Myndaveisla: Túbering, glingur og 80's múndering

Þema kvöldsins var níundi áratugurinn og keppendur fluttu af því tilefni 80s-lög sem endurspegluðu áratuginn.

Eins og fyrsta kvöldið voru örlög keppenda í höndum áhorfenda en ekki dómara og munu úrslit næstu þátta Idolsins ráðast í símakosningu.

Þegar niðurstaða úr símakosningunni var kynnt kom í ljós að það var söngkonan Birgitta sem þurfti að taka pokann sinn. Hún flutti ódauðlega hittarann Holding Out For a Hero sem Bonnie Tyler samdi fyrir myndina Footloose.

Birgitta fékk afar jákvæða umsögn frá dómurunum sem voru ánægðir að sjá hana demba sér í rokkið.

Líkt og eftirfarandi myndir gefa til kynna var gríðarleg stemmning í Idol-höllinni að Fossaleyni síðastliðið föstudagskvöld.

Idol-stjarnan Saga Matthildur Árnadóttir frumflutti lagið Hvaða sögu viltu fá? í beinni útsendingu á föstudaginn. En lagið er fyrsta smáskífa hennar af væntanlegri stuttskífu plötu.