Ætla að bjóða upp á auglýsingar með aðstoð Microsoft

Bjarki Sigurðsson skrifar 13. júlí 2022 21:19

Engin streymisveita er með fleiri áskrifendur en Netflix. Getty/Mario Tama

Stjórnendur Netflix hafa ákveðið að fá Microsoft til liðs við sig við að hanna áskriftarleið þar sem áskrifendur horfa á auglýsingar. Mun þetta vera í fyrsta sinn sem Netflix býður upp á slíka áskrift.

Í apríl greindi streymisveiturisinn Netflix frá því að verið væri að skoða að bjóða upp á ódýrari áskriftarleið að efni þeirra sem innihéldi auglýsingar. Verkefnið virðist fara vel af stað því fyrirtækið er komið í samstarf við tæknifyrirtækið Microsoft sem á að sjá um þessa auglýsingahlið streymisveitunnar.

Verkefnið er þó ekki komið langt á leið en í tilkynningu á vef Netflix segir að þetta sé hluti af stefnu fyrirtækisins.

Alls eru 221 milljón manns með áskrift af Netflix en fyrirtækið skilaði af sér tapi í fyrsta sinn í meira en tíu ár á fyrsta ársfjórðungi 2022. Með því að bjóða upp á þessa ódýrari áskriftarleið er vonast eftir því að auka innkomu fyrirtækisins.

Netflix Microsoft Hollywood Bíó og sjónvarp Auglýsinga- og markaðsmál

Tengdar fréttir

Lofa starfsfólki að þau muni greiða fyrir þungunarrof

Fjöldi bandarískra fyrirtækja býðst nú til þess að greiða fyrir ferðakostnað starfsmanna sem þurfi að sækja sér þungunarrofsþjónustu utan eigin ríkismarka.

24. júní 2022 23:59

Fregnir af hruni Netflix stórlega ýktar: „Hlutabréfaeigendur eru dramadrottningar“

Kvikmyndaleikstjóri telur ólíklegt að streymisveitur fari sömu leið og vídeóleigur eftir fregnir af uppgjöri Netflix í vikunni. Hann segir hlutabréfaeigendur dramadrottningar en staðreyndin sé sú að samkeppnin verði sífellt harðari.

24. apríl 2022 22:01