Í fréttatilkynningu þess efnis er haft eftir Herdísi Dröfn Fjeldsted, forstjóra Sýnar, að Kristín muni láta af daglegum störfum á næstu dögum. Hún verði félaginu þó innan handar þar til eftirmaður verður ráðinn.
„Við þökkum Kristínu fyrir hennar framlag til félagsins á undanförnum árum og óskum henni velfarnaðar.“
„Síðustu ár hafa verið viðburðarík á fjármálasviði Sýnar og mörgum stórum verkefnum nú lokið. Það er því eðlilegt að annar taki við keflinu. Ég vil þakka öllu starfsfólki Sýnar fyrir frábært samstarf og óska þeim alls hins besta,“ er haft eftir Kristínu.
Vísir er í eigu Sýnar.
