Lífið

Dua Lipa og Trevor Noah sáust í faðmlögum á götum New York borgar

Elísabet Hanna skrifar
Það virðast vera neistar á milli Dua Lipa og Trevor Noah.
Það virðast vera neistar á milli Dua Lipa og Trevor Noah. Getty/Kristina Bumphrey/Allen Berezovsky

Þáttastjórnandinn Trevor Noah og poppstjarnan Dua Lipa sáust í faðmlögum á götum New York borgar eftir að hafa deilt kvöldverði á Miss Lily's. 

Samkvæmt Page Six var um stefnumót að ræða og náðust myndir af þeim að rölta um borgina að spjalla saman eftir að þau luku við kvöldverðinn. Að lokum kvöddust þau með innilegu faðmlagi. Heimildir miðilsins segja þau ekki vera orðin par en að miklir neistar séu á milli þeirra. „Það er klárlega áhugi til staðar hjá báðum aðilum,“ segir heimildin.

Áður var Dua Lipa í tveggja ára sambandi með fyrirsætunni Anwar Hadid, bróður Gigi og Bellu. Trevor var áður með leikkonunni Minku Kelly og voru þau einnig saman í tvö ár.

Trevor tilkynnti nýlega að hann ætlar að hætta sem stjórnandi þáttarins The Daily Show á Comedy Central. Trevor hefur stjórnað þættinum í sjö ár.

Hollywood

Tengdar fréttir

Trevor Noah hættir eftir sjö ár á skjánum

Þáttastjórnandinn Trevor Noah ætlar að hætta sem stjórnandi þáttarins The Daily Show á Comedy Central. Trevor hefur séð um þættina í sjö ár. Hann segist fyrst og fremst finna fyrir þakklæti þegar hann horfir yfir farinn veg. 

Insta-Grammy: Brotin verðlaun, Gucci og BTS

Um helgina fór Grammy verðlaunahátíðin fram og voru stjörnurnar duglegar að deila myndum frá viðburðinum á sínum persónulegu miðlum. Íslendingar áttu góða fulltrúa á hátíðinni sem voru glæsileg á rauða dreglinum.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.