Sprengingin átti sér stað klukkan sex í morgun að staðartíma. Talið er að þrýstingurinn innan í búrinu hafi valdið henni.
Bro what the fuck the fish tank of my hotel just exploded in the middle of the night WHATS GOING ON. #radissonblu #Berlin #aquarium #Explosion pic.twitter.com/Od8iS9YxBN
— Niklas Scheele (@niklas_scheele) December 16, 2022
Síðustu rúm tvö ár hefur búrið verið í viðgerð en varð aftur sýnilegt gestum í sumar. Hægt hefur verið að ferðast með lyftu í gegnum búrið, þó einungis frá klukkan tíu að morgni til til klukkan sex að kvöldi til. Því var enginn í lyftunni er búrið sprakk.

Öllum gestum hótelsins var gert að yfirgefa svæðið en samkvæmt þýska blaðinu Bild voru um 350 gestir á hótelinu þegar sprengingin átti sér stað. Gestir hótelsins sem Bild ræddi við lýstu sprengingunni.
„Snemma í morgun, um klukkan sex, heyrði ég mikla sprengingu, eins og þrumu. Ég skildi ekki hvað var að gerast. Ég kallaði á vinkonu mína og fór í hennar herbergi. Þar sá ég fiskabúrið. Það var vatn út um allt,“ sagði tónlistarkonan Iva Yudinski.

