Að minnsta kosti átta slösuðust í New York-borg í Bandaríkjunum í dag eftir að keyrt var á þau. Tveir eru sagðir vera alvarlega slasaðir.
Maðurinn keyrði sendiferðabílinn í gegnum Bay Ridge-hverfið í New York og á fólk á gangstéttinni. Hann var á leið frá Brooklyn til Manhattan þegar lögreglu tókst að stöðva för hans.
Ekki er vitað hvort árásin tengist hryðjuverkum en fréttaveitan AP hefur eftir talsmanni borgarstjórans í New York að engin frekar hætta sé yfirvofandi.
