“ Innlent Brot á vopnalögum og líkamsárás á tónleikum Innlent Liggur þungt haldinn eftir stórfellda líkamsárás í Hlíðunum Innlent Tékknesk herþota hluti af árlegri flugsýningu Innlent Banaslysið haft áhrif á undirbúning manngerðra íshella Innlent Rigning í dag og svo von á júníhreti Veður Fleiri fréttir Brot á vopnalögum og líkamsárás á tónleikum Tveir löðrungar og fall líklega ekki orsök andlátsins Þrír fluttir á bráðamóttökuna af tónleikum FM95BLÖ Tékknesk herþota hluti af árlegri flugsýningu Kosti tugi milljóna að hirða yfirgefin húsgögn „Fallegur dagur“ fyrir útskrift Banaslysið haft áhrif á undirbúning manngerðra íshella Sagðist ekki hafa orðið var við átök: „Ég var eins og pabbi þeirra“ Gamlir Fóstbræður sungu fyrir Njál og hans fólk á Bergþórshvoli Einn fékk rúmar fimmtíu milljónir Lengri opnunartímar sundlauga taka gildi „Við erum engir rasistar“ Kolmónoxíðeitrun talin vera orsök veikinda í flugvél Hasar á tvöföldum mótmælum, flugsýning og tryllitæki í beinni Liggur þungt haldinn eftir stórfellda líkamsárás í Hlíðunum Nikótínþurfi guðsbarn braust inn í Bjarnabúð „Ef fram heldur sem horfir verður Aþena lögð niður í næstu viku“ Stimpingar milli mótmælenda á Austurvelli Sigríður svarar gagnrýni á störf lögreglunnar á Suðurnesjum Tíundi hver með ágætiseinkunn í MR Engin smithætta vegna veikinda í vélinni Segir Viðskiptablaðið og Samstöðina fara rangt með mál um Ásthildi Lóu Kökuskreytingar og þjóðdansar á „Fjör í Flóa“ í dag Tvenn mótmæli í Reykjavík og herþota á flugsýningu „Mæta á næstu Palestínumótmæli og berja þetta lið“ Missa fatamarkaðinn með flutningi Konukots í Ármúla „Glútenóþol var orðið óhreinn hattur yfir þetta allt saman“ Ók hlaupahjólinu á tré með pizzu í annarri Hefja söfnun fyrir fjölskyldu Víglundar Borðaði súrdeigsbrauð og mældist með áfengi í útblæstri Sjá meira
Þetta kemur fram á vef utanríkisráðuneytisins. Þar segir að Bjarni Benediktsson utanríkisráðherra hafi átt símafund með Israel Katz, utanríkisráðherra Ísraels, síðastliðinn þriðjudag til að greiða fyrir afgreiðslu málsins. „Sendinefnd utanríkisráðuneytisins hefur undanfarnar vikur unnið að því að greiða fyrir för fólksins og átt í virkum samskiptum við fulltrúa egypskra og ísraelskra stjórnvalda auk fulltrúa annarra ríkja á svæðinu. Sú vinna hefur nú borið tilætlaðan árangur. Í þessum samskiptum kom fram að listi Íslands væri einstakur þar sem þar eru einungis dvalarleyfishafar, en engir íslenskir ríkisborgarar. Önnur ríki hafa þannig í mestum mæli veitt eigin ríkisborgurum og fjölskyldum þeirra liðsinni í þessum efnum. Framgangur málsins hefur því verið háður afgreiðsluhraða