Stefnir í verk­fall Hollywood leikara

Í um­fjöllun Guar­dian um málið kemur fram að samninga­nefnd verka­lýðs­fé­lags leikara í sjón­varpi og út­varpi, sem í eru 160 þúsund leikarar, hafi lagt til að gripið verði til verk­falls­að­gerða. Stjórn fé­lagsins mun svo taka á­kvörðun um það síðar í dag og eru allar líkur á að það verði sam­þykkt.

Samninga­nefnd fé­lagsins hefur í rúman mánuð rætt við sam­tök kvik­mynda-og sjón­varps­fram­leið­enda vestan­hafs sem sjá um launa­samninga fyrir hönd stærstu stúdíóanna og streymis­veitna líkt og Amazon, App­le, Dis­n­ey, NBCUni­ver­sal, Net­flix, Paramount, Sony og Warner Bros. Discovery.

Haft er eftir Fran Drescher, for­seta fé­lags leikara, að fé­lagið hafi ekki mætt raun­veru­legum samnings­vilja af hálfu við­semj­enda sinna. Ekki sé annað í stöðunni en að grípa til verk­falls­að­gerða. Áður hafa nokkrir stór­leikarar líkt og Mer­yl Streep, Glenn Close, Jenni­fer Lawrence, Bob Oden­kirk og Mark Ruffa­lo gefið frá sér yfir­lýsingu þar sem þau segjast styðja verk­falls­að­gerðir.

Hand­rits­höfundar í Hollywood hófu sínar verk­falls­að­gerðir þann 2. maí síðast­liðinn. Ekki er út­lit fyrir að þeim að­gerðum ljúki í bráð, að því er segir í um­fjöllun Guar­dian. Mun verk­fall leikara og hand­rits­höfunda hafa víð­tæk á­hrif á efna­hag Los Angeles borgar og víðar.

Í um­fjöllun Guar­dian kemur fram að verk­fallið muni þegar í stað hafa á­hrif á markaðs­starf kvik­mynda sem koma út í sumar. Þannig hafi heims­frum­sýningu Oppen­heimer kvik­myndarinnar í leik­stjórn Christop­her Nolan sem fram fer í London í kvöld þegar verið flýtt um klukku­stund. Þá gæti svo farið að Emmy verð­launum verði frestað fram á vetur en þau eiga að fara fram í septem­ber.