Ó­­­venju­­mikið álag vegna um­­­gangs­­pesta og veiru­­sýkinga

Þetta segir Már Kristjánsson, framkvæmdastjóri lyflækninga- og bráðaþjónustu á Landspítalanum, í samtali við mbl.is.

Að sögn Más var reiknað með töluverðri aðsókn í sumar vegna slysa, ekki síst vegna mikils fjölda erlendra ferðamanna. Hins vegar hafi komið á óvart hversu margir hafi þurft að sækja þjónustu vegna umgangspesta og sýkinga.

„Það eru á hverj­um degi alltaf ein­hverj­ir ferðamenn sem koma. Það sem er svo­lítið óvænt og óvana­legt fyr­ir þenn­an árs­tíma er að það er búið að vera óvana­lega mikið af pest­um. Það hafa verið bæði önd­un­ar­færa­veir­ur og nóróveiru­sýk­ing­ar. Þessi um­ferðaró­höpp og frí­tíma­slys hafa líka verið nokkuð mörg,“ segir Már.

Þá segir hann kórónuveiruna enn vera að valda álagi en töluverður fjöldi sé enn að sækja þjónustu vegna Covid-19.

Sumarleyfi setja að sjálfsögðu strik í reikninginn, líkt og búast má við.

„Það eru erfiðleik­ar vegna sum­ar­leyfa annarra þjón­ustu­stiga. Líka meðal okk­ar starfs­fólks. Það dreg­ur úr hraða og af­köst­um. Það er öðru­vísi álag en engu að síður fyr­ir­sjá­an­legt,“ segir Már. Það ætti hins vegar að lagast eftir um tvær vikur, þegar fólk fer að skila sér aftur eftir sumarfrí.