Á mánudag bárust fréttir þess efnis frá Bretlandseyjum að 29 ára gamall knattspyrnumaður hefði verið handtekinn vegna gruns um nauðgun.Síðan hafa tvær konur til viðbótar bæst við og því um þrjár nauðgunarákærur að ræða.
Ekki má nefna leikmanninn vegna lagalegra ástæðna en hann er þekktur á heimsvísu, var líklegur til að spila fyrir þjóð sína á HM síðar á þessu ári og þá er félag hans staðsett í Norður-Lundúnum.
Leikmaðurinn var handtekinn á mánudag en sleppt gegn tryggingu degi síðar. Gildir sú trygging fram í ágúst en leikmaðurinn er í farbanni þangað til.
Í frétt The Guardian segir leikmaðurinn hafi verið handtekinn vegna nauðgunar sem átti sér stað í júní á þessu ári. Er hann var í haldi lögreglu bættust við tvær ákærur vegna nauðgana sem áttu sér stað í apríl og júní á síðasta ári. Konurnar þrjár eru á bilinu 20 til 30 ára.
Exclusive: the Premier League club of the footballer arrested on Monday on suspicion of rape was made aware of a rape allegation against the player last autumn.
— Guardian sport (@guardian_sport) July 8, 2022
Story: @SuzyWrack and @NickAmes82 https://t.co/VWbo6NjhRq
Samkvæmt heimildum The Guardian þá vissi vinnuveitandi leikmannsins, félag staðsett í Norður-Lundúnum, af meintum nauðgunum frá síðasta ári. Tók félagið þá ákvörðun að aðhafast ekkert í málinu og spilaði leikmaðurinn með liðinu á síðustu leiktíð.
Félagið neitaði að svara spurningum The Guardian er miðillinn hafði samband.