Neytendur

Dýrara í Strætó á nýju ári

Kolbeinn Tumi Daðason skrifar
Horft á eftir strætisvagni í Lækjargötu í desember.
Horft á eftir strætisvagni í Lækjargötu í desember. Vísir/Vilhelm

Ný gjaldskrá hjá Strætó tekur gildi þann 8. janúar næstkomandi. Hækkunin nemur að meðaltali 11% yfir alla fargjaldaflokka. Sem dæmi má nefna að stakt fargjald fer úr 570 kr. í 630 kr. og 30 daga nemakort fer úr 4500 kr. í 5.200 kr. Verð á Klapp plastkortum helst þó óbreytt eða 1.000 kr.

Þetta kemur fram á vef Strætó. Þar segir að ákvörðunin um breytingar hafi verið tekin af stjórn félagsins og samþykkt eigendafundi Strætó sem haldinn var 16. október síðastliðinn.

Litið hafi verið til rekstrarstöðu Strætó við ákvörðunina en uppsöfnuð áhrif vegna heimsfaraldurs Covids gætir enn í rekstrinum. Verðhækkunum sé einnig ætlað að mæta almennum kostnaðarverðshækkunum hjá Strætó sem og hærri launakostnaði og draga úr þörf á frekari hagræðingu í leiðarkerfi Strætó á höfuðborgarsvæðinu.

Gjaldskrárbreytingarnar taka til þjónustu Strætó á höfuðborgarsvæðinu en engar breytingar verða á gjaldskrá á landsbyggðinni. Ný gjaldskrá tekur gildi mánudaginn 8. janúar 2024.

Strætó Neytendur Reykjavík Kópavogur Seltjarnarnes Mosfellsbær Hafnarfjörður Garðabær


Mest lesið


Fleiri fréttir

Sjá meira


×

Mest lesið