og afstöðu stjórnvalda á svæðinu, en sendinefnd Íslands getur aðeins starfað eftir þeim löglegu diplómatísku ferlum sem ísraelsk og egypsk stjórnvöld hafa sett um framkvæmd slíkra mála. Þegar einstaklingar fá dvalarleyfi á grundvelli fjölskyldusameiningar er það á þeirra ábyrgð að komast til Íslands fyrir eigin rammleik. Engin almenn skylda hvílir þannig á íslenskum stjórnvöldum til að greiða för þeirra. Í ljósi þeirra einstöku aðstæðna sem uppi eru á svæðinu var þó ákveðið að leggja í sérstakt verkefni hvað þetta varðar,“ segir í tilkynningunni frá utanríkisráðuneytinu. Taka vel á móti þessum einstaklingum Haft er eftir Bjarna að íslensk stjórnvöld muni nú leggja sig fram við að taka vel á móti þessum einstaklingum, sem hafi lifað hörmungar að undanförnu. „Heildarsýn stjórnvalda í útlendingamálum var kynnt nýlega, en þær breytingar skipta ekki síst máli til að tryggja að þessi fordæmalausa aðgerð skapi ekki umframþrýsting á íslensk kerfi,“ segir Bjarni. Guðmundur Ingi Guðbrandsson félags- og vinnumarkaðsráðherra.Vísir/Vilhelm Í samvinnu við sveitarfélög þar sem fjölskyldur búi Á vef félags- og vinnumarkaðsráðuneytisins segir að undirbúningur fyrir komu þessa hóps hafi staðið yfir síðustu misseri. Vinnumálastofnun vinni að móttöku fólksins hér á landi í samráði við þau sveitarfélög þar sem fjölskylda þeirra hér á landi búi. Flestir dvalarleyfishafar frá Gaza gangi inn í svokallaða samræmda móttöku flóttafólks í því sveitarfélagi þar sem fjölskyldumeðlimir þeirra hér á landi eigi heima. „Félags- og vinnumarkaðsráðuneytið er með samning við Alþjóðlegu fólksflutningastofnunina, IOM, og hefur Vinnumálastofnun undanfarnar vikur og mánuði átt í samskiptum við IOM vegna fólksins. Vinnumálastofnun hefur óskað eftir því að IOM muni flytja fólkið til Íslands og er nú unnið að skipulagningu þess verkefnis. IOM veitir fólkinu einnig aðstoð í Kaíró og felst aðstoðin meðal annars í heilsufarsskoðun og gistingu fram að ferðalaginu til Íslands,“ segir í tilkynningunni. Fagnar því að fólkið sé á leið til landsins Þá er haft eftir Guðmundi Inga Guðbrandssyni, félags- og vinnumarkaðsráðherra, að margt fólk hafi lagt á sig ómælda vinnu við að koma dvalarleysishöfum í öruggt skjól á Íslandi og eigi miklar þakkir skildar. „Ég fagna því innilega að fólkið sé nú á leið til landsins og sameinist hér fjölskyldum sínum.“ Þá segist ráðherrann hafa fundað með fulltrúum IOM þar sem við til umræðu var aðkoma stofnunarinnar að þessu máli og samstarf íslenskra stjórnvalda við hana. „Ég kom á framfæri þökkum til þeirra fyrir frábært samstarf við erfiðar aðstæður,“ segir Guðmundur Ingi.
