Hjarðhegðun Ís­lendinga

Hver man ekki eftir Omagio vösunum, múmínbollaæðinu og biðröðinni í Søstrene Grene eftir vegghillum?

Lífið á Vísi tók saman nokkur atriði sem einkenna hjarðhegðun Íslendinga um þessar mundir.

Moon boots

Moon boots skórnir seldust hratt upp í verslunum hér á landi sem og á Boozt.com fyrir jólin. Fjöldi íslenskra áhrifavalda hefur birt af sér myndir í sambærilegum skóm.

Adidas skór

Strigaskór frá Adidas eru vinsælir um þessar og mundir hafa verið síðastliðna mánuði. Samba týpan virðist heilla landann um þessar mundir ef marka má samfélagsmiðla og götutískuna í Reykjavík.

Stanley-brúsi

Stálbrúsinn frá framleiðandanum Stanley er vinsæll meðal Íslendinga um þessar mundir. Birgitta Líf er með Stanley-brúsann við höndina þegar hún gefur brjóst.

Crocs skór

Þægilegu Crocs skórnir eru vinsælir um þessar mundir meðal barna og fullorðinna. Þeir eru framleiddir í alls kyns litum og mynstrum. Auk þess er vinsælt að skreyta þá með skrauti.

Royal Copenhagen 

Hið klassíska postulín frá danska framleiðandanum Royal Copenhagen er vinsælt á borðum Íslendinga, þá sérstaklega Blue Fluted Mega línan. Falleg klassísk sem Íslendingar elska.

Heimilið umvafið náttúrulitum

Hvort sem það er stofan, eldhúsið, svefnherbergið eða barnaherbergin eru ljósir jarðlita tónar í forgrunni. Íslensk heimili eiga það til að verða áþekk vegna hjarðhegðunar.

Hönnunarstólar

Dönsku hönnunarstólarnir, Y-chair eftir Hans J. Wegner og Sjöan eftir Arne Jacobsen, má finna á mörgum íslenskum heimilum. Stólarnir voru hannaðir á Gullaldarárunum og eru sannkölluð klassík í danskri hönnunarsögu.

String-hillur

Hillusamstæðurnar frá sænska hönnuðinum Nisse Strining er vinsæll kostur á heimilum Íslendinga.

Húðsmánun hin nýja fitusmánun?

Botox og fylliefni - er enginn með hrukkur á enninu eða litlar varir í dag? 

Kompás fjallaði um fylliefnabransann á Íslandi í september í fyrra. Þáttinn má sjá í spilaranum hér að neðan.

Ungmenni öll eins 

Ungmenni eru mörg hver klædd ljósum joggingbuxum, mittisúlpum og hvítum strigaskóm. Til hvers að flækja hlutina? Þá er vinsælt að láta geirvörturnar sjást í gegnum bolinn.

Tveir áfangastaðir og málið dautt

Tenerife eða skíðaferð. Til hvers að fara út fyrir þægindarammann og flækja hlutina? 

Íslenska sumarkonan

Íslenska sumarkonan gerir vart við sig á samfélagsmiðlum landsins yfir sumartímann á helstu veiðisvæðum landsins. Hún er á fertugs eða fimmtugsaldri og ótrúlega hress.

Hún klæðist gúmmístígvélum, með Farmers market sjal yfir herðum sér, hatt á höfði og sötrar kampavín í fallegu glasi við árbakkann.

Berglind Festival gerði týpunni góð skil í Vikunni með Gísla Marteini í október í fyrra.

Samskonar áhugamál

Sjósund, köld böð, golf og Barre-fit í heitum sal eru áhugamál Íslendinga um þessar mundir. 

Og lengi mætti telja. Veistu um fleiri dæmi um hjarðhegðun Íslendinga? Deildu þeim með okkur í ummælakerfinu hér að neðan.