Þór Þorlákshöfn sækir liðsstyrk

Hernandez hefur áður leikið á Íslandi en hann spilaði fyrir Þór frá Akureyri tímabilið 2019/20. Þá var Þór Akureyri undir stjórn Lárusar Jónssonar, sem er nú þjálfari Þórs frá Þorlákshöfn.

Á síðasta leiktímabili spilaði Hernandez með TAU Castello í næst efstu deild á Spáni. Castello endaði tímabilið í tíunda sæti og Hernandez var með 4,8 stig, 3,1 fráköst og 0,7 stoðsendingar að meðaltali á leik. 

„Ég er ótrúlega spenntur að verða hluti af Þór Þorlákshöfn. Ég er mjög þakklátur fyrir þetta tækifæri og get ekki beðið eftir því að fara til Þorlákshafnar og hefjast handa,“ skrifaði Hernandez á Twitter í dag.