Ríkisstjórn Katrínar Jakobsdóttur Átök í Ísrael og Palestínu Ísrael Palestína Utanríkismál Flóttafólk á Íslandi Tengdar fréttir Hverjir hafa verið að koma og hverjir eiga að fá að vera? Umsóknum um alþjóðlega vernd á Íslandi fjölgaði gríðarlega árin 2022 og 2023, ekki síst vegna umsókna einstaklinga frá Úkraínu og Venesúela. Ef þessi tvö ár eru tekin út fyrir sviga hafa hins vegar litlar breytingar orðið á fjölda umsókna síðustu ár. 5. mars 2024 07:17 Bjarni ræddi við Israel Katz og bíður eftir grænu ljósi Bjarni Benediktsson utanríkisráðherra ræddi við Israel Katz, utanríkisráðherra Ísraels, símleiðis síðdegis í dag. Þar óskaði Bjarni liðsinnis um afgreðislu á lista yfir dvalarleyfishafa á Gaza. Erindinu hafi verið vel tekið af hálfu ísraelska ráðherrans en þó alls óvíst hvenær grænt ljós fáist. 28. febrúar 2024 16:31 Mest lesið Þrír fluttir á bráðamóttökuna af tónleikum FM95BLÖ Innlent Kosti tugi milljóna að hirða yfirgefin húsgögn Innlent Tveir löðrungar og fall líklega ekki orsök andlátsins Innlent Sagðist ekki hafa orðið var við átök: „Ég var eins og pabbi þeirra“ Innlent „Við erum engir rasistar“ Innlent Brot á vopnalögum og líkamsárás á tónleikum Innlent Liggur þungt haldinn eftir stórfellda líkamsárás í Hlíðunum Innlent Tékknesk herþota hluti af árlegri flugsýningu Innlent Banaslysið haft áhrif á undirbúning manngerðra íshella Innlent Rigning í dag og svo von á júníhreti Veður Fleiri fréttir Brot á vopnalögum og líkamsárás á tónleikum Tveir löðrungar og fall líklega ekki orsök andlátsins Þrír fluttir á bráðamóttökuna af tónleikum FM95BLÖ Tékknesk herþota hluti af árlegri flugsýningu Kosti tugi milljóna að hirða yfirgefin húsgögn „Fallegur dagur“ fyrir útskrift Banaslysið haft áhrif á undirbúning manngerðra íshella Sagðist ekki hafa orðið var við átök: „Ég var eins og pabbi þeirra“ Gamlir Fóstbræður sungu fyrir Njál og hans fólk á Bergþórshvoli Einn fékk rúmar fimmtíu milljónir Lengri opnunartímar sundlauga taka gildi „Við erum engir rasistar“ Kolmónoxíðeitrun talin vera orsök veikinda í flugvél Hasar á tvöföldum mótmælum, flugsýning og tryllitæki í beinni Liggur þungt haldinn eftir stórfellda líkamsárás í Hlíðunum Nikótínþurfi guðsbarn braust inn í Bjarnabúð „Ef fram heldur sem horfir verður Aþena lögð niður í næstu viku“ Stimpingar milli mótmælenda á Austurvelli Sigríður svarar gagnrýni á störf lögreglunnar á Suðurnesjum Tíundi hver með ágætiseinkunn í MR Engin smithætta vegna veikinda í vélinni Segir Viðskiptablaðið og Samstöðina fara rangt með mál um Ásthildi Lóu Kökuskreytingar og þjóðdansar á „Fjör í Flóa“ í dag Tvenn mótmæli í Reykjavík og herþota á flugsýningu „Mæta á næstu Palestínumótmæli og berja þetta lið“ Missa fatamarkaðinn með flutningi Konukots í Ármúla „Glútenóþol var orðið óhreinn hattur yfir þetta allt saman“ Ók hlaupahjólinu á tré með pizzu í annarri Hefja söfnun fyrir fjölskyldu Víglundar Borðaði súrdeigsbrauð og mældist með áfengi í útblæstri Sjá meira
Hverjir hafa verið að koma og hverjir eiga að fá að vera? Umsóknum um alþjóðlega vernd á Íslandi fjölgaði gríðarlega árin 2022 og 2023, ekki síst vegna umsókna einstaklinga frá Úkraínu og Venesúela. Ef þessi tvö ár eru tekin út fyrir sviga hafa hins vegar litlar breytingar orðið á fjölda umsókna síðustu ár. 5. mars 2024 07:17
Bjarni ræddi við Israel Katz og bíður eftir grænu ljósi Bjarni Benediktsson utanríkisráðherra ræddi við Israel Katz, utanríkisráðherra Ísraels, símleiðis síðdegis í dag. Þar óskaði Bjarni liðsinnis um afgreðislu á lista yfir dvalarleyfishafa á Gaza. Erindinu hafi verið vel tekið af hálfu ísraelska ráðherrans en þó alls óvíst hvenær grænt ljós fáist. 28. febrúar 2024 16:31