Eurovisionvaktin: Allt látið flakka á fyrra undankvöldinu

Eurovisionvaktina má finna neðst í fréttinni. Í henni verður lagt mat á atriði kvöldsins, þau rýnd, dæmd - og jafnvel sett í sögulegt samhengi. Ekkert er Eurovision-vaktinni óviðkomandi og engum verður hlíft.

En þá að praktískum atriðum. Útsending hefst klukkan 19 að íslenskum tíma og framlög fimmtán landa eru um hituna. Þau eru eftirfarandi, í þessari röð: Noregur, Malta, Serbía, Lettland, Portúgal, Írland, Króatía, Sviss, Ísrael, Moldóvía, Svíþjóð, Aserbaíjan, Tékkland, Holland og Finnland.

Þau tíu lönd sem hljóta náð fyrir augum Evrópubúa og dómnefndar komast áfram á úrslitakvöld keppninnar, sem fram fer á laugardag.