Dregið í deildabikarnum: Newcastle mætir á Old Trafford

32-liða úrslitunum deildarbikarsins lauk í kvöld og var dregið í næstu umferðina strax eftir leikina. 

Manchester United komst áfram eftir 3-0 sigur á Crystal Palace og mun liðið fá Newcastle United í heimsókn á Old Trafford sem hafði betur gegn Manchester City.

Liverpool kom til baka í seinni hálfleiknum gegn Leicester City og vann 3-1 og mun liðið mæta Bournemouth á útivelli í næstu umferð.

Arsenal mun síðan mæta West Ham á útivelli á meðan Chelsea mun taka á móti Blackburn Rovers. Everton mætir Jóhanni Berg Guðmundssyni og félögum í Burnley, Mansfield mætir Port Vale, Exeter mætir Middlesbrough og Ipswich tekur á móti Fulham.

Þessir leikir munu fara fram 30. október næstkomandi.