Innlent

Þrír fluttir með sjúkra­flugi til Reykjavíkur eftir á­rekstur á Hóla­vegi

Ellen Geirsdóttir Håkansson skrifar
Farþegar bifreiðanna voru fluttir með sjúkraflugi til Reykjavíkur.
Farþegar bifreiðanna voru fluttir með sjúkraflugi til Reykjavíkur. Vísir/Vilhelm

Tveir bílar skullu saman á Hólavegi í Hjaltadal upp úr klukkan fjögur í dag. Mikil hálka var á svæðinu. Þrír aðilar voru í bílunum og voru þeir fluttir með sjúkraflugi til Reykjavíkur. 

Þetta kemur fram í tilkynningu frá lögreglunni á Norðurlandi Vestra. 

Upplýsingar um meiðsl fólksins liggja ekki fyrir en voru þau ekki talin lífshættuleg.

Hólavegi var lokað vegna rannsóknar á vettvangi en er í þann mund að opna. 

Tilkynningu embættisins má sjá hér að neðan. 

Tilkynning lögreglunnar á Norðurlandi vestra

Umferðarslys varð upp úr kl.16.00 í dag á Hólavegi í Hjaltadal. Þar skullu saman tvær bifreiðar sem að komu úr gagnstæðum áttum. Aðstæður á vettvangi voru ekki góðar, snjór og hálka. Töluverður viðbúnaður var vegna slyssins en í annarri bifreiðinni voru tveir aðilar en einn í hinni bifreiðinni. Hólavegur hefur verið lokaður vegna rannsóknar á vettvangi en er við það að opnast. Aðilarnir í slysinu voru fluttir með sjúkrabifreiðum á Sauðárkrók og þaðan með sjúkraflugi til Reykjavíkur. Ekki er vitað nákvæmlega með meiðsl fólksins en þau eru samt sem áður ekki talin lífshættuleg.

Samgönguslys Lögreglumál Skagafjörður

Mest lesið


Fleiri fréttir

Sjá meira


×

Mest lesið