Grunuðu alls­gáðan öku­mann um akstur undir á­hrifum eftir tvo á­rekstra

Í dagbók lögreglu segir að lögregla hafi talið ökumaðurinn hafi verið undir áhrifum vímuefna en svo reyndist ekki vera. Ökumaðurinn var í kjölfarið færður undir læknishendur í kjölfarið.

Í tilkynningunni segir einnig að lögregla hafi verið kölluð út eftir að erlendur ferðamaður hafði tilkynnt þjófnað á og fjársvik í miðborg Reykjavíkur í gærkvöldi. 

Hægt var að fylgjast með hvar þjófurinn væri í borginni með því að fylgjast með færslum á kreditkorti í eigu hans. Í tilkynningu frá lögreglu segir að skömmu áður en lögregla kom á staðinn hafi meintur þjófur ekið á brott og ekki náðst. Lögregla telur sig þó vita hvern um ræðir.

Um klukkan 23 var tilkynnt um innbrot í bíl og að meintur innbrotsþjófur væri ennþá á vettvangi. Er lögreglu bar að reyndist þetta vera eigandi bílsins sem hafði glatað lyklunum að bílnum og þurfi að komast inn í hana með öðrum leiðum.

Ennfremur segir í tilkynningu að ökumaður bíls hafi verið stöðvaður í akstri á höfuðborgarsvæðinu í gærkvöldi. Hann reyndist sviptur ökuréttindum en reyndi að villa fyrir lögreglu með því að gefa upp kennitölu annars manns. Það gekk ekki betur en svo að hann mundi ekki síðustu fjóra í kennitölunni og gat ekki framvísað gildum skilríkjum.

Um miðnætti var svo tilkynnt um innbrot í heimahús á höfuðborgarsvæðinu en þegar húsráðandi kom heim var búið að brjótast inn til hans og stela verðmætum. Er málið í rannsókn.

Einnig bárust lögreglu fjölmargar tilkynningar um umferðaróhöpp/slys seinnipartinn í gær en búið var að fjalla um það í fréttum svo ekki talin þörf á að tvítaka þær upplýsingar.