David Okeke, leikmaður Hauka í Subway-deild karla, sem fór í hjartastopp í leik liðsins gegn Tindastóli á fimmtudaginn virðist vera á batavegi en hann verður útskrifaður af sjúkrahúsi í dag.
Karfan.is greinir frá þessu en í frétt Körfunnar kemur fram að Okeke fái að fara heim af Landspítalanum í dag en bíði nánari niðurstaðna úr rannsóknum og munu hitta hjartasérfræðing á mánudaginn.
Okeke fékk tvöfalt hjartastopp í leiknum en gangráður hans gaf honum stuð í tvígang og komst hann til meðvitundar af sjálfsdáðum eftir fyrra hjartastoppið. Hann var fluttur á Fjórðungssjúkrahúsið á Akureyri og síðan með sjúkraflugi til Reykjavíkur næsta morgun en fær að fara heim í dag.
Körfuknattleiksdeild Hauka sendi í dag frá sér yfirlýsingu þar sem félagið fer yfir atvik sem átti sér stað í leik liðsins gegn Tindastóli í Subway-deild karla í körfubolta í gærkvöldi þegar leikmaður þeirra, David Okeke, hneig niður þegar skammt var eftir af öðrum leikhluta.
David Okeke, leikmaður körfuknattleiksliðs Hauka, var í dag fluttur með sjúkraflugi frá Akureyri til Reykjavíkur til frekari rannsókna.
Leikmaður Hauka í körfuknattleik hneig niður í leik liðsins gegn Tindastól í Subway deild karla í gærkvöldi en leikurinn fór fram á Sauðárkróki.
