Myndaveisla: Ekkert til sparað í 22 ára af­mæli Gústa B

„Ég hef aldrei haldið upp á afmælið mitt áður svo það var bara kominn tími til. Þetta var frábært ár fyrir mig og mér fannst ég skulda fólkinu í kringum mig gott partý þar sem þau eiga svo sannarlega stóran part í öllu sem ég geri“ segir Gústi.

Engu var til sparað þar sem eldspúandi listamenn, rauður dregill og stærðarinnar ísskúlptúr tók á móti gestum við innganginn. „Það verður að minnsta kosti erfitt að toppa þetta,“ segir Gústi.

Meðal gesta voru íþróttafólkið Kristófer Acox, Adam Pálsson og Nadía Atladóttir. Rapparinn Daniil lét sig ekki vanta og tróðu upp ásamt Agli Ploder, Arnari Þór og Sonju Story. 

Aron Kristinn og Brynjar Barkarsson úr hljómsveitinni ClubDub mættu færandi hendi og gáfu Gústa rakettu í afmælisgjöf. 

Útvarps- og sjónvarpsstjörnurnar Kristín Ruth, Patrekur Jaime, Binni Glee og Ósk Gunnars voru einnig á meðal gesta og virtust skemmta sér konunglega.