Bíó og sjónvarp

Fresta frumsýningu Dune vegna verkfalls

Samúel Karl Ólason skrifar
Timothée Chalamet og Zendaya leika persónur í Dune: Part 2 sem feta þurfa slóða ástarinnar annars vegar og baráttu við hið illa hins vegar.
Timothée Chalamet og Zendaya leika persónur í Dune: Part 2 sem feta þurfa slóða ástarinnar annars vegar og baráttu við hið illa hins vegar. Warner Bros.

Forsvarsmenn Warner Bros hafa ákveðið að fresta frumsýningu kvikmyndarinnar Dune: Part Two um rúma fjóra mánuði vegna verkfalls leikara. Timothée Chalamet, Zendaya og aðrir leikarar geta annars ekki tekið þátt í að kynna myndina vegna verkfalls leikara.

Myndin, sem er eftir Denis Villeneuve, byggir á bókinni sem Frank Herbert gaf úr árið 1956 og framhaldssögum hans. Hún fjallar í stuttu máli um Paul Atreides (sem leikinn er af Chalamet), fjölskyldu hans og baráttu þeirra við Harkonnen-ættina um plánetuna Arrakis, sem einnig kallast Dune.

Þessi mynd fjallar um seinni hluta bókarinnar en til stóð að frumsýna myndina þann 3. nóvember en nú hefur því verið frestað til 15. mars.

Samkvæmt frétt Hollywoord Reporter hafa forsvarsmenn Warner áhyggjur af því að stjörnur myndarinnar geti ekki tekið þátt í markaðssetningu hennar. Sú markaðssetning hefði þurft að byrja í næsta mánuði.

Fyrri myndin kom út árið 2021 og halaði inn rúmum 402 milljónum dala á heimsvísu. Það þykir ekki slæmt, með tilliti til þess að myndin var frumsýnd á HBO Max á sama tíma og faraldur Covid var enn í gangi.

Bíó og sjónvarp Hollywood

Tengdar fréttir

Væri eyðumerkurheimur „Dune“ raunverulega lífvænlegur?

Lífsbaráttan er hörð á eyðimerkurhnettinum Arrakis sem er sögusvið stórmyndarinnar „Dune“. Fólk þarf sérstaka búninga til að lifa af þrúgandi hitann sem eirir engu. Þrátt fyrir að bókin sem myndin byggir á hafi verið skrifuð fyrir tæpri hálfri öld hafa loftslagsfræðingar komist að öfgakennt loftslag Arrakis sé nokkuð raunsætt.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.