Jón Brynjar ráðinn for­stöðu­maður fjár­mála hjá Sýn

Í tilkynningu frá Sýn segir að Jón Brynj­ar hafi áður starfað hjá Advania Ísland ehf. sem fjármálastjóri og þar áður sem forstöðumaður hagdeildar. 

Hann er með meist­ara­gráðu í fjár­mál­um og stefnu­mót­andi stjórn­un frá Copen­hagen Bus­iness School og hef­ur sér­hæft sig í Beyond Budget­ing aðferðafræðinni.

Haft er eftir Jóni Brynjari að Sýn sé spennandi þjónustufyrirtæki með öfluga fjarskipta- og fjölmiðlaþjónustu. „Sóknartækifæri Sýnar eru fjölmörg og það verður mjög gaman að taka þátt í að skapa framtíðina með þeim flotta hóp sem þar starfar“, segir Jón Brynjar.

Þá er haft eftir Kristínu Friðgeirsdóttur, framkvæmdastjóra fjármála og stefnumótunar hjá Sýn, að hún sé mjög ánægð með að fá jafn reynslu mikinn aðila og Jón Brynjar til liðs við félagið. „Þekking Jóns Brynjars mun nýtast Sýn vel á þeirri breytingarvegferð sem félagið er á og bjóðum við hann velkominn til starfa,“ segir Kristín.

Vísir er í eigu Sýnar.